ဗီယက်နမ်ခမောက်လေးဆောင်းလို့ နိုင်ငံအနှံ့ ဆိုင်ကယ်နဲ့ပတ်မယ် (၃) - ဟလောင်းသို့ ခရီးစဉ်

မနက် ၇ နာရီလောက်ကို Halong Bay ကို သွားမယ့်ကား လာခေါ်မယ်ဆိုလို့ မနက် ၆ နာရီလောက် ရေမိုးချိုး၊ အောက်ဆင်း မနက်စာ စားပြီး Hotel Lobby ကနေ အသင့်စောင့်နေလိုက်တယ်။ ဒီ ဗီယက်နမ် ခရီးကို စပြီး စီစဉ်ကတည်းက Halong Bay ကို သွားဖို့ စဉ်းစားခဲ့ကြတာမို့လို့ Halong Bay က သင်္ဘောပေါ် တစ်ညအိပ်နိုင်အောင် သင်္ဘောနဲ့ အခန်းကို ကြိုတင် Booking လုပ်ခဲ့ကြတယ်။ ထုံးစံအတိုင်း Booking လုပ်တဲ့ Website တွေကနေပေါ့။ အဲဒီတော့ ခုလို ကားနဲ့ လာကြို၊ ပြန်ပို့တာအပြင် သင်္ဘောပေါ်မှာ နှစ်ယောက်ခန်း၊ နေ့လည်စာ၊ ညစာ နဲ့ တခြားလည်ပတ်တဲ့ အစီအစဉ်တွေ အားလုံးအပါအပြီးကို ဒေါ်လာ ၂၆၀ လောက် ပေးလိုက်ရတယ်။ အကယ်လို့ ပြည်တွင်းက စီစဉ်ချိတ်ဆက်ပေးတဲ့ Tour တစ်ခုခုနဲ့ဆိုရင်တော့ ပိုပြီး သက်သာကောင်း သက်သာနိုင်ပါတယ်။ ထားပါလေ။ ကျွန်တော်တို့ ကိုယ်တိုင်က အဲလိုမျိုး မလွတ်မလပ်သွားရတာမှ မကြိုက်ဘဲ။
လာကြိုတဲ့ကားက ဟိုတယ်တကာ ပတ်ပြီး လာကြိုရလို့ ပြောထားတဲ့အချိန်ထက် မိနစ် (၃၀) လောက် နောက်ကျပြီးမှ ရောက်လာတယ်။ ကျွန်တော်တို့ ကားပေါ်တက်တော့ လူက အတော်များနေပြီ။ အများစုက လူဖြူတွေချည်းပါပဲ။ အာရှသားဆိုလို့ ကျွန်တော်တို့ ၄ ယောက်ရယ်၊ ထိုင်းက ၂ ယောက် တို့ပဲ ပါတယ်။ ဒါတောင် စ မထွက်နိုင်သေးဘဲ၊ နောက်ထပ် နှစ်ဖွဲ့လောက်ကို ထပ်သွားကြိုရသေးတယ်။ ဒီနေ့ကားပေါ်မှာ ပါလာတဲ့ Local Guide ကတော့ အင်္ဂလိပ်လိုပြောတာ အတော်လေး အဆင်ပြေ နားရှင်းတယ်။ နောက်မှ သိရတာက အရင် သူက စင်ကာပူမှာ ဟိုတယ် Reception ပိုင်း လုပ်ခဲ့ဖူးတယ်ဆိုတော့ သူ့ အင်္ဂလိပ်စကား တခြားသူထက် ပိုအဆင်ပြေနေတာ ဘာကြောင့်ဆိုတာ သဘောပေါက်သွားတယ်။ အတော်လေးလည်း ဖောရွေပြီး ဧည့်သည်တစ်ဦးချင်းစီကို “သူ ငါ့ကို အတော် ဂရုစိုက်ရှာပါလား” လို့ ထင်သွားရလောက်အောင်ကို တစ်ဦးချင်းစီကို အလေးထားပေးတတ်ပါတယ်။

ဒါနဲ့ပဲ ၈ နာရီကျော်လောက်မှ ဟနွိုင်းမြို့ကနေ မြို့ပြင်ဘက်ကို ကားလေး စထွက်ဖြစ်တယ်။ လူ ၃၀ လောက်ပဲ ပါတယ် ကားလေးက တံတားရှည်တစ်ခုကိုရောက်တော့ Guide က တစ်ဘက်ခြမ်းမှာ လှမ်းမြင်နေရတဲ့ A ပုံသဏ္ဍာန် ကြိုးတံတားကြီးတစ်ခုကို ပြပြီး ဒါဟာ ပြင်သစ်ကိုလိုနီခေတ်က ပြင်သစ်တွေ ဆောက်လုပ်သွားခဲ့တာလို့ ပြောပါတယ်။ ခုချိန်မှာတော့ တံတားကြံ့ခိုင်ရေးအတွက် ဆိုင်ကယ်လောက်ပဲ ဖြတ်သန်းခွင့်ပြုထားတယ်လို့ သိရပါတယ်။ ကျွန်တော့စိတ်ထဲ ထင်နေတာက ဟနွိုင်းမြို့ကနေ ဟလောင်းပင်လယ်ထဲသွားဖို့ သိပ်မဝေးလောက်ဘူးပေါ့၊ အလွန်ဆုံး ၁ နာရီလောက်ပဲ မောင်းရမယ်ထင်နေတာ။ တကယ်က ၃ နာရီလောက်ကို မောင်းရပါတယ်။ ၃ နာရီခရီးဆိုပေမယ့် လမ်းတလျှောက် ကိုယ့်မိတ်ဆွေတွေနဲ့ စကားပြောလိုက်၊ အင်တာနက်သုံးပြီး ဗီဒီယိုကြည့်လိုက်နဲ့ဆိုရင် သိပ်မသိသာလှပါဘူး။ ပြီးတော့ သွားနေတဲ့ လမ်းတလျှောက်မှာကလည်း မြို့ငယ်လေးတွေ ပြတ်သွားတယ်လို့ သိပ်မရှိတာကြောင့် ပတ်ဝန်းကျင်ကို လေ့လာရင်းတောင် သွားလို့ လာလို့ရတဲ့ အနေအထားပါ။ ပျင်းချိန် သိပ်မရဘူး။

