ဘန်ကောက် ပတ္တရား ပေါ့ပေါ့ပါးပါးနဲ့ တစ်ယောက်တည်းသွားလည်း OK တယ်

ဘန်ကောက်ကနေ ပတ္တရားသွားတဲ့ လမ်းပေါ်မှာ ရှိနေတဲ့ Sriracha Tiger Zoo အဝင်ပါ။ ဓါတ်ပုံရိုက်ဖို့အရမ်းလှပါတယ်။ ကားကြီးနဲ့လာရင်တော့ ကားရပ်ဖို့ ခက်ခဲနိုင်ပါတယ်။

လူတွေမှာ ခရီးသွားတာနဲ့ ပတ်သက်လို့ ခံယူချက်သီးသီးသန့်သန့်လေးတွေရှိတယ်။ တချို့က ခရီးသွားရင် မိသားစုတစ်စုလုံးနဲ့ သွားရမှ လုံခြုံပျော်ရွှင်တယ်။ တချို့ကျတော့ သူငယ်ချင်းများများနဲ့ စည်စည်ကားကား ဆူဆူညံညံလေး သွားချင်တယ်။ တချို့ကတော့ ခရီးသွားအေဂျင်စီတွေက စီစဉ်ပေးတဲ့ ခရီးမျိုးကိုလိုက်ချင်ပြီး မိတ်ဆွေအသစ်တွေ တွေ့ရ ရှာရတာမျိုးကို သဘောကျကြတယ်။ တချို့ကတော့ တစ်ယောက်တည်း ခရီးသွားမှ ကိုယ့်သဘောနဲ့ကိုယ် စိတ်ကြိုက်သွားလာလှုပ်ရှားနိုင်တယ်လို့ထင်တယ်။ သူ့ခံယူချက်နဲ့သူမို့ ဘယ်သူကမှတော့ မမှားကြပါဘူး။ သို့ပေမယ့်လည်း ဒီခံယူချက်တိုင်းမှာ အားနည်းချက်၊ အားသာချက်လေးတွေတော့ ရှိသပေါ့လေ။

ကျွန်တော်ကတော့ ခရီးသွားရင် ဘယ်လိုသွားရ သွားရ ပျော်နေတတ်တာပါပဲ။ တစ်ယောက်တည်းလား၊ နှစ်ယောက်တွဲလား၊ အဖော်တသင်းနဲ့လား၊ မိသားစုနဲ့လား၊ ဘာလိုပဲဖြစ်ဖြစ် ခရီးသွားရတာကို သဘောကျနှစ်သက်နေမိပါတော့တယ်။ ဒီတစ်ခါ ကျွန်တော်သွားဖြစ်ခဲ့တာက ဘန်ကောက်၊ ပတ္တရားဘက်ပေါ့။ သြော် တစ်ခုတော့ ကျွန်တော် သိပ်မခိုက်တာရှိတယ်။ အဲဒါ ခရီးသွားအေဂျင်စီတွေရဲ့ အစီအစဉ်နဲ့ သွားရတာပဲ။ ကျွန်တော့အတွက် အပန်းမပြေဘဲ ပိုပင်ပန်းစေတယ်ထင်မိလို့ပါ။ သို့ပေမယ့်လည်း စောစောကပြောသလိုပေါ့ အားသာချက်လေးတော့ ရှိတယ်။ ခရီးမသွားခင်နဲ့ သွားနေတုန်း ကိုယ့်ဘက်က သိပ်ပူပန်စရာမရှိဘူး၊ ခရီးသွားလေ့လာသူတစ်ဦးအနေနဲ့ ရောက်သင့်ရောက်ထိုက်တဲ့နေရာတွေအကုန်ရောက်နိုင်သလို၊ သွားရောက်တဲ့နေရာတွေနဲ့ပတ်သက်တဲ့အချက်အလက်တွေလည်း တိတိကျကျ လွယ်လွယ်ကူကူ သိနိုင်တာပါပဲ။ ဒါပေမယ့်လည်း ကျွန်တော့အတွက်ကတော့ ခရီးသွားအေဂျင်စီတွေရဲ့ အစီအစဉ်နဲ့ သွားရတာဟာ ငယ်ငယ်က မူလတန်းကျောင်းတက်တုန်း ဆရာမတွေနဲ့ လေ့လာရေးခရီးသွားနေရတယ်လို့ ခံစားရနေရတာကြောင့်ပါပဲ။

