ပြင်ဦးလွင် မှာ နောက်ထပ် လည်စရာ တစ်နေရာ တိုးသည်ပေါ့

မေမြို့ သို့မဟုတ် ပြင်ဦးလွင် ကို အရောက်အပေါက်များတဲ့ ကျွန်တော့အတွက် လည်စရာတွေက ထပ်လာတော့ သွားရတာ ပျင်းစရာဖြစ်လာတယ်။ ရာသီဥတုလေး သဘောကျလို့သာ သွားရတယ်၊ သိပ်ပြီး ထူးခြားတဲ့ခံစားမှု မပေးတော့ဘူး။ ပန်းပွဲတော်အချိန်လေး ရောက်လို့ ပန်းလှလှတွေကို စိတ်ကူးယဉ်ခဲ့သမျှကလည်း ဟိုးအရင်တုန်း ပန်းပွဲတော်တွေနဲ့ ပန်းအလှချင်းက ကွာခြားနေပြန်တယ်။ နေရာကျဉ်းကျဉ်းလေးထဲမှာ ပန်းအစစ်နဲ့ အတု ရောထားတဲ့ အဖြစ်သာသာ ပန်းပွဲတော်ကလည်း ကျွန်တော့ကို ရင်မခုန်စေတော့ပြန်ဘူး။ ဒီအချိန်လေးမှာပဲ ကျွန်တော့ ညီမ က သတင်းတစ်ခုပေးလာတယ်။ "နင်... YGW ခြံ ရောက်ပြီးပြီလားတဲ့"။

ကချင်မြေကိုလာပြီး အစားအသောက်တွေနဲ့ တကယ်ပျော်ခဲ့ပြီ

Foodaholic Myanmar page မှာ နယ်စုံက စားသောက်ဆိုင်တွေအကြောင်းရေးတာ ကျွန်တော် အများဆုံးဖြစ်လောက်မယ်။ အရင်ကတော့ ပြောဖူးပါတယ်။ ကျွန်တော်က Foodaholic Myanmar page မှာ Admin T အနေနဲ့ အစားအသောက်နဲ့ စားသောက်ဆိုင် Review လေးတွေ ရေးတယ်ဆိုတာကိုလေ။ ခရီးထွက်ရတာ ကြိုက်တဲ့ ကျွန်တော်က အလုပ်ကိစ္စတွေကြောင့်ရော၊ ကျွန်တော့ရဲ့ ခရီသွား Page အတွက်ရော၊ အလည်သက်သက်ရော အကြောင်းအမျိုးမျိုးနဲ့ ခရီးတွေ ထွက်ရလေ့ရှိတယ်။ ခုလည်း ကျွန်တော် ဂျိန်းဖောမြေကို ရောက်နေပြန်ပြီ။ မြစ်ကြီးနားမြို့ ရဲ့ အေးချမ်းလှပမှုတွေက စိတ်ကို လန်းဆန်းစေတယ်။ ကချင်အစားအစာကို ကချင်ဒေသ အရသာနဲ့ အားပါးတရ စားဖို့ ရည်ရွယ်ချက်ကြီးကြီး ရှိနေတော့ နာမည်ကြီးတဲ့ ကချင်စားသောက်ဆိုင်တွေကို စူးစမ်းရပြန်တယ်။ တွေ့မဲ့တွေ့တော့လည်း နာမည်တပ်ထားတာ လုံးဝ မရှိတဲ့ဆိုင်။ လာစားကြတဲ့ လူတွေကတော့ များလိုက်တာ။ ကားပါကင်တောင် အတော်ရှာယူရတဲ့အဖြစ်။