ကားက တစ်နာရီခွဲ ဝန်းကျင်မောင်းပြီးချိန်မှာတော့ ခဏနားပေးပါတယ်။ အညောင်းအညာပြေ၊ အပေါ့အပါးသွားရုံထက်ပိုတဲ့ ရည်ရွယ်ချက်တော့ ရှိတာပေါ့။ ကျွန်တော်တို့ဆီမှာ ခရီးသွားရင် ခရီးတထောက်ကို လမ်းက စားသောက်ဆိုင်တွေမှာ နားကြတယ်။ ဒီမှာတော့ ကားရပ်ဖို့ နေရာအတော်ကျယ်ကျယ်ရှိတဲ့ အမှတ်တရပစ္စည်းအရောင်းဆိုင်ကြီးတွေမှာ နားကြပါတယ်။ ဒီက စားသောက်ဆိုင်တွေလိုပဲ သူတို့ဆီမှာလည်း သန့်စင်ခန်းကို သီးခြား ကျယ်ကျယ်ဝန်းဝန်း စီစဉ်ပေးထားပါတယ်။ ခု နားတဲ့ ဆိုင်က အမှတ်တရပစ္စည်းတွေ၊ လက်ဝတ်ရတနာ၊ ပန်းချီနဲ့ ပန်းပုတွေကို ပြုလုပ်တဲ့သူတွေက ဆွံ့အ နားမကြား ကိုယ်လက်အင်္ဂါမစုံလင်တဲ့သူများက ဖန်တီးထားတဲ့ လက်ရာတွေကို ရောင်းချပေးနေတာပါ။ ပိုပြီး ဝယ်ချင်စိတ်ပေါ်အောင် လက်တွေ့ အလုပ်ရုံမှာ တကယ်လုပ်နေကြသူများကို မြင်တွေ့ကြရပါတယ်။ စိတ်ကူးလေးကိုတော့ မချီးကျူးဘဲ မနေနိုင်ပါဘူး။ အဲဒီမှာ မိနစ် ၂၀ လောက် နားပြီး ခရီးဆက်ကြပါတယ်။



နောက်ထပ် တစ်နာရီခွဲလောက်အချိန်မှာပဲ မြူတွေဆိုင်းနေတဲ့ ပင်လယ်ကို တစွန်းတစ တွေ့မြင်လိုက်ကြရတယ်။ နောက်တော့ အုန်းပင်လေးတွေနဲ့ ဟိုတယ်တချို့ကိုတွေ့ရတယ်။ လူနေ တိုက်ခန်းတချို့လည်းတွေ့ရပြီး “ရောင်းမည် / ငှားမည်” စာတန်းကပ်ထားတဲ့ အခန်းတချို့ကိုလည်း တွေ့ရပါတယ်။ အဲဒီနောက်တော့ သင်္ဘောတွေ စီတန်းရပ်နားထားတဲ့ သင်္ဘောဆိပ်ကို ဖြည်းဖြည်းချင်း ချဉ်းကပ်လာပါတယ်။ ဒီနေရာကို ဝင်ခါစကတော့ လူတွေ သိပ်မတွေ့ရပေမယ့် တကယ့် သင်္ဘောဆိပ်နေရာကို ရောက်တော့ လူတွေအများအပြားကို တွေ့လိုက်ရတယ်။ အလည်လာတဲ့ နိုင်ငံခြားသားတွေ သူ့အဖွဲ့နဲ့သူ ယောက်ယက်ခတ်နေကြတာပေါ့။ Local Guide အသီးသီးရဲ့ အော်လံ နဲ့ အော်ခေါ်နေတဲ့အသံတွေ၊ လူတွေရဲ့ စကားသံ၊ အော်ဟစ်ရီမော ပျော်ရွှင်နေသံတွေက ဒီနေရာကို ပထမဦးဆုံးရောက်လာတဲ့ ကျွန်တော့အတွက်တော့ စိတ်လှုပ်ရှားစရာချည်းပါပဲ။ ကားရပ်လို့ ကားပေါ်ကနေဆင်းပြီး ကိုယ့်အထုတ်ကိုယ်ဆွဲလို့ Guide နောက်ကို လိုက်လာချိန်မှာ ကျွန်တော်တို့ကားပေါ် ပြန်တက်သွားတဲ့ ဟနွိုင်းပြန်မယ့်အဖွဲ့နဲ့အတူ ကားက ထွက်သွားခဲ့ပြီ။



