ကိုယ့်ရဲ့ အချစ်ရေးလျှို့ဝှက်ချက်တွေကို မှန်မှန်ကန်ကန် ဖော်ပြပေးတဲ့ ဆန်းစစ်ချက် (၈) ချက်

ကိုယ့်ရဲ့ အတွင်းစိတ်ထဲက အချစ်နဲ့ပတ်သက်တဲ့ လျှို့ဝှက်ချက်တွေကို အောက်ဖော်ပြပါ ဆန်းစစ်ချက် (၈) ချက်နဲ့ ဖော်ထုတ်နိုင်တယ်လို့ Daliulian.net က ဖော်ပြထားပါတယ်။ တကယ်ရော ကျွန်တော်တို့ စိတ်ထဲက အချစ်အပေါ်၊ အိမ်ထောင်တစ်ခုအပေါ်၊ ကိုယ့်ချစ်သူအပေါ် ထားတဲ့ ခံစားမှုတွေနဲ့ ထပ်တူကျမလားဆိုတာ အပျော်သဘော ဆန်းစစ်ကြည့်ကြရအောင်။

မဲပေးတဲ့နေ့

"သားရေ... ၅ နာရီခွဲတော့မယ်.. ထတော့လေ"

သွေးနားထင်ရောက်တယ်ဆိုတာ စာထဲမှာသာ ဖတ်ဖူးတာ။ ခုမှ တကယ်ကြုံတော့တယ်။ နားထင်မှာ ဒိတ်ခနဲပဲ။ မနေ့က အသေအချာ နှိုးစက်ပေးထားရက်နဲ့ ဘာဖြစ်လို့ မမြည်တာလဲ။ အမေပဲ နာရီအကြည့်မှားသလား တွေးပြီး နှိုးစက်ပေးထားတဲ့ ဖုန်းကို အမြန်ကောက်ယူကြည့်လိုက်တော့ တကယ်ပဲ ၅ နာရီ ၂၀ မိနစ် ရှိနေပြီ။ ကမန်းကတန်းထပြီး ဖုန်းနာရီရဲ့ Setting ထဲဝင်ကြည့်တော့မှ တနင်္ဂနွေနေ့အတွက် နှိုးစက်ပေးထားတာ မဟုတ်ဘဲ၊ တနင်္လာနေ့အတွက် ဖြစ်နေတယ်။ သေစမ်းဟ။

"ဟုတ် နှိုးပြီ မေမေ။"

စကားလေးပြန်ပြီး ကမန်းကတန်း ရေထချိုးရတယ်။ ရေချိုးရင်း နှုတ်ကလည်း မနေ့ညက Repeat နှိပ်ပြီး ဖွင့်ထားမိတဲ့ "နေ့သစ်များအတွက်" အောင်နိုင်ရေးသီချင်းလေးကို လွှတ်ခနဲ ဆိုဆိုမိသွားတယ်။ အဝတ်အစားလဲပြီး အမေ ဖျော်ပေးထားတဲ့ ကော်ဖီတစ်ခွက် ကောက်မော့လို့ သားအမိ နှစ်ယောက် မသွားခင် ယူရမယ့် ပစ္စည်းတွေကို အပြန်အလှန် သတိပေးဖြစ်ကြတယ်။

"သားရေ ဆန္ဒရှင်သက်သေခံကတ်ပြားက သား သိမ်းထားတာနော်။ မေမေ့ ကတ်ပြားပါ သားဆီမှာမို့လား။"
"ကတ်ပြား မဟုတ်ပါဘူး မေမေရယ်၊ စာရွက်ပိုင်းလေးပါ။"

ကျွန်တော် ရယ်ပြီးပြောတော့ အမေက..

Smart Manager: သင့်ရဲ့ Galaxy စမတ်ဖုန်းတွေကို အသစ်အတိုင်း ထိန်းသိမ်းထားနိုင်မယ့် နည်းလမ်းတစ်ခု