ဆိုတော့ ကျွန်တော်က ဒီ ခရီးကို ကိုယ့်ဘာသာကိုယ် သွားပါတယ်။ အရင်ကလည်း အလုပ်ကိစ္စတွေနဲ့ ဘန်ကောက်က မကြာခဏ ရောက်ဖြစ်ပေမယ့် လည်ပတ်ဖို့ သိပ်မလုပ်ဖြစ်ခဲ့ဘူး။ ခုတစ်ခေါက်တော့ အလုပ်ကနေ ရက်ရှည်ခွင့်ယူပြီး ပတ္တရားဘက်ကို ဦးစားပေး ထွက်ဖြစ်ခဲ့တယ်။ ကျွန်တော်တို့ဆီမှာ အားနည်းနေသေးတဲ့ အချက်ပေါ့။ လေယာဉ်လက်မှတ်ခကို အသက်သာဆုံးဖြစ်အောင် အင်တာနက်ကနေ ကြိုတင် Booking လုပ်တာမျိုး၊ ခရီးစဉ်ကို ကြိုတင်ကြံစည်ပြီး လေယာဉ်လက်မှတ်ဝယ်ယူထားတာမျိုး အရမ်းရှားတယ်။ တကယ်က အဲလိုလုပ်နိုင်ရင် ကိုယ့်ရဲ့ ခရီးစဉ်ဟာ စားရိတ်အများကြီး ချုံ့နိုင်သွားစေပါတယ်။ ဒီ ထိုင်းခရီးစဉ်အတွက်လည်း ကျွန်တော်က Budget Airline Nok Air ကို ကြိုတင်ဝယ်ယူခဲ့တာမို့ အသွားအပြန် ၈၅ ဒေါ်လာလောက်ပဲ ပေးခဲ့ရပါတယ်။ ကီလို ၃၀ သယ်ဆောင်ခွင့်ပါပြီးသား၊ အခွန်ပါပြီးသားပါ။ ဒါတောင် ကျွန်တော် တွေဝေနေလို့ ဈေးတက်သွားတာ ပထမစတွေ့တုန်းကဆို ၆၀ ဒေါ်လာလောက်ပဲ ရှိတယ်။ မြန်မာငွေ ၈သောင်း ၉ သောင်း လောက်နဲ့ ဘန်ကောက် အသွားအပြန် လက်မှတ်ရနိုင်တာ မဆိုးဘူးပေါ့။



နောက်တစ်ခါ ဟိုတယ် Booking ယူတာ။ ကျွန်တော်တို့တွေ ဒီမှာ Master Card, Visa Card တွေ လုပ်လို့ရနေပါပြီ။ အရမ်းလည်းလွယ်ပါတယ်။ ရှိထားရင် မမှားပါဘူး။ ဟိုတယ် Booking အတွက် ဈေးနှုန်းသင့်တာလေးတွေကို Booking.com,Agoda.com တို့လိုမျိုးကနေ ရှာဖွေပြီါ် ကြိုတင်ယူထားတာကလည်း ကိုယ့်အတွက် အဆင်ပြေတာပေါ့။ တစ်ခုတော့ ရှိပါတယ်။ တစ်ခါတလေတော့လည်း အွန်လိုင်းက Booking လုပ်တာက Walk-in လုပ်တာထက် ပိုဈေးကြီးနေတတ်လို့ ခရီးသွားရာသီချိန်မဟုတ်ရင် ဒီအတိုင်းပဲ ဟိုတယ်ကို လှမ်းချိတ်တာမျိုး၊ ကိုယ်တိုင်သွားမေးလိုက်တာမျိုးကလည်း ပိုပြီး ကောင်းနေတတ်ပြန်ပါတယ်။ ဟိုတယ်ခတွေကတော့ ချွေတာရေးဆင်းနေတယ်ဆိုရင်တော့ ကျပ် ၃သောင်းဝန်းကျင် ဟိုတယ်လေးတွေ ရှိပါတယ်။ အဲဒီထက် နိမ့်ရင်တော့ ကိုယ်ဈေးဝယ်ထွက်ထားတဲ့ ပစ္စည်းပေါင်းစုံကို မပျောက်ပျက်ဖို့က သိပ်ပြီး မလွယ်လှပါဘူး။ ပစ္စည်းတွေလည်း သိပ်မပါ၊ သိပ်မဝယ်ရင်တော့ ကျပ် ၁သောင်းခွဲဝန်းကျင်လေးတွေလည်း ရှာတွေ့နိုင်ပါသေးတယ်။ သေချာတာက ကျပ် ၃ သောင်း ၄ သောင်းဝန်းကျင်ပေမယ့် ဒီက ဟိုတယ်ကြီးတွေရဲ့ အခန်းအပြင်အဆင်မျိုး ရနိုင်တာ တွေ့ရပါမယ်။ ကိုယ်က တတ်နိုင်လို့ တစ်သိန်း ဝန်းကျင်တန်လေးများ တည်းလို့ကတော့ ဘာပြောကောင်းမလဲ။