သင်္ဘောဆိပ်မှာ လူများလွန်းလို့ ကိုယ့်အဖွဲ့ကို မျက်ခြေမပြတ်အောင် မနည်းလိုက်ကြည့်ရတယ်။ ကိုယ်သွားမယ့် သင်္ဘောပေါ်ကို တိုက်ရိုက်တက်ရတာမျိုးမဟုတ်ဘဲ၊ အရင်ဆုံး စက်လှေတစ်စီးပေါ် တက်ရတယ်။ အဲဒီ စက်လှေကမှ ကိုယ်စီးမယ့် သင်္ဘောပေါ်ကို ပို့ဆောင်ပေးတာပါ။ ကိုယ်တွေကို လာကြိုတဲ့ စက်လှေကလည်း အဲဒီ သင်္ဘောက ကိုယ်ပိုင်စက်လှေဖြစ်ပြီး၊ ခရီးစဉ်တစ်လျှောက်လုံးမှာလည်း အဲဒီသင်္ဘောရဲ့ နောက်မှာချိတ်လို့ လိုက်လာမယ့် စက်လှေဖြစ်ပါတယ်။ အဲဒီစက်လှေကနေ သင်္ဘောဆီကို ရောက်အောင်သွားရတဲ့ အချိန်က ၃ မိနစ်တောင် မကြာပါဘူး။ ဒါပေမယ့် စီးနင်းမယ့်သူ အယောက်တိုင်းကို သက်ကယ်အင်္ကျီမဖြစ်မနေ ဝတ်ခိုင်းပါလိမ့်မယ်။ သူတို့မှာ ဥပဒေထုတ်ပြန်ထားလို့ လို့ သိရပါတယ်။ စက်လှေလေးတွေကိုလည်း စတိုင်အမျိုးမျိုးနဲ့ ဖန်တီးထားတာ သတိပြုမိသွားတယ်။ ကိုယ့်သင်္ဘော ပုံစံအလိုက် တချို့က ခေတ်မီတဲ့အသွင်၊ တချို့က ဟိုးရှေးခေတ်ကလှေအသွင် အမျိုးမျိုးဖန်တီးဆွဲဆောင်ကြပါတယ်။ ကျွန်တော်တို့ စီးမယ့် သင်္ဘောက Silver Sea Cruise ပါ။

စက်လှေပေါ်ကနေ သင်္ဘောပေါ်ကို ကူးတက်ဖို့ သင်္ဘောပေါ်က အသင့်ကြိုဆိုနေကြတဲ့ ဝန်ထမ်းလေးတွေက သွက်သွက်လက်လက် ကူညီပေးကြပါတယ်။ လူ ၃၀ လောက်နဲ့ပဲ သင်္ဘောက လုံလောက်တဲ့သဘော ရှိပါတယ်။ အရင်ဆုံးအပေါ်ထပ်က စားသောက်ခန်းမှာ ကျွန်တော်တို့တွေအားလုံးကို ခဏစောင့်ခိုင်းပါတယ်။ ကျွန်တော်တို့ကလည်း ရောက်တာနဲ့ သင်္ဘောကို အပေါ်အောက် လှည့်ပတ်ကြည့်ပြီး စပ်စုတော့တာပဲ။ သင်္ဘောက နှစ်ထပ် သင်္ဘောပါ။ ၃ လွှာ ရှိပါတယ်။ အောက်ဆုံးထပ်မှာ သင်္ဘောအတက်အဆင်းလုပ်တဲ့နေရာ၊ Reception နဲ့ အိပ်ခန်းတချို့ရှိတယ်။ အလယ်ထပ်မှာ အိပ်ခန်းတွေနဲ့ စားသောက်ခန်း ရှိပြီးတော့ အပေါ်ဆုံးထပ်မှာ သင်္ဘောကပ္ပတိန် သင်္ဘောမောင်းတဲ့အခန်း၊ သူ့ရဲ့နားနေအခန်း၊ ထိုင်းရိုးရာအနှိပ်ခန်း၊ နေပူစာလှုံဖို့ ပက်လက်ကုလားထိုင်တွေ၊ အရက်ဘားနဲ့ သီးသန့်နေထိုင်သူများရဲ့ အိပ်ခန်းတွေ ရှိပါတယ်။ သီးသန့်ခန်းက ၂ ခန်း ပါဝင်ပြီး သီးသန့်ခန်းနေသူများအတွက် အပေါ်ဆုံး Open Air အထပ်ရဲ့ သင်္ဘောနောက်ပိုင်းမှာ ခြံခတ်လို့ သီးခြား စီစဉ်ပေးထားပါတယ်။ လူဖြတ်သန်းသွားလာဖို့ကိုလည်း သတိပေးစာကပ်လို့ တားမြစ်ထားပါတယ်။