ကလောမြို့ သီရိဂေဟာက ညီအစ်မ ၇ ဖော် နဲ့ တွေ့ဆုံရာဝယ်... ကိုကိုသီဟ လျှာလည်သွားတယ်

Thirigayhar Restaurant known as 7 Sisters

ကျန်ခဲ့တဲ့ စက်တင်ဘာလ အစောပိုင်းက ကျွန်တော် ရှမ်းပြည်တောင်ပိုင်း နဲ့ ကယားပြည်ဘက် ခရီးထွက်တော့ ကလော မှာ နှစ်ရက် နေခွင့်ရပါတယ်။ ကလော က ရာသီဥတုလေးက အတော်လေး နေလို့ကောင်းတယ်။ ကျွန်တော့ရဲ့ မိတ်ဆွေ U U Yè Kalawthar ကလည်း သူ့ရဲ့ မအားလပ်တဲ့ Trekking Schedule တွေကြားကနေ တစ်ညထွက်လာပြီး ညစာကျွေးပါတယ်။ U U Yè Kalawthar က ခုနာမည်ရနေတဲ့ Trekking Guide တစ်ဦးပါ။ သူ့ရဲ့ စိတ်ရင်းစေတနာကောင်းမွန်မှု၊ ဧည့်သည်တွေအပေါ် စိတ်ရှည်ပြီး ချစ်ခင်နွေးထွေးမှုတွေကြောင့် သူနဲ့ Trekking ထွက်ကြတဲ့ ပြည်တွင်း၊ ပြည်ပ က ခရီးသွားတွေက သူ့ကို အမြဲချစ်ချင်နေကြပါတယ်။ တချို့ အသက်အရွယ်ရနေတဲ့ ပြည်ပခရီးသွားတွေဆို ပြန်ရင် ငိုတောင်ငိုတယ်လို့ ကြားဖူးတယ်။ ရေငတ်တုန်းရေတွင်းထဲကျတယ်ဆိုတာ ကျွန်တော် အဲ့ဒီညက ကောင်းကောင်းသိလိုက်ရတယ်။ ကျွန်တော် အရမ်းမြည်းစမ်းကြည့်ချင်နေတဲ့ Thirigayhar Restaurant known as 7 Sisters ဆိုင်မှာ သူက လိုက်ပြီး ကျွေးတာကိုး။

လှပတဲ့အပေါ်စီးရှုခင်းတွေကိုမြင်ရမယ့် The Penthouse

ဆိုင်အပြင်ဘက် Open Air အပြင်အဆင်

ကျွန်တော် နိုင်ငံခြားကုမ္ပဏီတစ်ခုမှာ အလုပ်လုပ်တုန်းက ဌာနတစ်ခုလုံးအနေနဲ့ Team Lunch တွေ လစဉ် သွားကြတယ်။ ဌာနတစ်ခုလုံးဆိုလို့ ဆယ်ဂဏန်းမတွေးနဲ့ဦး။ အားလုံးပေါင်းမှ (၅) ယောက်တည်း။ အဲဒီတော့ နေ့လည်စာသွားစားရင် ရှယ်စားကြတယ်ပေါ့နော်။

ဒီတစ်ခါတော့ သိပ်မရင်းနှီးသေးတဲ့ စားသောက်ဆိုင်အသစ်လေးကို သွားဖို့ ဖြစ်လာတယ်။ မြေနီကုန်း၊ ပန်းခြံလမ်းနား၊ My Hotel ရဲ့ ဘေးက Business Tower ကြီးတစ်ခုရဲ့ အပေါ်ဆုံး ခေါင်မိုးထပ်မှာဖွင့်ထားတဲ့ ဆိုင်လှလှလေးတစ်ခု။ The Penthouse ဆိုတဲ့ ဆိုင်သစ်လေးကို သွားကြတယ်။ သူ့ရဲ့ အပြင်အဆင်က နိုင်ငံခြားသားတွေကို ပိုပြီး ဆွဲဆောင်ထားပုံရတယ်။ ရိုးရှင်းပေမယ့် လှပသပ်ရပ်တယ်။ အပြင်ဘက်မှာ ထိုင်လို့ရသလို၊ အတွင်းဘက်မှာလည်း အဲကွန်းလေးနဲ့ ထိုင်နိုင်တယ်။ ဘားကောင်တာကိုတော့ အတွင်းဘက်မှာ အဓိက စီစဉ်ပေးထားပြီး ပွဲတွေဘာတွေရှိရင် အဆင်ပြေအောင်ထင်ပါရဲ့ အပြင်မှာလည်း ဘားကောင်တာ အသေးလေးတွေ ကြိုစီစဉ်ထားတာတွေ့တယ်။ ကျွန်တော်တို့က နေ့လည်စာ စားတာဆိုတော့ အပြင် Open Air ရာသီဥတုနဲ့က မတည့်ဘူးလေ။ ဒီတော့ အတွင်းပိုင်း ဆိုင်အပြင်အဆင်လေးတွေကိုပဲ ခံစားရင်း စားကြရတယ်။ ညနေပိုင်းဆိုရင်တော့ တော်လှန်ရေးပန်းခြံရဲ့ အလှကို မြင်ရတယ်။

Be Right Back to say "Hello, Vietnam"