ဒီတစ်ခေါက် ဘန်ကောက်ကို သောကြာည လေယာဉ်နဲ့ ထွက်လာတာမို့လို့ ထိုင်းအချိန် ည ၁၁ နာရီခွဲလောက် ရောက်ပါတယ်။ အဲဒီကနေ မြို့ထဲဝင် ဟိုတယ်တန်းသွားပြီး ဘန်ကောက်မှာ တစ်ည ကို မဖြစ်မနေ ဖြုန်းလိုက်ရတယ်။ အားလပ်ရက် လာတဲ့သူရဲ့ ထုံးစံပေါ့ ရောက်ရောက်ချင်းပဲ ဘီယာလေး သောက်ချင်လို့ ရှာတော့ ဆိုင်တွေက လပြည့်ညမို့ မရောင်းဘူးတဲ့။ သူတို့ဆီမှာလည်း အဲဒီလို ရှိသေးတာကိုးလို့ တွေးမိတယ်။ သို့သော်လည်း ကိုယ်သွားမေးတဲ့ စားသောက်ဆိုင်လေးက မြန်မာဝန်ထမ်းတွေနဲ့ဆိုင်ဖြစ်နေတော့ သူတို့ကို နည်းနည်းအကူအညီတောင်းလိုက်တာ သူတို့ကလည်း ဆိုင်မှာတော့ မသောက်ဘဲ တခြားမှာသောက်ဖို့ ပါဆယ်ယူသွားပါပြောတာနဲ့ အဆင်ပြေသွားတယ်။ ည မအိပ်ခင်လေး ကျွန်တော် ကြိုပြီးချိတ်ထားတဲ့ ဘန်ကောက်က ကားဆရာအစ်ကိုတွေဆီ ဖုန်းလှမ်းဆက်ပြီး အကြောင်းကြားထားလိုက်ပါတယ်။ နက်ဖြန် မနက်ဟိုတယ်မှာ လာကြိုပြီး ပတ္တရားသွားဖို့ပါ။

မနက်ရောက်တော့ ဟိုတယ်မနက်စာလေး သွက်သွက်စားပြီး စောင့်နေတဲ့ ကားစီ တက်ပါတယ်။ သူတို့ဆီမှာက များသောအားဖြင့် အချိန်အရမ်းမှန်ကြပါတယ်။ ကိုယ်မှာထားတဲ့အချိန် ကွက်တိရောက်နေကြပါတယ်။ ကျွန်တော့ကို လာကြိုတဲ့ ကားဆရာက ကိုလှစိုး ပါ။ မြန်မာပါ။ ထိုင်းမှာ ကားမောင်းနေတာပေါ့။ သူတို့က ထိုင်းလို မြန်မာလို နှစ်ဘာသာ အဆင်ပြေတော့ ကျွန်တော့အတွက် ခရီးပေါက်ပါတယ်။ အရင်တစ်ခေါက်တုန်းကတော့ ကိုဇော်ထက် ရဲ့ ကားကို သုံးဖြစ်ပါတယ်။ နှစ်ဦးစလုံးက အဆင်ပြေပါတယ်။ သွားချင်တဲ့ခရီးကို သူတို့ဘက်ကလည်း အကြံပေးတယ်။ ဆိုပါတော့ ခု ကျွန်တော်က ပတ္တရားကမ်းခြေကို သွားမယ်ဆိုရင် လမ်းမှာ ဘယ်နေရာတွေကို ဘယ်အချိန်မှာဝင်သင့်တယ်။ နောက်တစ်နေရာမှာ ဘယ်အချိန် ဘာပွဲရှိလို့ ဘယ်အချိန်အရောက်သွားသင့်တယ်ဆိုတာတွေကို အကြံပြုပေးပါတယ်။ ဆိုတော့ ကိုယ့်အချိန်မပွန်းပဲ့ပဲ လိုရာခရီးကို အေးအေးချမ်းချမ်းသွားနိုင်တာပေါ့။ ပြီးရင် သူတို့ရဲ့ ဖုန်းနံပါတ်ကိုလည်း ကျွန်တော် ဝေမျှပေးချင်ပါတယ်။ မြန်မာကားသမားတွေနဲ့ သွားချင်တဲ့ မြန်မာမိသားစုတွေ၊ သူငယ်ချင်းတွေအသုံးတည့်နိုင်ပါလိမ့်မယ်။ ကားခကတော့ နေ့ချင်းပြန်ဆိုရင် ကျပ်တစ်သိန်းခွဲလောက် ရှိပြီး တစ်ညအိပ်ဆိုရင် နှစ်သိန်းခွဲလေက် ကျသင့်ပါမယ်။ အဖွဲ့လိုက်သွားနိုင်ရင်တော့ တစ်ဦးချင်းစိုက်ထည့်ရတဲ့ငွေ ပိုသက်သာသွားမှာပေါ့လေ။