သင်္ဘော စတင်မထွက်ခွာခင်ကလေးမှာပဲ Guide က ကျွန်တော်တို့အားလုံးကို စားသောက်ခန်းမှာ ခေါ်ပြီး ဆောင်ရန်၊ ရှောင်ရန်တွေနဲ့ တစ်ညအိပ် နှစ်ရက်တာ ခရီးအတွင်း ဘာတွေလုပ်ဆောင်မယ်၊ ဘယ်တွေသွားမယ်ဆိုတဲ့ ကိစ္စရပ်တွေကို အချိန်ဇယားနဲ့ ရှင်းပြပါတယ်။ အဲဒီအချိန်မှာပဲ သင်္ဘောဝန်ထမ်းတွေက ကျွန်တော်တို့ကို အခန်းသော့ လိုက်ပေးပါတယ်။ ကားပေါ်မှာကတည်းက Guide က ကျွန်တော်တို့ဆီက Passport တွေတောင်းပြီး ကြိုတင်စာရင်းဖြည့်သွင်းပေးထားလို့ သိပ်အချိန်မကုန်ဘဲ အဆင်ပြေပြေ အခန်းသော့ အဆင်သင့်ရလာပါတယ်။ ကျွန်တော်တို့ သူငယ်ချင်းတွေ အဆင်ပြေသွားတာက စားသောက်ခန်းရှိတဲ့အလွှာမှာပဲ အခန်း နှစ်ခန်းကို မျက်နှာချင်းဆိုင် ရတာပါ။ သင်္ဘောပေါ်မှာ ၂ ယောက်ခန်းတွေ၊ ၃ ယောက်ခန်းတွေ ရှိပါတယ်။ ၂ ယောက်ခန်းကိုမှ ကုတင် နှစ်လုံးခွဲရက်လား၊ ကုတင်အကြီးတစ်လုံးတည်းလားဆိုပြီး ခွဲခြားရနိုင်ပါသေးတယ်။ ဒါ့အပြင် ကိုယ်ပိုင်ဝရံတာလေးနဲ့ နေလို့ရတဲ့ အခန်းတွေလည်း ရှိပါသေးတယ်။ ဒါတွေကိုတော့ အခေါ်အဝေါ်အမျိုးမျိုးနဲ့ ခွဲခြားရောင်းချပေးတာပါ။ အခန်းတိုင်းမှာတော့ ရေချိုးခန်း အိမ်သာ ပါဝင်ပါတယ်။ ကျွန်တော် အခန်းတံခါးကို ဖွင့်လိုက်ချိန်မှာတော့ တော်တော်လေး ကျေနပ်သွားမိတယ်။ ထင်ထားတာထက်အများကြီး ပိုကောင်းနေတဲ့ အခန်းအပြင်အဆင်ကြောင့်ရယ်၊ ရေချိုးခန်းက တော်တော်လေး အဆင့်မြင့်ကောင်းမွန်တာရယ်ကြောင့်ပါ။ ကျွန်တော်တို့ စီးတဲ့ သင်္ဘောအခန်းတွေမှာတော့ တီဗီ ပါဝင်တာ မတွေ့ရပါဘူး။ တချို့ သင်္ဘောတွေမှာတော့ အခန်းတွေမှာ တီဗီ လည်း တပ်ဆင်ထားပါတယ်။ ကျန်တဲ့ ရေခဲသေတ္တာ၊ အဲကွန်းတွေကတော့ ပါဝင်ပါတယ်။ အပြင်ကို ကြည့်ဖို့ ပြတင်းပေါက် ကျယ်ကျယ်လည်း ရှိပါတယ်။ တော်တော်လှတဲ့ ရှုခင်းတွေကို စိတ်တိုင်းကျ ခံစား လိုက်ပါသွားနိုင်တယ်။ တစ်ခုဆိုးတာက နေ့လည်ပိုင်းမှာတော့ အဲကွန်းအတွက် မီး မပေးတာပါဘဲ။ လိုတော့လည်း မလိုအပ်ပါဘူး။ တစ်နေ့တာလုံးမှာ သတ်မှတ်ထားတဲ့ အစီအစဉ်တွေ အပြည့်ရှိနေတာမို့ အခန်းမှာ နားချိန်တောင် ကောင်းကောင်းမရပါဘူး။ အခန်းထဲ ပစ္စည်းချပြီး ချက်ချင်းပြန်ထွက်လို့ စားသောက်ခန်းမှာ နေရာယူရတယ်။

နေ့လည်စာအတွက်လည်း ယူထားတဲ့ ဈေးထဲမှာ ပါဝင်ပြီးသားမို့ ထပ်ပြီးကုန်ကျစရာ မရှိပေမယ့် ဝန်ထမ်းတွေရဲ့ ဖောရွေတဲ့ အပြောအောက်မှာ ကျွန်တော်တို့တွေ ဈေးအကြီးဆုံး ဝိုင်တစ်ပုလင်း သောက်ဖြစ်သွားကြတယ်။ နေ့လည်စာကို European Style ကျွေးတာမို့လို့ Stater, Appetizer, Soup, Main Course အဲဒီလိုတွေ တစ်ပန်းကန်ချင်း လာချ ပြန်ယူ စနစ်နဲ့ ကျွေးပါတယ်။ မြန်မာဗိုက်နဲ့တော့ အတော်လေး တင်းတိမ်ဖို့ ခက်ပါတယ်။ အစားအသောက်က နည်းနည်းနဲ့ အရသာရှိရှိ ချက်ပြုတ်ကျွေးမွေးတာပါ။ ဒါပေမယ့် ကျွန်တော်တ်ို့အတွက်တော့ မဝဘူးဗျာ။ သင်္ဘောကလည်း မောင်းနေပြီဆိုတော့ ကျွန်တော်တို့က ပြတင်းပေါက်နဲ့ အနီးဆုံးစားပွဲဝိုင်းယူထားတာကြောင့် ပတ်ဝန်းကျင်က အရမ်းလှတဲ့ ကျွန်းတွေ တောင်တွေကို ခံစားရင်း နေ့လည်စာစားရတာကတော့ အမှတ်တရရှိလွန်းပါတယ်။ ဝိုင်တစ်ပုလင်းကလည်း ထည့်ရင် ၄ ယောက်အတွက်က တစ်ခွက်စီလောက်ပဲ ရတာဆိုတော့ လူက ခေါင်းနောက်တာပဲ အဖတ်တင်သွားတယ်။ ဒါနဲ့ ကော်ဖီ မှာသောက်ဖြစ်ကြတယ်။