အသိဉာဏ်မြင့်ကိရိယာတွေ ပိုပြီး ပိုပြီး စွမ်းဆောင်လာနိုင်လေလေ၊ သင့်ရဲ့ ကိရိယာလေးကို အမြဲတမ်း အကောင်းဆုံးအနေအထားနဲ့ လုပ်ဆောင်နိုင်စွမ်းရှိနေဖို့ဆိုတာ ပိုပြီး အရေးပါလာလေလေ ပါပဲ။ ဆိုလိုချင်တာက ဘက်ထရီကြာကြာအသုံးခံနိုင်ဖို့လိုမယ်။ ပြီးတော့ သိုမှီးသိမ်းဆည်းစရာနေရာတွေကို သေသေချာချာ စီမံခန့်ခွဲတတ်ဖို့လိုမယ်။ ဒါ့အပြင် ကိုယ့်ကိရိယာရဲ့ လုပ်ဆောင်ချက်တွေကို ထိခိုက်နိုင်မယ့် အဖျက်ဆော့ဝဲလ်တွေရဲ့ ရန်က ကာကွယ်ဖို့ လိုပါမယ်။

ဒီနှစ် အစောပိုင်းမှာ Samsung က Smart Manager ဆိုတဲ့ သုံးစွဲသူတွေအတွက် အသုံးအရမ်းဝင်တဲ့ ဖုန်းအက်ပလီကေးရှင်းတစ်ခုကို စပြီး မိတ်ဆက်ခဲ့တယ်။ ဖုန်းရဲ့ လုပ်ဆောင်ချက်တွေကို ချောမွေ့မြန်ဆန်စေဖို့ စီမံခန့်ခွဲမှုတွေ တစ်နေရာတည်းကနေ လုပ်ဆောင်နိုင်မယ့် အက်ပလီကေးရှင်းကောင်း တစ်ခုဖြစ်ပါတယ်။ Galaxy S6 နဲ့ S6 edge စထွက်ကတည်းက ဖုန်းထဲမှာ တစ်ပါတည်း ပါဝင်လာခဲ့တာ ဖြစ်ပြီး Smart Manager ရဲ့ လုပ်ဆောင်ချက်အရည်အသွေးပိုင်းကိုလည်း ဆက်ပြီး မြှင့်တင်ဆောင်ရွက်ပေးနေသလို၊ Smart Manager ကို ယခင်က ထွက်ရှိခဲ့ပြီးတဲ့ ဖုန်းတွေမှာပါ အသုံးပြုနိုင်အောင် OS ကို ဗားရှင်းမြှင့်ပေးရင်းနဲ့ ဖြန့်ဝေပေးလျက်ရှိပါတယ်။ စာရေးသူရဲ့ Galaxy Note 4 မှာလည်း မကြာသေးခင်က OS ကို ဗားရှင်းမြှင့်ပေးလိုက်တော့ Smart Manager ပါဝင်လာတာ တွေ့ရပါတယ်။ စပြီး စမ်းသပ်သုံးစွဲကြည့်တာနဲ့တင် တော်တော်လေး ထိရောက်ပါတယ်။ စာရေးသူရဲ့ ဖုန်းက သိမ်းဆည်းစရာနေရာ ပြည့်နေတယ်ချည်း ခဏခဏ ဖြစ်နေပါတယ်။ ကြိုးစားပြီး ဖိုင်တွေ ရှာဖျက်ပေမယ့် သိပ်မကြာခင် ပြည့်နေတယ်ချည်း ဖြစ်ဖြစ်နေတာ နည်းနည်းကြာပါပြီ။ အဲဒီ Smart Manager ရတော့ Storage ကို ကြည့်ပြီး မလိုအပ်တဲ့ဖိုင်တွေကို Delete လုပ်လိုက်တာ အံ့သြစရာ 2GB လောက် ထွက်လာပါတယ်။ အင်တာနက်ကြည့်ရင် ပါလာတတ်တဲ့ တချို့ဖိုင်တွေ၊ ကြော်ငြာတွေနဲ့ နေရာလွတ်မရှိအောင် ပြည့်နေတာမျိုးပါ။ Galaxy S6 edge+ နဲ့ Note5 မှာတော့ ဘက်ထရီ ပိုကြာကြာအသုံးပြုနိုင်အောင် လုပ်ဆောင်ပေးပြီး အက်ပလီကေးရှင်းတွေကို ထိန်းချုပ်နိုင်ကာ လုံခြုံရေးအဆင့်မြင့်မားတဲ့ Smart Manager အက်ပလီကေးရှင်း စက်ရုံထုတ်ကတည်းက ပါဝင်လာပါတယ်။

တက်ခုတ်၊ တက်ပျံ ယိမ်းကများနဲ့ ပူဇော်မျှောတဲ့မီး

ရွှေကျင်မီးမျောပွဲ ညခင်း (ဓါတ်ပုံ Space Warrior Travel)