မနက် ၆ နာရီမှာ ကားနဲ့ ဘန်ကောက်မြို့ကနေ စထွက်ပါတယ်။ ပတ္တရားဘက်ကို တိုက်ရိုက်သွားမယ်ဆိုရင် ၃ နာရီလောက်ဆက်တိုက်မောင်းရလောက်ပါမယ်။ လမ်းမှာက ဝင်ကြည့်ချင်စရာ၊ ဝင်လည်ချင်စရာလေးတွေ ပေါများတော့ အချိန်က အဲဒါထက် ပိုကြာသွားတတ်ပါတယ်။ ဒီတစ်ခေါက်သွားတာမှာ ကျွန်တော်က အရင်ဆုံး Srigacha Tiger Zoo ကို အသွားမှာ ဝင်ပါတယ်။ ကျားဥယျာဉ် ဆိုပေမယ့် တခြားတိရစ္တာန်ပြကွက်လေးတွေလည်း ရှိသလို၊ ပြင်ဆင်ထားတာလည်း အရမ်းလှပါတယ်။ ဓါတ်ပုံရိုက်စရာ မကုန်နိုင်အောင်ပါပဲ။ ဒီမှာ အရေးကြီးဆုံးက ကျားပြကွက်တွေပဲ။ ပွဲချိန်လေးတွေ မီအောင် သွားကြည့်နိုင်ရင် ပိုအဆင်ပြေပါတယ်။ ပွဲတစ်ခုနဲ့ တစ်ခုက နေရာလေးတွေ ကွာတော့ နည်းနည်း လမ်းလျှောက်ကြည့်ရတယ်။ အဲဒီပန်းခြံက မိချောင်းပြကွက်ကလည်း နာမည်ကြီးပါတယ်။ ဝက်အပြေးပြိုင်ပွဲတို့၊ ကျားလေးတွေကို နို့တိုက် ဓါတ်ပုံရိုက်တာတို့က အရမ်းကို စိတ်လှုပ်ရှားစေတဲ့ အမှတ်တရတွေပါပဲ။ အဲဒီမှာနဲ့တင် တစ်နေ့ခင်းလုံးကုန်သွားပါတယ်။ 

Sriracha Tiger Zoo ဆိုတဲ့အတိုင်း ကျားဥယျာဉ်ထဲမှာ ကျားငယ်လေးတွေကို နို့တိုက်နေတဲ့ ပုံလေး အမှတ်တရ ရိုက်ကူးနိုင်ပါတယ်။ ဘတ် ၃၀၀ လောက် ပေးရပါတယ်။

Sriracha Tiger Zoo ကို ဝင်ဖို့အတွက် လက်မှတ်ဖြတ်တဲ့နေရာလေး မတိုင်ခင် ဒီမှာ အမှတ်တရ ဓါတ်ပုံရိုက်လို့ရတယ်။ အတွင်းကို ဝင်ဖို့ကတော့ ဘတ် ၅၀၀ လောက် ပေးရပါတယ်။