ထမင်းစားနားချိန်လေးလို ဖြစ်နေပြီး သင်္ဘောကလည်း တရွေ့ရွေ့နဲ့ သွားနေတယ်။ သင်္ဘောရှေ့ပိုင်းက စားပွဲလေးမှာ ကျွန်တော်တို့အဖွဲ့ သွားထိုင်ပြီး ဗီယက်နမ်ကော်ဖီရဲ့ အရသာကို ခံစားကြတယ်။ သင်္ဘောပေါ်က ကော်ဖီကတော့ ကျွန်တော်အကြိုက်ဆုံးပဲ။ အရင် မြို့ထဲမှာ သောက်ခဲ့တဲ့လက်ရာထက်တောင် ပိုကြိုက်သေးတယ်။ မသွားခင်ကတည်းက ဟနွိုင်းဟိုတယ်ပိုင်ရှင်က ပြောလိုက်တယ်။ မင်းတို့ ကံကောင်းရင်တော့ ပတ်ဝန်းကျင်ရှုခင်းတွေကို တွေ့ရမယ်၊ မဟုတ်ရင်တော့ အဲ့ဒီနေရာက မြူတွေနဲ့ အမြဲပြည့်နေတတ်တယ်တဲ့။ ဒါဆို ဒီနေ့ ကျွန်တော်တို့ ကံကောင်းတာပေါ့။ ပတ်ဝန်းကျင်းကို ရှင်းရှင်းလင်းလင်း မြင်တွေ့ရတယ်။ အဲဒါ ညအထိတိုင်အောင်ပဲ။ သင်္ဘောသွားနေတဲ့ တလျှောက် ဘေးပတ်လည်မှာ ကျွန်းတွေ၊ တောင်တွေကို တွေ့ရများပြီး ရေပြင်ကျယ်တဲ့နေရာမျိုးမှာတော့ ကျွန်တော်တို့လိုပဲ သွားလာနေတဲ့ သင်္ဘောကြီးတချို့ကို တွေ့ရတတ်တယ်။ တချို့နေရာတွေမှာဆို ဆယ်ဂဏန်းလောက်ရှိမယ်။ အဲဒီကနေမှ နေ့လည် ၂ နာရီလောက်မှာ သင်္ဘောရပ်သွားပြီး၊ ကျွန်တော်တို့ကို စက်လှေပေါ်တက်ခိုင်းတယ်။ အဲဒီကျမှ ကျွန်တော်လည်း သတိထားမိတာပါ။ အပေါ်မှာ ပြောခဲ့သလို စက်လှေကြီးက သင်္ဘောနောက်မြီးမှာ ချိတ်ပြီး သင်္ဘောသွားရာနောက် ပါနေတယ်ဆိုတာ။ စက်လှေပေါ် အားလုံးတက်ပြီးတော့မှ စက်လှေက ခု သင်္ဘောရပ်ထားတဲ့နေရာနဲ့ မဝေးတဲ့ ကျွန်းတစ်ခုဆီကို ဦးတည်မောင်းနှင်ပါတယ်။ အဲဒီကျတော့မှ ပတ်ဝန်းကျင်မှာ ကျွန်တော်တို့ သင်္ဘောလိုပဲ ရပ်နားထားတဲ့ တခြားသင်္ဘောတွေလည်း မလှမ်းမကမ်းတွေမှာ ရှိနေပါတယ်။