မြန်မာနိုင်ငံရဲ့ မြစ်ကမ်းပါး၊ ချောင်းကမ်းပါးမှာ မှေးတင်ရှိနေကြတဲ့ မြို့ရွာအချို့မှာ မြစ်ထဲ ချောင်းထဲ မီးမျှောပြီး ဘုရား၊ နတ် ပူဇော်တဲ့ အလေ့အထတွေ ဒေသအလိုက် ရှိတတ်ပါတယ်။ ထုံးစံအစဉ်အလာ အနည်းငယ် ကွဲပြားနိုင်ပေမယ့် ရည်ရွယ်ရင်းကတော့ တူကြပါတယ်။ အိမ်နီးချင်းနိုင်ငံတချို့မှာလည်း ဒီလို ဓလေ့လေးတွေ ရှိပါတယ်။ အထူးသဖြင့် သီတင်းကျွတ် နဲ့ တန်ဆောင်တိုင်လပြည့်ညတွေမှာ ပြုလုပ်လေ့ရှိကြပါတယ်။ မီးမျှောတဲ့ဓလေ့ကို မြန်မာနိုင်ငံမှာ ကုန်းဘောင်ခေတ်ကတည်းက စတင်ခဲ့တယ်လို့ သိရပါတယ်။ ဒီလို မီးမျှောတဲ့ ဓလေ့ရှိတဲ့ ဒေသတွေထဲမှာမှ နာမည်အကျော်ဆုံးကတော့ ပဲခူးတိုင်းထဲက ရွှေကျင်မြို့ရဲ့ သီတင်းကျွတ်မီးမျှောပွဲပဲ ဖြစ်ပါတယ်။ အနယ်နယ်အရပ်ရပ်က ဘုရားလည်းဖူးရင်း မီးမျှောပွဲကို ပါဝင်ဆင်နွှဲဖို့ ရောက်လာတတ်ကြသလို၊ နိုင်ငံခြားသားတွေလည်း လေ့လာဖို့ လာရောက်လေ့ရှိပါတယ်။

ကျန်ရစ်သူအတွက် သက်ပြင်း

ငါဟာ...
သူ့ခြေရာလေးတွေကို ကြည့်ရင်း
တိတ်တိတ်ကလေး ကျန်ရစ်နေခဲ့တယ်။

သူဟာ...
ငါ့ miss call လေးတွေကို ကြည့်ရင်း
တိုးတိုးကလေး သက်ပြင်းချနေလိမ့်မယ်။

ငါရော သူဟာ...
အိပ်မက်တစ်ခုကို အတူမက်ဖို့ ကြောက်ရွံ့နေခဲ့တာ...
ဒါမှမဟုတ်
ဒီလမ်းကိုပဲ ရွေးချယ်သင့်ခဲ့တာပါ။

အဆုံးတော့
ငါလည်း ကျန်ရစ်နေတယ်။
သူလည်း သက်ပြင်းချနေပါလိမ့်ဦးမယ်။

သီဟလုလင်

၂၀ အောက်တိုဘာလ ၂၀၁၅

၉း၄၀ ည

လူသာအို လူပိုမဖြစ်စေတဲ့ အမေ့မေတ္တာသက်ကြွယ်ရိပ်မွန်

"အိုမင်းသူများကို ကြင်နာခြင်းသည်
 သူတို့၏
 ဘဝနေဝင်ချိန်ကို ထွန်းတောက်စေသည်။"

ဘာရယ်ကြောင့်လည်း မသိ၊ စက်တင်ဘာလ အစောပိုင်းကတည်းက ကြံရွယ်ထားတာတစ်ခုက ဒီနှစ်မွေးနေ့တော့ အလှူတစ်ခုလုပ်မယ်၊ လုပ်ရင်လည်း ဘိုးဘွားရိပ်သာ တစ်ခုခုမှာ လုပ်မယ်လို့ စဉ်းစားထားခဲ့တယ်။ စဉ်းစားခဲ့တဲ့အတိုင်းလည်း ဆွေမျိုးမိတ်ဆွေတွေနဲ့ တိုင်ပင်ရင်း လှည်းကူးမြို့နယ်ဘက်မှာ ဘိုးဘွားရိပ်သာ တစ်ခု ရှိတယ်လို့ သတင်းလေးကြားရတော့ ဒီနှစ်ကို ရန်ကုန်မြို့အပြင်တစ်နေရာက ဘိုးဘွားရိပ်သာကို သွားပြီး ဒါနပြုတာ ပိုပြီး ကြည်နူးစရာ ဖြစ်လိမ့်မယ်လို့ ဆုံးဖြတ်လိုက်ပြီး ကြိုတင်အကြောင်းကြား အစီအစဉ်ဆွဲထားလိုက်တယ်။