Sriracha Tiger Zoo ဆိုတဲ့အတိုင်း ကျားဥယျာဉ်ထဲမှာ ကျားငယ်လေးတွေကို ခုလို ကိုယ်တိုင် အချိန်ကြာကြာ နို့တိုက်နိုင်ပါတယ်။ နို့တစ်ဗူးကို ဘတ် ၁၀၀ ပေးရပါတယ်။

Sriracha Tiger Zoo မှာ ကျားတစ်မျိုးတည်း မဟုတ်ပါဘူး။ တခြား တိရစ္ဆာန်လိမ္မာလေးတွေရဲ့ ပြကွက်ဆန်းတွေကို အားပေးရဦးမှာပါ။ ဒါလေးက ဝက်အပြေးပြိုင်ပွဲလေး။ ဝက်က သင်္ချာတွက်ပေးတဲ့ပြကွက်ပါ။

Sriracha Tiger Zoo မှာ မိချောင်းတွေနဲ့ ကစားပြတဲ့ ပြကွက်တွေပြသပေးတဲ့ Crocodile Show လည်း ရှိပါသေးတယ်။

Sriracha Tiger Zoo မှာ အန္တရာယ်များတဲ့ မိချောင်းပြကွက်တွေကို တကယ်စိတ်လှုပ်ရှားစွာ ကြည့်ခဲ့ရပါတယ်။

Sriracha Tiger Zoo မှာ အဓိက ကျားလိမ္မာလေးတွေရဲ့ ပြကွက်ဆန်းတွေပါ။

ပန်းခြံကနေ ဆက်ထွက်လာခဲ့ရင် ပတ္တရားကမ်းခြေနဲ့ မြို့ကို အပေါ်စီးကနေမြင်ရတဲ့ ရှုခင်းသာ View Point ကို ညနေ နေမစောင်းခင်လေး ရောက်သွားတာ ကောင်းပါတယ်။ တကယ်ကို စိတ်လန်းဆန်းသွားလောက်ကို လှပတဲ့ ရှုခင်းလေးတွေပါပဲ။ အချိန်နည်းနည်းရရင် အဲဒီနားက တောင်စောင်းလေးမှာ ဖွင့်ထားတဲ့ ကော်ဖီဆိုင်လေးမှာ ထိုင်ခဲ့ပါဦး။ တောင်စောင်းလေးမှာ စိတ်လှုပ်ရှားအောင် အဖီထုတ်ဆောက်ထားတဲ့ တံတားလေးမှာ ကော်ဖီသောက်ရင်း ပတ္တရားမြို့ကို အပေါ်စီးကကြည့်ရတာ အရမ်းအရသာ ရှိပါတယ်။ အပေါ့အပါးသွားချင်ရင်တော့ အနီးနားလေးက စတိုးဆိုင်လေးမှာ ၅ ဘတ် ပေးပြီး သွားနိုင်ပါတယ်။ ထိုင်းမှာ ရောက်ဖူးသမျှ အိမ်သာတွေထဲမှာ မသန့်ဆုံးတစ်ခုလို့တော့ မှတ်ထားမိပါတယ်။ 

ပတ္တရားမြို့ရောက်ရင် မဖြစ်မနေသွားကြည့်သင့်တဲ့ View Point လေး
တစ်မြို့လုံးကိုရော၊ ကမ်းခြေအလှအပတွေကိုရော ခုလို မြင်ရတယ်။

ပတ္တရားမြို့ရောက်ရင် မဖြစ်မနေသွားကြည့်သင့်တဲ့ View Point လေး
တစ်မြို့လုံးကိုရော၊ ကမ်းခြေအလှအပတွေကိုရော ခုလို မြင်ရတယ်။

ပတ္တရားရောက်ရင် သွားကြည့်သင့်တဲ့ Show တစ်ခုက အခြောက်ရှိုးလို့နာမည်ကြီးတဲ့ Alcazar Cabaret Show ပါ။ ညနေ ၆ နာရီလောက် အရောက်သွားပြီး ကြည့်ရပါတယ်။ အရမ်းလှပသော မိန်းကလေးပုံဝတ်လေးတွေရဲ့ ခမ်းနားတဲ့တင်ဆက်မှုတွေကို ရပ်သပ်ရှုမောလောက်အောင် ကြည့်ရှုခံစားရပါတယ်။ ဟာသခန်းလေးတွေလည်း ပါလို့ ရီလည်း ရီရပါတယ်။ သူတို့က သူတို့ဆီလာလည်ကြည့်ရှုတတ်တဲ့နိုင်ငံတွေကို မှတ်သားထားပြီး အဲဒီနိုင်ငံက နှုတ်ဆက်စကားလေးတွေနဲ့ နှုတ်ဆက်တတ်ကြပါတယ်။ အချိန် ၄၅ မိနစ်လောက်ပဲ ပေးရတာမို့ ကြည့်ရှုသင့်တယ်လို့ထင်ပါတယ်။