သင်္ဘောတွေက ပုံစံအမျိုးမျိုး ရှိကြတယ်။ ခေတ်မီတဲ့ ပုံစံနဲ့ အဆန်းအပြားတွေလုပ်ထားတဲ့ သင်္ဘောတွေ ရှိသလို၊ ရွက်လှေကြီးလို ရွက်တိုင်တွေနဲ့ ရွက်လွှင့်ပြီးမောင်းတဲ့ သင်္ဘောတွေလည်း ရှိတယ်။ သင်္ဘောနည်းနည်း စုတ်တာလေးတွေလည်း တွေ့ရတယ်။ ကျွန်တော်တို့ထက် ပိုကောင်းတဲ့ သင်္ဘောတွေလည်း ရှိသေးမှန်း သိလိုက်ရပါတယ်။ စက်လှေက ကျွန်းကို ၅ မိနစ်တောင်မကြာဘဲ ရောက်သွားတယ်။ Catba ကျွန်းပေါ်မှာ လမ်းနည်းနည်းလျှောက်ပြီး ကားဂိတ်တစ်ခုဆီသွားလို့ ကားစောင့်ရတယ်။ သူတို့ဆီမှာ ဒီ Halong Bay ကိုလာတဲ့ Tour အစီအစဉ်တွေ နည်းနည်းစီ ကွဲပြားကြတယ်။ တချို့က ဒီကျွန်းကို မလာကြဘူး။ Guide ရဲ့ ပြောစကားအရတော့ ကျွန်တော်တို့ရဲ့ အစီအစဉ်မှာ လူတိုင်းသွားနေတဲ့ ကျွန်းအစား ခုလာတဲ့ ကျွန်းပေါ်က ဂူက လူအရောက်အပေါက်နည်းသေးတော့ လူမရှုပ်သလို၊ သဘာဝအတိုင်းမပျက်စီးသေးဘဲ ကျန်နေလို့ ဒီဂူ ကို ဦးစားပေး ခေါ်လာတယ်လို့ ပြောပါတယ်။ ဒါကလည်း သူတို့အပြောပေါ့။ ကိုယ်မှ မသိတာကိုး။ ကားဂိတ်မှာ ၅ မိနစ်လောက် ကားစောင့်လိုက်ရပြီး ဘတ်စ်ကားတစ်စီး ဆင်းလာတာ တွေ့ရတယ်။ အဲဒီကားနဲ့ တောင်ပေါ်ကို ပြန်တက်ကြပါတယ်။ ဒီကျွန်းမှာ လူဦးရေ ၃ ထောင်လောက်နေတယ်ပြောပေမယ့် ဂူဆီသွားတယ်လမ်းတလျှောက်တော့ လူ မတွေ့ရဘူး။ ဘေး ဘယ်ညာက ရှုခင်းလေးတွေကို စီစဉ်ထားတာလေးတော့ လှတယ်လို့ မြင်မိတယ်။ တခါတလေ ပင်လယ်ထဲ ဝါးတံတား လှလှလေးထိုးပြီး ကျွန်းနဲ့ မဝေးနဲ့ တစ်ဘက် ကျွန်းလိုလို တောင်လိုလိုကို သွားလို့ရအောင် လုပ်ထားပေးတယ်။ နိုင်ငံခြားသားတချို့ကို စက်ဘီးလေးတွေနဲ့ ဆင်းလာတာ ဖြတ်ခနဲတွေ့လိုက်ရတယ်။ ၁၀ မိနစ်လောက် ကားစီးပြီးတော့ ဧည့်သည်တွေကို ပြချင်တဲ့ Hoa Cuong Cave (သူတို့အခေါ် Diamond Cave) ကို ရောက်ပါတယ်။ အဲ့ဒီကျမှ ကျွန်းသူကျွန်းသားတချို့ကို အအေးဘူးတွေ၊ မုန့်တွေ ရောင်းနေတာ တွေ့ရတယ်။ တချို့လည်း ဆိုင်ကယ်ကယ်ရီပေါ့။ ရွာထဲလည်ချင်ရင် လည်လို့ရအောင်ထင်ပါတယ်။

ကားပေါ်ကနေဆင်းပြီး ခြေကျင် နည်းနည်းလျှောက်ရပါတယ်။ ဂူက တောင်ရဲ့ အလယ်လောက်မှာ ဖြစ်နေလို့ တစ်ခါ တောင်ပေါ်တက်ရပြန်ပါတယ်။ တောင်ပေါ်ကနေ ဂူထဲကိုရောက်တော့ အထဲမှာ အရင်ရောက်နေတဲ့ နိုင်ငံခြားသားအဖွဲ့တွေ အထွက်ကို တစ်ခါပြန်စောင့်ပြီးမှ အတွင်းကို ဝင်ရတယ်။ ဂူထဲရောက်သွားတော့ Guide က ရွှန်းရွှန်းဝေအောင် ရှင်းပြပါတော့တယ်။ ဒီဂူကို ဘာလို့ ဒိုင်းမွန်းဂူလို့ခေါ်လဲဆိုတော့ ခု ဂူရဲ့ နံရံပတ်လည်ကို ကြည့်လိုက်ပါ။ ဘာတွေ့ရသလဲ။ အရောင်တွေလက်နေတယ်မဟုတ်လား။ ဘာညာပြောပြီး ဧည့်သည်တွေကို ကြည့်ခိုင်းပါတယ်။ ကျွန်တော်လည်း ရောက်ကတည်းက သတိထားမိတယ်။ အရောင်လေးတွေက စိန်မှုန်လေးတွေ ကြဲထားသလို လက်လက်ထနေတာ။ ဒါပေမယ့်လည်း ဒါတွေကို ကျွန်တော်တို့ဆီက တောင်ကြီး၊ ပြင်ဦးလွင်၊ ကလောဘက်က ဂူတွေဆီရောက်ဖူးသူတွေ မြင်ဖူးကြပြီးသားပါ။ ဒါတွေနဲ့ ရင်းနှီးပြီးသား ကျွန်တော်တို့ မြန်မာတွေအတွက်ကတော့ သူတို့ရဲ့ နိုင်ငံခြားသားတွေကို ဒီလိုတွေပြပြီး ရောင်းစားတဲ့အကွက်ကိုတော့ သဘောကျသွားမိသား။ မထူးခြားတဲ့နေရာတစ်ခုမှာ ထူးခြားတာတွေ ရှိနေသယောင် ဖန်တီးတတ်တာလည်း သူတို့ရဲ့ အစွမ်းပေါ့လေ။ ဒီဂူကြီးက အရင်က ရေအောက်မှာ ရှိနေလိမ့်မယ်။ အရင်က ဒီဂူမှာ လူတွေနေသွားတဲ့ သက်သေတွေရှိတယ်။ စသဖြင့် ဒဏ္ဍာရီလိုလို ဇာတ်လမ်းတွေ ပြောပြပါတယ်။ ပြီးတော့ ဂူပေါက်ကျဉ်းကျဉ်းလေးထဲ တစ်ယောက်ချင်းစီ ခေါ်သွင်းပြီး ဂူနံရံကို ဓါတ်မီးလေးနဲ့ ထိုးထိုးပြပါတယ်။ သူ့အပြောအရ အဲ့ဒီနေရာမှာ လူရဲ့ သွားလို့ ထင်ရတဲ့ အရာရှိနေလို့ ဘယ်ရာစုတုန်းက လူတွေနေသွားတာဖြစ်မယ်ဆိုတဲ့ ဇာတ်လမ်းနဲ့ ချိတ်ဆက်ပြသွားတာပါ။ ဂူထဲမှာ နာရီဝက်လောက် အချိန်ဖြုန်းပြီးတော့ ဂူသေးသေးလေးထဲကနေ ပြန်ထွက်လာကြပါတယ်။ ကျွန်တော်တို့ဆီက နာမည်ကြီး ဂူတွေက ပိုပြီး ရှည်လျား လှပတယ်လို့ ထင်ပါတယ်။ အဲဒီကနေ စောစောက လာခဲ့တဲ့ ကားဂိတ်ကို ပြန်ဆင်းကြပါတယ်။ ပြီးတော့ စက်လှေနဲ့ သင်္ဘောဆီ ပြန်လာကြတော့ ညနေ ၄ နာရီကျော်ပါပြီ။