ကျွန်တော့ရဲ့ ခရီးသွားစာမျက်နှာ (www.facebook.com/travellerthiha) ထက်မှာ အကြွေးတင်နေတာလေးတစ်ခုက ဗီယက်နမ်ခရီးစဉ်တွဲထဲမှာ ဟိုချီမင်း (HCMC) မှာ လည်ပတ်တဲ့ အကြောင်းလေး ဖော်ပြပေးဖို့ပါ။
ကျွန်တော်လည်း ဒီတလော စာရေးတဲ့ဘက်ကို အာရုံဘယ်လိုမှ စိုက်မရလောက်အောင်ဖြစ်နေလို့ ဒါလေးကို ဒီအတိုင်းလေး ထားထားလိုက်မိတယ်။
ခု မထင်မှတ်ဘဲ ဗီယက်နမ်ခရီးစဉ်ကို အတူသွားတဲ့ မိတ်ဆွေတွေက ဗီဒီယိုဖိုင်လေးကို အမှတ်တရ လုပ်လာပေးတော့... ဒါလေးကိုပဲ အမှတ်တရအနေနဲ့ရော၊ မှတ်တမ်းလေးတစ်ခုအနေနဲ့ပါ စာမျက်နှာလေးပေါ် တင်ထားလိုက်တယ်။
ဗီဒီယိုလေးကို ရိုက်ကူးတည်းဖြတ်ပေးတဲ့ ချစ်သွေးကို ကိုလည်း ကျေးဇူးတင်ပါတယ်။ ဒီဗီဒီယိုမှာ နောက်ခံစကားပြောထားတာကတော့ ကျွန်တော်ကိုယ်တိုင်ပါပဲ။

သီဟလုလင်
၁ ဇူလိုင်လ ၂၀၁၆

လှည်းကူးဘက်က ထူးခြားအသားဟင်းတွေရောင်းတဲ့ဆိုင်

ကိုကြီးကျော်ရဲ့ ပွင့်ဦးသစ္စာ ထန်းရည်ဆိုင် ရဲ့ မျက်နှာစာ

ဒီနေ့ ကျွန်တော်တော့ အလုပ်ကိစ္စနဲ့ လှည်းကူး ဘက်ရောက်လာတယ်။ ဒီဘက်ရောက်တော့ "ထူးထူးခြားခြားအကောင်သားလေးတွေနဲ့ ထန်းရည် ရောင်းတဲ့နေရာကိုသိတယ်။ နေ့လည်စာစားမလား" ဆိုလို့ စီစဉ်ပေးသူတွေနောက် လိုက်လာခဲ့လို့ ဒီစားသောက်ဆိုင်လေးကို ရောက်ဖြစ်ခဲ့တာပါ။

Pizza Company ရဲ့ တတိယမြောက် ဆိုင်ခွဲသစ် ဖွင့်ပွဲဆီ...

The Pizza Company မြန်မာပလာဇာ ဆိုင်ခွဲသစ်ရဲ့ အပြင်အဆင်

ကျွန်တော်တာဝန်ပူးတွဲယူနေတဲ့ Foodaholic Myanmar Page Admin တွေ အတွက် ဖိတ်စာရောက်နေတာ ကြာပြီ။ မနက် အိပ်ရာနိုးမှ ကောက်ခါငင်ကာ သတိရသွားတတ်တာ ကျွန်တော့ရဲ့ အကျင့်။
ဒီနေ့ မြန်မာပလာဇာ၊ တတိယထပ်မှာ The Pizza Company ဆိုင်ခွဲသစ်ဖွင့်ပွဲ ရှိတယ်ဆိုတာ သတိရမိချိန်က နေ့လည် ၁၀ နာရီကျော်နေပြီ။ ပွဲက ၁၁ နာရီမှ စမှာမို့ ကမန်းကတန်း မောင်းပြေးရတယ်။ နောက် သူငယ်ချင်း Admin တစ်ဦးကိုလည်း လာနေပြီလား ဖုန်းဆက်မှ ပွဲက ဘယ်အချိန်လဲတဲ့။ ဒါဆိုလည်း ချိန်းဖို့ မမီနိုင်တော့လို့ တစ်ယောက်တည်း ဒိုးလိုက်တော့မယ်ဆိုပြီး ကျွန်တော်ပဲ ထွက်လာခဲ့လိုက်တယ်။ မနက် ၁၁ နာရီဝန်းကျင်ဆိုတော့ ကားတော့ အတော်ရှင်းသား။