နာမည်ကျော် Lady Boy Show တစ်ခုဖြစ်တဲ့ Alcazar ကိုလည်း သွားကြည့်သင့်ပါတယ်။ ဖျော်ဖြေပွဲရဲ့ ဆက်တင်တွေက အရမ်းခမ်းနားလွန်းပါတယ်။

နာမည်ကျော် Lady Boy Show တစ်ခုဖြစ်တဲ့ Alcazar ကိုလည်း သွားကြည့်သင့်ပါတယ်။ ဖျော်ဖြေပွဲရဲ့ ဆက်တင်တွေက အရမ်းခမ်းနားလွန်းပါတယ်။

Alcazar ဖျော်ဖြေပွဲပြီးရင် အဲဒီက လှလှပပ Lady Boy တွေ၊ Transgender တွေနဲ့ အမှတ်တရ တွဲပြီး ဓါတ်ပုံရိုက်နိုင်တယ်။ ဘတ် ၂၀၀၊ ဘတ် ၃၀၀ လောက်ပေးရပါတယ်။

ဒီနေရာလေးပြီးရင် ညစာ တစ်ခါတည်းစားပြီး ဟိုတယ်ကို Check-in ဝင်ပါ။ ကျွန်တော်ကတော့ Google Maps လေးရယ်၊ ရှေ့မှာပြောခဲ့တဲ့ Hotel Booking Site တွေရယ် ကြည့်ပြီး အလုပ်များနေပါတယ်။ တော်သေးတယ်။ ထိုင်းမှာ အင်တာနက် နေရာတိုင်းကောင်းလို့။ အဲဒီကနေ ကိုယ့်အတွက် ဈေးနှုန်းအဆင်ပြေ၊ သန့်ပုံရတဲ့ဟိုတယ်ကိုရွေးလို့ တည်းဖြစ်သွားတယ်။ ညဘက် ကမ်းခြေ လျှောက်ချင်တာရယ်၊ ညဈေးသွားချင်တာရယ် အဆင်ပြေအောင် အဲဒီနေရာတွေနဲ့ နီးတဲ့နေရာတွေမှာ တည်းဖို့ ရှာဖြစ်တယ်။ ကားဆရာကလည်း သူရတဲ့ ဈေးနဲ့ အဆင်ပြေမယ့် သူ့အတွက် သက်သာမယ့် ပိုကျန်မယ့် ဟိုတယ်မျိုးမှာ တည်းရမှာဆိုတော့ သွားရဦးမယ်လေ။ ကားရပ်လို့ရမယ့်နေရာကိုလည်း သူတို့က ရှာရဦးမှာကိုး။ ကျွန်တော့ကို ဟိုတယ်ပို့ပြီး ကားဆရာနဲ့ လမ်းခွဲခဲ့တယ်။ ပြီးတော့ ရေမိုးချိုး၊ လန်းဆန်းသွားပြီဆိုမှ နာမည်ကျော် ညဈေးတန်းထဲလျှောက်ခဲ့တယ်။

ပတ္တရားရဲ့ ကမ်းခြေကတော့ ချောင်းသာ၊ ငွေဆောင် ရောက်ဖူးနေသူတွေအတွက် စိတ်ညစ်စရာကောင်းလောက်အောင်ကျဉ်းမြောင်းပါတယ်။ မြန်မာ့ကမ်းခြေတွေလို မလှပပါဘူး။ ဒါပေမယ့် Night Life ကတော့ အပုံကြီးသာပါတယ်။ Walking Street ဆိုတဲ့ ညဈေးလမ်းလေးကို မဖြစ်မနေ လျှောက်ခဲ့ပါဦး။ ပျော်စရာစုံပါတယ်။