စက်လှေနားကို လှေလေးတွေလှော်ပြီး အာလူးကြော်၊ ဘီယာ၊ အအေး၊ မုန့် စတာတွေ လာရောင်းတဲ့ အမျိုးသမီးတချို့ကိုလည်း တွေ့ရပါတယ်။ ပြီးတော့ ကျွန်းနဲ့ မနီးမဝေးမှာ လှေပေါ်မှာပဲ အိမ်လို နေပြီး ငါးဖမ်းထွက်နေကြတဲ့ သူတချို့လည်း ရှိနေပါတယ်။ သင်္ဘောဆီ ပြန်ရောက်တာနဲ့ ဟိုးအပေါ်ဆုံးထပ်က အရက်ဘားရှေ့မှာ ကျွန်တော်တို့ကို စုဝေးခိုင်းတယ်။ ပြီးတော့ အမောပြေ ကော့တေး ဆိုပြီး လိမ္မော်နဲ့ အရက်တစ်မျိုးစပ်ထားတာလေး တိုက်ပါတယ်။ Guide က ဒီအချိန်က စပြီး Happy Hour စပါပြီ။ ဘယ်အရက်တွေမှာသောက်ရင်တော့ ဘယ်လောက်လျှော့ပေးပါတယ်ဆိုပြီး စရောင်းပါတော့တယ်။ ကျွန်တော်တို့လည်း အပျော်ထွက်လာတဲ့အတူတူဆိုပြီး ဗော့ကာပုလင်း၊ အစေ့အဆံအမြည်း နဲ့ အချိုရည်ဗူးတွေပါတဲ့ အတွဲကို မှာလိုက်တယ်။ ဒေါ်လာ ၃၀ နီးပါး ပေးရပေမယ့် ဗော့ကာပုလင်းလေးထွက်လာတော့ တော်တော်သေးသေးရယ်။ ပုလင်းလေးက လှတော့ လှပါရဲ့။ လောက်ပါ့မလားတော့ တွေးပူရတယ်။ တခြားသူတွေကတော့ ဘီယာလောက်လေးပဲ ကိုင်သောက်ကြတာ တွေ့ရတယ်။ အဲလိုမျိုးသောက်တာ ကျွန်တော်တို့အဖွဲ့ပဲ ရှိတယ်။ သိပ်မကြာခင် Guide က ရေကူးချင်သူတွေ ရေကူးလို့ရပြီလို့ ကြေငြာလိုက်တာနဲ့ ဧည့်သည်တွေတော်တော်များများ အောက်ဆင်းပြီး အားရပါးရ ရေကူးကြပါလေရော။ သူတို့ကတော့ အသက်ကယ်အင်္ကျီဝတ်ထားဖို့ပြောပေမယ့် တချို့လည်း မဝတ်ကြပါဘူး။ ဝန်ထမ်းတွေကတော့ အနားမှာ အသင့်အနေအထား စောင့်ပေးနေကြပါတယ်။