နောက်သိပ်မကြာခင် သူငယ်ချင်းမိတ်ဆွေတွေထဲက အောက်တိုဘာလဖွားတွေ တစ်ယောက်ပြီး တစ်ယောက် သူတို့ရဲ့ လူမှုကွန်ရက်ကနေတဆင့် ဘိုးဘွားရိပ်သာတွေမှာ သွားလှူနေကြတာ တွေ့ရတော့ အရမ်းအံ့အားသင့်သွားရတယ်။ အော် ဒါကြောင့်လည်း မွေးလတူတဲ့သူတွေ စိတ်တူနေကြတာကိုး လို့ တွေးမိသွားတယ်။ ကျွန်တော်လည်း အောက်တိုဘာလဖွားတစ်ယောက်ပါပဲ။ နောက်ထပ် တိုက်ဆိုင်မှုတစ်ခုက အောက်တိုဘာလ (၁) ရက်နေ့ဟာ အပြည်ပြည်ဆိုင်ရာ သက်ကြွယ်သူများနေ့ ဖြစ်နေတာပါပဲ။ ဒီအကြောင်းနဲ့ ပတ်သက်လို့ ကျွန်တော် အရင်တုန်းက ရေးခဲ့ဖူးပါတယ်။ ဒီ Blog မှာလည်း တင်ထားသလို၊ ကျွန်တော့ Facebook မှာလည်း ဝေမျှထားခဲ့ဖူးပါတယ်။

ကျွန်တော့ရဲ့ ၂၀၁၅ မွေးနေ့

၂၀၁၅ ခုနှစ် ကျွန်တော့ရဲ့ မွေးနေ့လေးကို ထူးထူးခြားခြားလေး ဖြစ်စေချင်လို့ ကြံဖန်စီစဉ်ခဲ့ပါတယ်။ အရင်နှစ်တွေတုန်းကလည်း countdown လေးတွေ လုပ်ခဲ့တယ်။ ခုဆို သုံးနှစ်လောက်ရှိပြီ။ ပထမ တနှစ်တုန်းက ကလေးဘဝကနေ တဖြည်းဖြည်း ကြီးလာတဲ့ ပုံလေးနဲ့ countdown လုပ်ခဲ့တယ်။ မနှစ်ကတော့ ကျွန်တော့နေ့စဉ်ဘဝမှာ ဖြတ်သန်းရင်း အမှတ်မထင် တိုက်ဆိုင်ကြုံတွေ့ရတဲ့ နံပါတ်လေးတွေနဲ့ countdown လုပ်ခဲ့တယ်။ ဒီနှစ်တော့ နှစ်ခါပြန်ပြောစရာ မလိုဘဲ၊ ဒီလိုလုပ်ချင်တယ် ကူညီပေးမလား လို့ မေးလိုက်လို့ ချက်ချင်း လုပ်ပေးမယ်ဆိုတဲ့ သူငယ်ချင်းတွေနဲ့ countdown လေး လုပ်ဖြစ်တယ်။

နောက်တစ်ခုအနေနဲ့ ကျွန်တော့ကို ကျွန်တော့ပတ်ဝန်းကျင်က မိတ်ဆွေ သူငယ်ချင်းတွေ ဘယ်လိုမြင်ကြသလဲ သိချင်လို့ ဗီဒီယိုလေးနဲ့ မှတ်တမ်းတင်ရင်း ကျွန်တော့အကြောင်း မေးဖြစ်ခဲ့တယ်။ သူတို့ဖြေထားသမျှကတော့ ဒီထဲက အတိုင်းပါပဲ။ ရီရတာလည်း ရှိသလို၊ ကြည်နူးရတာလည်း ရှိတယ်။ ဒီ ဗီဒီယိုလေးကို နှစ်ညတိတိ အိပ်ပျက်ခံပြီး လုပ်ခဲ့တယ်။ ဘာမှ မဟုတ်ပေမယ့်လည်း ကျေနပ်မိတယ်။ မွေးနေ့ကို ဘာလို့ special day လည်းလို့ ထင်ကောင်းထင်မယ်ပေါ့။ ဒါပေမယ့် ကျွန်တော်က ဟိုးငယ်ငယ်လေးကတည်းက ကိုယ့်မွေးနေ့ ၊ သူများမွေးနေ့ အားလုံးကို သတိထား ဂရုပြုတတ်ခဲ့တယ်။ မွေးနေ့ဆိုတာကို ပြောတယ်။ ဒါကြောင့်လည်း မွေးနေ့ဆိုတာ ကျွန်တော့အတွက်တော့ အထူးနေ့ပါပဲ။