မန္တလေး-မုံရွာ လမ်းပေါ်က ညောင်ပင်ဝန်းမှာ တစ်ထောက်နားရင်

တလောက ကျွန်တော် မန္တလေးဘက် အလည်ရောက်တုန်း မုံရွာကိုသွားဖို့ အကြောင်းဖန်လာခဲ့တယ်။ ကျွန်တော် မလိုက်လည်းဖြစ်တဲ့ ဒီခရီးကို အားကြိုးမာန်တက် လိုက်သွားမိတဲ့ အဓိက အကြောင်းကတော့ အညာဒေသတွေရဲ့ အစားအသောက်လေးတွေ တွေ့လိုတွေ့ငြား လိုက်ကြည့်လိုက်စားချင်မိတာကြောင့်ပါပဲ။ မန္တလေးကနေ မနက်ပိုင်းထွက်လာခဲ့တာ ညောင်ပင်ဝန်းရွာကိုရောက်တော့ နေ့လည် ထမင်းစားချိန်ဖြစ်နေပြီ။ ညောင်ပင်ဝိုင်းမှာက ခုလို မုံရွာဘက်ထွက်လာတဲ့ကားတွေ တစ်ထောက်နားလေ့ရှိကြတယ်။ အမှတ်တရ လက်ဆောင်၊ ဒေသထွက်အစားအစာလေးတွေ ဝယ်တဲ့နေရာဆိုလည်း မမှားဘူးပေါ့။ ဒီညောင်ပင်ဝန်းက နောက်တစ်ခု နာမည်ကြီးတဲ့အကြောင်းရှိသေးတယ်။ အဲဒါက မြန်မာထမင်းပုံစားအနေနဲ့ စားလို့ကောင်းသလို၊ အကြော်မျိုးစုံ ဝယ်စားလို့ရနိုင်တာပါပဲ။

သံဖြူဇရပ်က သတင်းကြီးတဲ့ ဒေါ်ပု

ဒေါ်ပု ထမင်းဆိုင် က သံဖြူဇရပ်မြို့ ရဲ့ သံဖြုဇရပ်ကြီး ရှိတဲ့ အဝိုင်း နားလေးမှာ ရှိပါတယ်။

ကြုံတုန်းလေး ပြီးခဲ့တဲ့ အပတ် စနေ၊ တနင်္ဂနွေ အားလပ်ရက်လေး မော်လမြိုင်-သံဖြူဇရပ်-စက်စဲ-ကျိုက်ခမီ ဘက် သွားလည်တော့ စားခဲ့ရတဲ့ မြန်မာထမင်းဆိုင်လေး တစ်ခုကို ညွှန်းချင်ပါတယ်။ သိတဲ့အတိုင်း မြန်မာပြည်သားတွေလည်း ခုနှစ်ပိုင်းတွေမှာ ကိုယ့်မြန်မာပြည်ထဲ ကျယ်ကျယ်ပြန့်ပြန့် သွားလည်နေကြတော့ အကယ်၍များ အဲဒီဘက် ရောက်ခဲ့ ပေါက်ခဲ့ရင် စားနိုင်အောင်ပါ။

ကျွန်တော်တို့ ညကတည်းက ထွက်လာတာ မနက်စောစော ကျိုက်ခမီ ဘက်ရောက်တယ်။ ပြီးတော့ စက်စဲကမ်းခြေဝင် ရေဆော့ပြီး နေ့လည်စာကို သံဖြူဇရပ်မှာ ဝင်စားဖြစ်ကြတယ်။ သေမင်းတမန်ရထားလမ်းကို မဝင်လည်ခင်လေးပေါ့။ အဲဒီ သံဖြူဇရပ်မှာ သံဖြူဇရပ်မြို့ရဲ့ အထင်ကရ သံဖြူဇရပ်ကြီး ရှိတဲ့ အဝိုင်း တစ်ခုရှိတယ်။ အဲဒီနားလေးတင် ဒီ မြန်မာထမင်းဆိုင်ကို ရှာတွေ့နိုင်ပါတယ်။ ဆိုင်နာမည်က "ဒေါ်ပု ထမင်းဆိုင်" တဲ့။ လူလည်း အတော်ကျတယ်။ ရွေးချယ်စရာ မြန်မာဟင်းအစုံပေါ့ ဆီပြန်တွေ၊ အကြော်တွေ၊ အသုပ်တွေ အစုံပါပဲ။

ရန်ကုန်မှာ အိန္ဒိယအစားအစာ ကောင်းကောင်းစားမယ်ဆိုရင်...

ဆိုင်အပြင်အဆင်လေး.. အတွင်းဘက်ကနေ အပြင်ကို ရိုက်တာဆိုတော့ နည်းနည်းမှောင်သွားတယ်။

ဒီတလော ဝိတ်လျှော့နေပါတယ်ဆိုမှ သီဟလုလင် တစ်ယောက် စားဖို့သောက်ဖို့ ကျွေးမယ့်သူတွေ တော်တော်လေး ပေါများနေတယ်။ မနေ့ညကပဲ သူငယ်ချင်း ဟိန်းဇော်ညို ရဲ့ မွေးနေ့ညစာလေး စားခဲ့ရသေးတယ်။ ဟော.. ခုကြည့် ဒီနေ့ နေ့လည်ကို ကိုယ့်ရဲ့ ဆရာမ၊ အထက်လူကြီးဟောင်း တစ်ယောက်က လိုက်ကျွေးလို့ စားဖြစ်ရပြန်ပြီ။ ခါတိုင်းလည်း အစ်မနဲ့က ဟိုစား ဒီစား သွားနေကျပါ။ ဒီတစ်ခါတော့ ထူးထူးခြားခြားလေး အိန္ဒိယအစားအစာလေး သွားစားမယ်ဆိုလို့ စိတ်ဝင်စားသွားတယ်။ နာမည်ကိုလည်း ကြိုပြောတယ်။ "The Taj" တဲ့။