ညနေ ၆ နာရီလောက်မှာတော့ အားလုံးကို ပြန်တက်ဖို့ ခေါ်ပြီး ညနေ ၇ နာရီခွဲလောက်မှာ ညစာစားရအောင် စားသောက်ခန်းထဲ လာကြဖို့ Guide က သတိပေးပါတယ်။ အဲဒီညနေမှာ ကျွန်တော့ သူငယ်ချင်းတစ်ယောက်က အတူပါလာတဲ့ သူ့ချစ်သူကောင်မလေးကို လက်ထပ်ခွင့်တောင်းဖို့အတွက် စီစဉ်ထားတာကြောင့် ကျွန်တော်တို့တွေ ခေါင်းချင်းဆိုင်ပြီး အံ့သြသွားအောင်လုပ်ဖို့ အစီအစဉ်ဆွဲကြတယ်။ ဒီ အပေါ်ထပ်လေးမှာပဲ စားပွဲထိုးကောင်လေးကနေတဆင့် စာရွက်လေးတွေ ပေးပြီး လက်ထပ်ခွင့်ကို တောင်း၊ လက်စွပ်ဝတ်ပေးဖို့ စီစဉ်လိုက်တယ်။ စားပွဲထိုးခေါင်းဆောင်လေးက အများကြီး ကူညီတိုင်ပင်လုပ်ဆောင်ပေးဖို့ သဘောတူပြီး Guide ကို အကြောင်းကြားလိုက်တယ်ထင်တယ်။ Guide က ချက်ချင်း ကျွန်တော်တို့ဆီကို ရောက်လာတယ်။ ပြီးတော့ သူက ညစာစားနေတုန်း လူအများရှေ့မှာလုပ်ဖို့ အကြံပေးတယ်။ သူငယ်ချင်းက ရှက်နေတော့ အားလုံးက ဝိုင်းတိုက်တွန်းကြရတယ်။ ဒါမျိုး ကျွန်တော်လည်း ရုပ်ရှင်ထဲပဲ မြင်ဘူးတာလေ။ အပြင်မှာ လူတွေ ဝိုင်းလှောင်မလားတော့ တွေးပူတာပေါ့။ သူက ကာယကံရှင်ဆိုတော့ ပိုတွေး ပိုရှက်မှာပဲ။ အားလုံးဝိုင်းမြှောက်ပေးလိုက်တော့ နောက်ဆုံး သူသဘောတူသွားတယ်။ ညစာစားနေတုန်းမှာ သူ လက်ထပ်ခွင့်တောင်းမယ်ပေါ့။ နိုင်ငံခြားသားတွေရှေ့ဆိုတော့ အင်္ဂလိပ်ပြောရကောင်းမလား၊ မြန်မာလိုပြောရကောင်းမလား စဉ်းစားကြရပြန်တယ်။ ကျွန်တော်အကြံပေးတာက ကိုယ်က မြန်မာမိန်းကလေးကို လက်ထပ်ခွင့်တောင်းတာဖြစ်လို့ မြန်မာလိုပြောတာက မြန်မာတစ်ယောက်ကို ပိုပြီး စိတ်လှုပ်ရှားစေမယ်ပေါ့။ နောက်တစ်ယောက်ကကျတော့ နိုင်ငံခြားသားတွေ အများကြီးရှေ့မှာ မြန်မာလိုတွေပြောနေရင် လူတွေက ဘာတွေပြောနေတာလဲဆိုပြီး ဖြစ်ကုန်မယ်ပေါ့။ နောက်ဆုံးတော့ အင်္ဂလိပ်လို အရင်မိတ်ဆက်မယ်၊ ပြီးတာနဲ့ မြန်မာလို တစ်ခွန်းတည်းလက်ထပ်ခွင့်ပြုပါလို့ပြောမယ်ဆိုပြီး ဆုံးဖြတ်လိုက်ကြတယ်။ သူလည်း လူရှေ့မှာ စကားလှအောင် စာတွေစီပြီး အသေကျက်ပေါ့။

ည ၇ နာရီခွဲမှာ ဧည့်သည်အားလုံး ကိုယ့်အခန်းကနေကိုယ်ထွက်ပြီး စားသောက်ခန်းမှာ ညစာစားဖို့ လာကြတယ်။ လူစုံတော့မှ Guide က နက်ဖြန်လုပ်မယ့် အစီအစဉ်တွေနဲ့ ညဘက် ကာရာအိုကေ ဆိုချင်ရင်ဆိုလို့ရတဲ့အကြောင်းတွေ ပြောပြတယ်။ အဲဒါနဲ့ တစ်ဆက်တည်း ဒီနေ့မှာ ကျွန်တော့မိတ်ဆွေ တစ်ယောက်က အထူးအစီအစဉ်ရှိပါတယ်ဆိုပြီး ကျွန်တော့သူငယ်ချင်းကို မိုက်ခွက် ထိုးပေးတယ်။ ဟိုကောင်ကလည်း လူရှေ့မှာ ရှက်လို့ ထူပူပြီး ဘာတွေပြောမှန်းမသိပြောလို့ သူ့ကောင်မလေးရှေ့မှာ ဒုးထောက်ပြီး လက်စွပ်ဝတ်ပေးလိုက်တယ်။ ကောင်မလေးက အံ့သြတာရော၊ ရှက်တာရောနဲ့ မျက်နှာ ဘယ်ထားရမှန်းမသိဖြစ်နေချိန်၊ အားလုံးကလည်း ရုပ်ရှင်ထဲကလိုပဲ ဝမ်းသာအားရ လက်ခုပ်တီးကြတယ်။ အဲဒီကျမှ ကျွန်တော်တို့စီစဉ်သူတွေလည်း သက်ပြင်းချနိုင်တော့တယ်။ အဲဒီညက ဗီယက်နမ်ညစာက အတော်လေး အရသာရှိလိုက်တာ။

သီဟလုလင်
၁၃ မေ၂၀၁၆