ဒီဗီဒီယိုလေးမှာ ပါဝင်ကြတဲ့ မိတ်ဆွေ သူငယ်ချင်းတွေဖြစ်တဲ့ ကိုကျော်ကျော်ထွန်း၊ Jennie ၊ ကောင်းကောင်း၊ သက်ပိုင်လင်း ၊ Sky ၊ ချစ်သွေးကို၊ ဆုသက်ထား၊ ဖိုးသား၊ ပိုးဇော်ခန့် နဲ့ James တို့ကို ကျေးဇူးတင်ပါတယ်။ မပြည့်စုံပေမယ့်လည်း အကောင်းမြင်ပေးကြလို့လည်း ပိုကျေးဇူးတင်ပါတယ်။ နောက် countdown အစီအစဉ်မှာ မငြီးမငြူ ပါဝင်ပေးကြတဲ့ ချစ်သူငယ်ချင်းများ - သီရိ ၊ အားတီ ၊ Axiong ၊ သောင်းထက် နဲ့ လဲ့ဝါ ၊ စိမ့် ၊ ကိုကို ၊ တူလေး ဂါဂါး ၊ မေမေ ၊ မိုးသူ ၊ မိုးကြီး ၊ သူရ ၊ ကိုတယ်ဒီ ၊ ကိုဆွေဟိန်း ၊ ဒေးဒေး ၊ ဝေ ၊ ရဲကို ၊ Kool ၊ ဆုမြတ် ၊ သက်ပိုင် တို့အားလုံးကိုလည်း ကျေးဇူးအထူးတင်ပါတယ်။ ပါဝင်ကူညီပေးကြတဲ့ မိတ်ဆွေ သူငယ်ချင်း အယောက်တိုင်းကို ကျေးဇူးအထူးတင်ပါတယ်လို့ မှတ်တမ်းတင်ပါတယ်။

ချစ်ခင်စွာဖြင့်
သီဟလုလင်
၁၇ အောက်တိုဘာလ ၂၀၁၅

Oktoberfest အကြောင်း သိသမျှ

ကမ္ဘာက တစ်နေ့တခြား သေးလာတယ်။ မနေ့တစ်နေ့တုန်းက ရှိမှန်းတောင် မသိခဲ့တဲ့ ပွဲလမ်းသဘင်တွေက ဒီနေ့မှာ နေရာအနှံ့ ဆင်နွှဲနေကြတယ်။ နိုင်ငံတစ်ခုနဲ့ တစ်ခုရဲ့ ယဉ်ကျေးမှုချင်းက ထိယှက်လာတယ်။ ကျွန်တော်တို့နိုင်ငံမှာ အရင်က မလုပ်ဘူး၊ မကြားဘူးခဲ့တဲ့ တခြားနိုင်ငံက ယဉ်ကျေးမှုပွဲတော်တွေနဲ့ ထုံးတမ်းစဉ်လာတွေ ကျင်းပလာကြတယ်။ ဒီတော့ ကိုယ်အရင်က သိထားတဲ့ အသိလောက်လေးနဲ့ မလုံလောက်တော့ဘူးဆိုတာ တဖြည်းဖြည်းထင်ရှားလာတယ်။ အမြင်ကျယ်ဖို့ လိုလာတယ်ပေါ့။ ဗဟုသုတတွေ ရှာဖွေဖို့ လိုအပ်လာတာတော့ အမှန်ပဲ။

တလောက သူငယ်ချင်းတွေရဲ့ ရုံးက ပွဲတစ်ခုကို အားပါးတရ ပျော်ပျော်ကြီး ဆင်နွှဲနေကြတယ်။ ဘာတဲ့ Oktoberfest ပါလား။ ကျွန်တော်လည်း အသည်းအသန် google ရတယ်။ ဘာကြီးလဲပေါ့။ ကိုယ်ကလည်း အောက်တိုဘာလ မွေးတဲ့သူဆိုတော့ အဲလို အသံလေးတွေပါလာရင် ပိုစိတ်ဝင်စားတယ်လေ။