အဲဒါနေ့ နေ့လည် အဲ့ဒီအစ်မကို ဝင်ခေါ်ပြီး "The Taj" ရှိတဲ့ ရန်ကုန်၊ အောင်ဆန်းကွင်း၊ City Mart ဘေး၊ ပန်းဆိုးတန်းလမ်းဘက်ခြမ်း ကို ရောက်လာခဲ့ရတယ်။ ကားရပ်ဖို့ နေရာ မလုံလောက်ပေမယ့်လည်း လူတိုင်းက ဟိုလမ်းဘေး ဒီလမ်းဘေး ထိုးရပ်နေကြတော့ လုံလောက်သလိုလိုတော့ ဖြစ်နေပါတယ်။ ဆိုင်နာမည် ဆိုင်းဘုတ်ကတော့ ကုလားစာ လေးလိုလိုပဲ ရုတ်တရက်ကြည့်ရင်။

ကျွန်တော်က ဂျပန်စာ ကြိုက်တယ် (၁)

စားလို့ အရမ်းကောင်းတဲ့ ငါးဥလေးတွေနဲ့ ဆော်လမွန်ထမင်း

ရန်ကုန်မှာက ဂျပန်ဆိုင်တွေ ပေါပါတယ်။ ဒီအထဲကမှ တာမွေ၊ တောင်မြင်းပြိုင်ကွင်းလမ်းပေါ်မှာ ရှိတဲ့ Yamasaki ဂျပန်ဆိုင်လေးမှာ စားဖြစ်တယ်။ ဆိုင်လေးက အသစ်ဖွင့်ထားတာ လပိုင်းလေးပဲရှိပါသေးတယ်။ အဲ့ဒီဆိုင်လေးကို ပထမတစ်ရက်ရောက်တော့ မဖွင့်သေးဘူး။ မနက်ဖြန်မှ ဖွင့်မယ်လို့ ဆိုင်က ဝန်ထမ်းတွေကပြောတယ်။ ကျွန်တော်ကလည်း အဲဒီရက်က အလုပ်ကိစ္စတစ်ခုနဲ့ အဲဒီနေရာကို နှစ်ရက်ဆက်တိုက်လာစရာ ရှိနေတော့ ဒီနေ့မစားရလည်း နောက်နေ့ စားမယ်ကွာဆိုပြီး နောက်တစ်ရက် နေ့လည်စာစားချိန် တစ်ခေါက်ထပ်သွားဖြစ်ပါတယ်။

ဆိုင်ထဲဝင်လိုက်တာနဲ့ ဂျပန်ပြည်က စားသောက်ဆိုင်ကလေး ရောက်သွားသလို ခံစားရမယ့် ဂျပန်ရိုးရာဟန် အပြင်အဆင်တွေနဲ့ ဆိုင်ကို မွမ်းမံထားတယ်။ စားသောက်တဲ့အခါမှာလည်း ကိုယ်နှစ်သက်တဲ့ ပုံစံစားသောက်နိုင်ဖို့ စားပွဲနဲ့ကုလားထိုင်ပုံစံအပြင် ဂျပန်ရိုးရာ ကြမ်းခင်းမှာထိုင်ရင်း စားနိုင်မယ့်ပုံစံ မျိုးကိုပါ ထည့်သွင်းပေးထားပါတယ်။

ကလောမြို့မနက်ခင်းရဲ့ တို့ဖူးနွေး ပူပူလေး

ခုလို မနက် နေရောင်ခြည်နွေးနွေးအောက်မှာ ဒေသခံတွေ၊ ခရီးသွားဧည့်သည်တွေနဲ့ စည်ကားနေတဲ့ ကလောမြို့မဈေးကြီးထဲက ရှမ်းခေါက်ဆွဲဆိုင်လေး။

အရမ်းသာယာတဲ့ ကလောမြို့လေးကို ကျွန်တော်ကတော့ ရောက်သွားပြီ။
မနက်အစောကြီး မိုးမလင်းခင် Express ကားက ကလောကိုဝင်တော့ ဆောင်းတွင်းအေးအေးကြီးမှာ ဟိုတယ်ခန်းမရနိုင်လို့ ဒုက္ခရောက်နေတယ်။