ညဈေးတန်းထဲမှာက ဝယ်စရာအစုံရှိပေမယ့် ဝယ်ချင်စိတ်သိပ်မရှိပါဘူး။ အမှတ်တရပစ္စည်းလေးတွေများပါတယ်။ ပြီးတော့ ဘားတွေ ကလပ်တွေ ရှိတယ်။ ဖော်ချွတ်မယ်တွေရှိမယ်။ ဘာညာတွေရှိမယ်။ ဆိုတော့ ကြည့်စရာလေးတွေတော့ ပေါတယ်ပေါ့။ ကျွန်တော်ကတော့ Live Band ရှိတဲ့ ဘီယာဘားတစ်ခုမှာ ထိုင်ပြီး ဘီယာခဏသောက်ဖြစ်သွားတယ်။ ပြီးတော့ ဟိုတယ် ပြန်အိပ်ပြီး နောက်ရက်တွေအတွက် အားမွေးလိုက်တယ်။

ကားဆရာက မြန်မာလည်းဖြစ်နေတော့ ညှိရလွယ်တယ်လေ။ ကိုယ်သိထားတဲ့ အကြောင်းအရာတွေကို မေးမြန်းပြီး သွားရတယ်။ တစ်ခါတလေ သူတို့ကိုယ်တိုင် လိုက်ပို့ဖို့ မေ့နေတာလေးတွေ ရှိမယ်လေ။ ကိုယ်က ကြားဖူး လေ့လာဖူးတဲ့ နာမည်ကျော်နေရာလေးတွေ လိုက်ပို့ခိုင်းရတယ်ပေါ့။ ခုမနက်တော့ ပတ္တရားကမ်းခြေကနေ အပျော်စီးသင်္ဘောတွေ ထွက်နေတဲ့ ဆိပ်ခံတံတားဘက်ကို ပို့ဖြစ်တယ်။ ရှုခင်းအတော်လှပါတယ်။ အပျော်စီး Speed Boat တွေ ထွက်တဲ့ နေရာလေးတွေကနေ ဓါတ်ပုံရိုက်ရတာလည်း ကောင်းတယ်။ ပြီးတော့ Pattaya City ဆိုတဲ့ တောင်နောက်ခံ စာတန်းကြီးနဲ့ အနီးကပ်မို့ ဓါတ်ပုံရိုက်ဖို့ အသင့်တော်ဆုံးနေရာလေးပေါ့။

အပျော်စီးသင်္ဘောတွေ Speed Boat တွေ ထွက်တဲ့ ဆိပ်ခံတံတားလေး

အမှတ်တရဓါတ်ပုံရိုက်ဖို့ကောင်းတဲ့ ပတ္တရားမြို့ဆိုတဲ့ နောက်ခံစာတန်းလေးနဲ့ နေရာ

Speed Boat စီးရင် ဒီအပေါ်ကနေ တဆင့် သွားပြီး စီးရတယ်။ ဒီနေရာလေးပေါ်မှာ ဓါတ်ပုံရိုက်ရတာလည်း အရမ်းကောင်းပါတယ်။

အချိန်ရမယ်ဆိုရင် ပတ္တရားမှာ Art in Paradise ဆိုတဲ့ 3D ပန်းချီတွေနဲ့ ဓါတ်ပုံရိုက်လို့ရတဲ့နေရာရှိပါတယ်။ လက်ရာမြောက်လွန်းတဲ့အပြင် ပုံတွေများပြားလွန်းလို့ ရိုက်ကူးလို့မကုန်နိုင်အောင်ပါပဲ။

ပတ္တရားမှာလည်းရှိတဲ့ Art in Paradise ပြခန်းက 3D ပန်းချီတွေနဲ့ ဓါတ်ပုံရိုက်ဖို့လည်း အရမ်းမိုက်တယ်။ ပြခန်းတွေ များတော့ ရိုက်လို့ကို မပြီးနိုင်အောင်ပါပဲ။

ပတ္တရားမှာလည်းရှိတဲ့ Art in Paradise ပြခန်းက 3D ပန်းချီတွေနဲ့ ဓါတ်ပုံရိုက်ဖို့လည်း အရမ်းမိုက်တယ်။ ပြခန်းတွေ များတော့ ရိုက်လို့ကို မပြီးနိုင်အောင်ပါပဲ။