ဟိုတယ်အခန်းရပြန်တော့လည်း ထွက်မယ့်ဧည့်သည်ကို စောင့်ရမှာမို့ မနက် ၈ နာရီလောက်မှ အခန်းဝင်လို့ရမယ်ဆိုတော့ ဟိုတယ်ဧည့်ခန်းလေးမှာ ဖြစ်သလို လှဲရင်းစောင့်နေရတယ်။ ဒါနဲ့ မနက် ၆ နာရီထိုးတော့ လူက ပျင်းလာပြီ။ ဗိုက်ကလည်း ဟာလာပြီ။ သူတို့ဟိုတယ်မှာလည်း မစားချင်တော့ ဟိုတယ်က ဝန်ထမ်းတွေကို မေးရတယ် အနီးအပါးမှာ ဘာဆိုင်ရှိသလဲပေါ့။ ဝန်ထမ်းတွေက သဘောကောင်းကြပါတယ်။ သူတို့ဟိုတယ်ကနေ လမ်းမကြီးအတိုင်း ဆက်လျှောက်သွားရင် ကလောမြို့မဈေးကြီး ရှိတယ်တဲ့။ အဲဒီမှာ စားစရာ ရတယ်ဆိုလို့ အထုတ်တွေအပ်ပြီး ကျွန်တော်လည်း ဝမ်းသာအားရ ထွက်လာခဲ့တယ်။

အင်းခေါင်းဆည်ကို ရောက်ဖူးလား

ရှမ်းပြည်နယ် ဟဲဟိုးနားက အင်းခေါင်းဆည် မှာ အပန်းဖြေ အနားယူနေကြသူများ

ဒီရက်တွေမှာ ခရီးသွားလို့ သိပ်ပျော်စရာကောင်းတယ်လို့ ကျွန်တော် အပြည့်အဝ ယုံကြည်တယ်။ အရင်တုန်းကနဲ့ မတူတော့ဘူး။ တစ်နှစ်ထက်တစ်နှစ် ပြည်တွင်း ခရီးသွားတွေလည်း ပိုများ များလာတယ်။ ခြေထောက်မှာ မှဲ့ပါတဲ့ ကျွန်တော်ကတော့ ခရီးတွေ သွားပြီး ဒေသထွက် အစားအစာလေးတွေ စားနေရရင်ကို ပျော်နေတော့တာပဲ။

စကားမစပ် ကျွန်တော့ Blog ကို လာလည်တဲ့ သူငယ်ချင်းတွေထဲမှာ အစားအစာ ထူးထူးဆန်းဆန်းတွေ စားတတ်၊ ကြိုက်တတ်တဲ့သူတွေ ပါမလားတော့ မသိဘူး။ ကျွန်တော်ကတော့ တချို့ ထူးဆန်းတဲ့အစားအစာလေးတွေကို မြည်းစမ်းကြည့်တတ်တယ်။ ထူးဆန်းတဲ့အစားအစာတိုင်းတော့ မဟုတ်ဘူးနော်။ တချို့ပေါ့။

ပြင်ဦးလွင်က နေ့လည်စာ

ဝက်အခေါက်အသားကင် ကို တွဲဖက်စားနိုင်ဖို့ ရှမ်းချဉ်လေး တည်ခင်းပေးပါတယ်။ ကြက်သားချပ်စပ်ဟင်းလေးကလည်း ရှမ်းအရသာလေး ပါဝင်နေပါတယ်။ ပြင်ဦးလွင်မြို့က "ပန်ဆိုင်း" ရှမ်းစားသောက်ဆိုင်ရဲ့ လက်ရာမွန်တွေပါ။

ကျွန်တော် ဟိုးငယ်ငယ်လေးတုန်းက ပြင်ဦးလွင်ကို အလည်သွားတော့ ဗိုက်ဆာဆာနဲ့ စားလို့အရမ်းကောင်းခဲ့တဲ့ ရှမ်းထမင်းဆိုင်လေးကို ရောက်ပြီး စားဖြစ်ခဲ့တယ်။ သူက မန္တလေး-လားရှိုးလမ်းမကြီး ဘေးတင်ပဲ။ ဆွယ်တာဆိုင်တစ်ခုနဲ့ နီးတယ်လို့တော့ မှတ်ထားလိုက်မိတယ်။ အရမ်းစားကောင်းလိုက်တာလို့ တွေးမိပေမယ့် ဆိုင်နာမည်ကို မမှတ်ထားလိုက်မိဘူး။