အဲဒီကနေ နေ့လည်ခင်း မတိုင်ခင် ပတ္တရားကနေ ပြန်ထွက်လာခဲ့ကြတယ်။ အပြန်လမ်းမှာတော့ နာမည်ကြီး Nong Nooch ပန်းခြံကို ဝင်ပါတယ်။ လက်မှတ်ဖြတ်ရင် တစ်ခါတည်း နေ့လည်စာအတွက်ပါ ဖြတ်လာခဲ့ပါ။ အထဲမှာ ဘူဖေး နေ့လည်စာကို စားတာ ပိုကောင်းပါတယ်။ ဓါတ်ပုံရိုက်ဖို့အတွက် ကြီးမားခမ်းနားလှပတဲ့ ပန်းခြံကြီးထဲက ပြန်ထွက်ချင်စိတ်တောင် ရှိမှာ မဟုတ်ပါဘူး။ ပုံဖော်ထားတဲ့ ချစ်စရာပန်းခင်းလေးတွေ၊ အရုပ်လေးတွေက နေရာတကာမှာပါပဲ။ ဒီပန်းခြံမှာ ထူးခြားတာတစ်ခုက ဆင်ပြကွက်ပါ။ ဆင်စီးလို့လည်း ရသလို၊ ဆင်တွေရဲက ချစ်စရာပြကွက်လေးများစွာကိုလည်း ကြည့်ရှုနိုင်ပါဦးမယ်။ ဆင်တွေက ကိုယ့်ကို ချီမနေတဲ့ပုံ ဓါတ်ပုံရိုက်လို့လည်း ရပါတယ်။ အဲဒီပန်းခြံမှာတင် တော်တော်လေး အချိန်ကုန်ပါတယ်။

ပတ္တရားကနေ ဘန်ကောက် ပြန်တဲ့လမ်းပေါ်မှာ Nong Nooch ပန်းခြံထဲဝင်လည်ရင် ဓါတ်ပုံရိုက်စရာမကုန်နိုင်အောင် တွေ့မယ်။

ပတ္တရားကနေ ဘန်ကောက် ပြန်တဲ့လမ်းပေါ်မှာ Nong Nooch ပန်းခြံထဲဝင်လည်ရင် ဓါတ်ပုံရိုက်စရာမကုန်နိုင်အောင် တွေ့မယ်။

Nong Nooch ပန်းခြံထဲက Cultural Show ကလည်း ထိုင်းရိုးရာ အကတွေကို တခမ်းတနားကြည့်ရှုအားပေးရတဲ့နေရာပါ။

Nong Nooch ပန်းခြံထဲက ဆင်လိမ္မာပြကွက်မှာလည်း ပြကွက်မတိုင်ခင်နဲ့ ပြကွက်အဆုံးမှာ ဆင်တွေနဲ့ ခုလို ဓါတ်ပုံတွေ ရိုက်လို့ရတယ်။ ဘတ် ၁၀၀ ပေးရပါတယ်။

ညနေခင်းမှာ အဲဒီကနေ ပြန်ထွက်လာရင် ညမိုးမချုပ်ခင်လေးမှာ ဘန်ကောက်မြို့ကို ပြန်ဝင်နိုင်ပေမယ့် ဘန်ကောက်ရဲ့ စံချိန်တင်ကားကျပ်ချက်ကြောင့် ည ၁၀ နာရီလောက်မှ ကိုယ်နေတဲ့ ဟိုတယ်ကို ပြန်ရောက်တတ်ပါတယ်။ ဘာပဲဖြစ်ဖြစ် ကျွန်တော်ကတော့ ကိုယ်သွားခဲ့တဲ့ ခရီးစဉ်လေးအတွက်အတော်လေး အားရမိပါတယ်။ သြော် ဟိုးရှေ့က ပြောခဲ့တဲ့ သဘောကောင်း မြန်မာကားဆရာ နှစ်ဦးကို ဆက်သွယ်မယ်ဆိုရင် ဒီမှာ ဖုန်းနံပါတ်နဲ့ အီးမေးလ်တွေပါ။
ကိုဇော်ထက် - (+66) 09-51199673ယ (+66) 09-29811512 / khatyinmin@gmail.com
ကိုလှစိုး - 086 9865470 / hlasoe555@gmail.com
ဖုန်းတွေက ထိုင်းနိုင်ငံဖုန်းတွေပါ။ အီးမေးလ်နဲ့ ကြိုဆက်သွယ်ထားရင် ပိုကောင်းပါတယ်။
ခရီးသွားရင်း ဘဝအမောတွေပြေပါစေဗျာ။

သီဟလုလင်
၁၃ မတ်လ ၂၀၁၆