ခု ကြီးမှ ပြန်ရောက်တော့ အဲဒီဆိုင်ကို ဘယ်လိုမှ မမှတ်မိနိုင်၊ ရှာမတွေ့နိုင်တော့ဘူး။ ပြီးခဲ့တဲ့ တစ်ခေါက် ပြင်ဦးလွင်ကို အလုပ်ကိစ္စနဲ့ရောက်တော့ ပြင်ဦးလွင်က မိတ်ဆွေအဒေါ်တစ်ယောက်က နေ့လည်စာထမင်းကို ရှမ်းဆိုင်လေးမှာ ကျွေးမယ် အရမ်းကောင်းတာလို့ ပြောတော့ စိတ်ဝင်စားသွားတယ်။ ကျွန်တော်လိုက်ရှာနေတဲ့ ဆိုင်လေးများလားဆိုပြီး။

တောင်ကြီးမြို့ရဲ့ ဆောင်းဦးကို လွမ်းတယ်

တို့ဟူးကြော်ကို တို့ဟူးချဉ်လေးနဲ့ တွဲဖက်စားသုံးနိုင်ဖို့ ခင်းကျင်းပေးပါတယ်။

တောင်ကြီးမြို့ကို ရောက်လို့ ရှမ်းမနက်စာ ကောင်းကောင်းလေးကို ဆိုင်သန့်သန့်မှာ ထိုင်စားချင်ရင် လက်ရာကောင်းလို့ နာမည်ကြီးတဲ့ "ဆောင်းဦး" ခေါက်ဆွဲဆိုင် ကို ကျွန်တော် သွားနေကျပါ။ ဆိုင်ဆိုပေမယ့် ဟိတ်ကြီးဟန်ကြီးမရှိပါဘူး။ ခု တောင်ကြီးမှာလည်း ဟိတ်ဟန်အပြည့်နဲ့ ဆိုင်ခမ်းခမ်းနားနားတွေ ရှိလာပြီဆိုတော့ သေချာအောင် ရှင်းပြရတာပါ။ ပေါ့ပေါ့ပါးပါးဆိုင်လေးပါပဲ။

ပြီးခဲ့တဲ့ အခေါက်က တောင်ကြီးရောက်တော့ မရောက်တာကြာနေပြီဖြစ်တဲ့ "ဆောင်းဦး" ခေါက်ဆွဲဆိုင်လေးကို မနည်းရှာသွားလိုက်တယ်။ ကျွန်တော့ ရဲ့ problem က ကြိုက်တဲ့စားသောက်ဆိုင်လေး တွေ့ရင် မှတ်တော့ထားလိုက်တယ်။ နောက်ပြန်ရောက်ရင် ဘယ်နေရာလဲ အမြဲမေ့တယ်။ ဒီတစ်ဆိုင်လည်း အဲလိုပဲ။ ဗိုလ်ချုပ်လမ်းမကြီးပေါ်ကနေ လမ်းသွယ်တစ်ခုထဲ ဝင်သွားရတယ်ဆိုတာ မှတ်မိနေပေမယ့် ဆိုင်နာမည်က အစ မမှတ်မိတော့ဘူး။ ဒီတစ်ခါတော့ ဆိုင်နာမည်ကို အသေအချာ မှတ်လာပေမယ့် လမ်းသွယ်ရဲ့ နာမည် မမှတ်မိတော့ဘူး အဟီး။ စိတ်မပူပါနဲ့။ တောင်ကြီးရောက်လို့ စားမယ်ဆိုရင် "ဆောင်းဦး" ခေါက်ဆွဲဆိုင် ဆို တောင်ကြီးသူ တောင်ကြီးသားတွေ လမ်းညွှန်နိုင်ပါလိမ့်မယ်။

မာလာမွှေးအိုး စားချင်တယ်

အရသာအရမ်းရှိတဲ့ အသားစုံ၊ အရွက်စုံနဲ့ မာလာမွှေးအိုး

ကျွန်တော် ပြင်ဦးလွင် နဲ့ မန္တလေးရောက်တော့ ဟိုသွားဒီသွားမှာ မြင်မြင်နေရတဲ့ မာလာမွှေးအိုး... မာလာမွှေးအိုး ဆိုတာကို အရမ်းစိတ်ဝင်စားတာ။ နောက်တော့ အခွင့်ရတုန်း ပြင်ဦးလွင်မှာ နေ့လည်စာ လမ်းကြုံစားပလိုက်တယ်လေ။ မာလာမွှေးအိုး ဆိုတာ ဒါပေါ့... မိုဂိုဖိုင်း မာလာမွှေးအိုး ဆိုင်ဆိုပြီး လူသိကြပါတယ်။

မာလာမွှေးအိုးထဲမှာ သီးရွက်စုံနဲ့ အသားစုံပါတယ် (ပင်လယ်စာ၊ ကြက်၊ ဝက်၊ အမဲ၊ အသည်းအမြစ်)။ ပြီးတော့ မာလာဟင်းလို အရသာပါပြီး နည်းနည်း ပိုထူးကဲတဲ့ အရသာလေး ပေါင်းစပ်ပါဝင်နေတယ်။ အရသာ နည်းနည်းပြင်းတယ် ပြောရမလားဘဲ။

ရန်ကုန်တန်ဆောင်တိုင်ပွဲဈေးထဲ လမ်းလျှောက်ခြင်း

Junction မော်တင်ကနေ လှမ်းမြင်ရတဲ့ ရန်ကုန်မြို့ရဲ့ အစည်ကားဆုံး တန်ဆောင်တိုင်ပွဲဈေးခင်း..

ပြီးခဲ့တဲ့ နိုဝင်ဘာလ (၂၆) ရက်နေ့ တန်ဆောင်မုန်းလပြည့်နေ့ အကြိုည တန်ဆောင်တိုင်ပွဲဈေးတန်းခင်းကျင်းထားတဲ့ ရန်ကုန်မြို့ လသာ၊ လမ်းမတော် ဘက်ကို ကျွန်တော်တို့သူငယ်ချင်းတွေ လျှောက်ကြည့်စားသောက်ခဲ့ဖြစ်ကြတယ်။

လူရောင်စုံတွေကြား စီးမျောရင်း မြန်မာ့ရိုးရာစားစရာတွေ၊ ခေတ်နဲ့အညီ တီထင်ဆန်းသစ်ထားတဲ့ အစားအစာသစ်တွေကို ကြည့်ရှု့ မြည်းစမ်းခွင့်ရခဲ့တယ်။ ပွဲဈေးထဲ လူတိုးရတာ၊ အစားအစာတွေ ချက်ပြုတ်ကြေ်ာချက်ကြတဲ့အနံ့တွေထွက်တာ ရှိပေမယ့် တစ်နှစ်မှ တစ်ခါမို့ ပျော်ပျော်ကြီး သွားလာတိုးဝှေ့နေကြလေရဲ့။

ချင်း ရိုးရာ စားစရာ ပြောင်းဖူးစွပ်ပြုတ် (သို့မဟုတ်) ဆာဗူးသီး

အဘွား အိမ်ကို လာလည်ရင် တစ်ခါတလေ ချင်းရိုးရာ အစားအစာလေးတွေ သူက ဦးဆောင်ပြီး လုပ်ကျွေးလေ့ရှိပါတယ်။ ကျွန်တော်ကတော့ ရန်ကုန်အစားအစာတွေကို အမြဲထိတွေ့နေရတာ ကြာတော့ ချင်းရိုးရာ အစားအစာတွေက ကျွန်တော့ကို သိပ်ပြီးတော့ မဆွဲဆောင်နိုင်တာ မှန်ပေမယ့်၊ ကျန်းမာရေးအရရော၊ ရိုးရာထိန်းသိမ်းသင့်တဲ့ အစဉ်အလာတစ်ခုအရရော စားသင့်တယ်လို့တော့ ကျွန်တော် လက်ခံထားပါတယ်။

ဒီ “ဆာဗူးသီး” လို့ခေါ်ကြတဲ့ အစားအစာကို ချင်းတိုင်းရင်းသားတွေရဲ့ သရေစာ အစားအသောက်တစ်မျိုးအဖြစ် စားသုံးကြတယ်လို့ ပြောကြပေမယ့် အိမ်မှာတော့ အဘွားတို့က ထမင်းနဲ့လည်း စားလေ့ရှိပါတယ်။ “ဆာ” ဆိုတာ ချင်းစကားအရ အသား လို့ ဆိုလိုတာပါ။ “ဗူးသီး” ကတော့ ပြောင်းဖူးပြုတ်ရည်ပေါ့။ ဒီ ဆာဗူးသီး လေးများ စားပြီးရင် တစ်ပန်းကန်စားရုံနဲ့ တစ်နေ့လုံးအလုပ်လုပ်နိုင်စွမ်းအားတွေ ပြည့်သွားလောက်အောင်ကို အဟာရဓာတ်ကြွယ်တယ်လို့ ဆိုပါတယ်။ ဝေးလံသီခေါင်ပြီး အပင်စိုက်ရခက်ခဲတဲ့ ချင်းပြည်နယ်ဘက်တွေမှာ အစားအသောက်ဟာ ကျွန်တော်တို့ ဒီဘက်တွေလို ပေါများမနေပါဘူး။ ရှိတာလေး ရတာလေးကိုပဲ အဓိကအစာ၊ သရေစာ လုပ်စားကြရတာကနေ ပေါက်ပွားလာတယ်လို့ ဆိုရမယ် ထင်ပါတယ်။