လမ်းမထက်က ခွေးလေးများအတွက် နိဗ္ဗာန်ဘုံ

ပြီးခဲ့တဲ့ ဖေဖော်ဝါရီ ၂၅ နဲ့ ဧပြီလ ၈ ရက်နေ့တွေတုန်းက ရိုက်ကူးရေးအစီအစဉ်တစ်ခုအတွက် Yangon Animal Shelter ကို ရောက်ဖြစ်ခဲ့တယ်။ အရင်က ရှိမှန်းသာ ကြားဖူးပေမယ့် သွားဖို့ အကြောင်းမဆုံခဲ့တော့ မရောက်နိုင်ခဲ့ဘူး။ ခုတော့ မရည်ရွယ်ပါဘဲ ရောက်ဖြစ်ခဲ့တယ်။ ကျွန်တော် ထင်ထားတာက မြို့ထဲ အနီးတစ်ဝိုက်မှာ ရှိတယ်ပဲထင်တာ။ ဘယ်ဟုတ်လိမ့်မလဲ။ ရန်ကုန်-မန္တလေး အမြန်လမ်းပေါ် ၇ မိုင် ၅ ဖာလုံလောက်အထိ မောင်းသွား၊ ပြီးတော့ U-Turn ဂငယ်ကွေ့ပြန်ကွေ့ပြီး YAS လို့ရေးထားတဲ့ဆိုင်းဘုတ်သေးသေးလေး ညွှန်ပြတဲ့တောလမ်းလေးထဲ ဝင်သွားရတာ။ ဒါက ဖေဖော်ဝါရီလထဲ သွားတုန်းကပေါ့။ ဧပြီလလည်းကျရော အဲဒီဝင်ပေါက်လမ်းကြီးကို အတုံးချပြီး ပိတ်ပစ်လိုက်တယ်။ ဒါနဲ့ပဲ ဘေးနီးဝန်းကျင်က ခြံတစ်ခုကို အကူအညီတောင်းလို့ သူတို့ခြံထဲကနေ ဖြတ်ဝင်လိုက်ရတယ်။
လမ်းမကြီးကနေ အတွင်းဘက်ကို ကားနဲ့ ၁၀ မိနစ်လောက် ဝင်ရတယ်။ သိပ်မဝေးပေမယ့် မြေနီလမ်းလေးက ဆိုးတော့ ဖြေးဖြေးမောင်းဝင်ရတာလည်း ပါတာပေါ့လေ။ လမ်းတစ်လျှောက် ရာဘာတောကြီးကို ဖြတ်ဝင်လာရတယ်။ တခါတရံ ရာဘာခြစ်နေတဲ့ အလုပ်သမ လေးတွေ ပုဆိုးကွက်ခေါင်းပေါင်းလို့ တောင်းလေး ခါးထက်ခွင်ပြီး လျှောက်သွားနေတာ မြင်ရတတ်တယ်။ လမ်းရဲ့တစ်ဖက်ခြမ်းက ရာဘာတော၊ တစ်ဖက်ခြမ်းက ကွန်ကရစ်နံရံကြီး။ အဲလိုဝင်လာရင် YAS ဆိုတဲ့ ရန်ကုန်တိရိစ္ဆာန်စောင့်ရှောက်ရေးဂေဟာကို ရောက်ပါမယ်။



ခြံနှစ်ဆင့် ခတ်ထားတာကတော့ လုံခြုံရေးအတွက် ဖြစ်မယ်ထင်ပါတယ်။ တစ်ဆင့်နဲ့ တစ်ဆင့်ကြားမှာ ၁၀ ပေကျယ်ပြီး အလှူရှင်တွေ၊ လာလည်ပတ်သူတွေရဲ့ ကားတစ်စီး နှစ်စီးစာ ရပ်နိုင်အောင်တော့ အဆင်ပြေပါတယ်။ ကားစက်သံလေးကြားပြီဆိုတာနဲ့ အတွင်းဘက်က ခွေးလေးတွေရဲ့ အသံစုံကို စကြားရတော့တာပါပဲ။ ပေတီးပေစုတ်ပုံစံ ကျွန်တော်တို့အခေါ် လမ်းဘေးခွေးစုံကို ဒီမှာတွေ့ရတယ်။ အမွှေးပွခွေးလေးတွေနဲ့ အခြားခွေးမျိုးစုံလည်း ပါပေမယ့် သူတို့မူလ ခွေးမျိုး စစ် မစစ်တော့ ကျွန်တော်လည်း မမှန်းတတ်ပါဘူး။ မကျွမ်းကျင်ဘူးပေါ့။







ခွေးလေးတွေက ဒီနေရာကို အကြောင်းအမျိုးမျိုးနဲ့ ရောက်လာကြပါတယ်။ စွန့်ပစ်ခံရလို့ ရောက်လာကြသလို၊ ဆိုးလို့ အရပ်က သတ်တော့မယ့်ဆဲဆဲ ကယ်သူတွေပြီး ရောက်လာကြတယ်။ စောစောကပြောသလို အမျိုးမစစ်ဘဲ ရောက်လာကြတဲ့ စွန့်ပစ်ခွေးလေးတွေလည်း ပါဝင်ပေမယ့် ဒီမှာတော့ အားလုံးက လိမ္မာနေကြပြန်တာ တွေ့ရတယ်။ လူမြင်ရင် အတင်းပေးကပ် နမ်းရှိုက်၊ ခုန်တက်၊ ဆော့ကစားကြတာမြင်တော့ သူတို့လေးတွေလည်း အချစ်တစ်ခုကို မျှော်လင့်တောင့်တနေကြပါလားလို့ ခံစားမိသွားတယ်။ ဒီဂေဟာထဲမှာ ခွေးပေါင်း ၅၀၀ လောက်ကို ထိန်းသိမ်းစောင့်ရှောက်ပေးထားပါတယ်။

ခွေးတွေများလွန်းလို့ ထိန်းသိမ်းရလွယ်ကူအောင် ခြံလေး အကန့်လေးတွေနဲ့ ခွဲခြားထားပေးတယ်။ အရွယ်ငယ်တဲ့ခွေးလေးတွေကို အနိုင်မကျင့်နိုင်အောင် သီးသန့်ထားပေးပြန်တယ်။ အစာကျွေးချိန် နှစ်ချိန်သတ်မှတ်ထားလို့ မနက် ၉ နာရီ မှာ တစ်ကြိမ် နဲ့ ညနေ ၄ နာရီမှာ တစ်ကြိမ် ခွေးစာ နဲ့ ထမင်းကို ရောကျွေးတယ်လို့ ဆိုပါတယ်။ တစ်နေ့ကို ဆန် ၃ အိတ် နဲ့ ခွေးစာ ၂ အိတ် ကုန်တယ်လို့ ဂေဟာမန်နေဂျာထံက သိရပါတယ်။ ဂေဟာကို စောင့်ရှောက်ပေးနေတဲ့ လူငယ်လေးတွေကလည်း ဖောရွေကောင်းမွန်ပြီး တိရိစ္ဆာန်လေးတွေကို တကယ်ချစ်ကြပုံပါပဲ။ တော်ရုံ ပရဟိတစိတ်နဲ့ လုပ်ဖို့တော့ မလွယ်လှပါဘူး။ တိရိစ္ဆာန်ဆိုတာက အချိန်မရွေး စိတ်ရိုင်းဝင်နိုင်တယ်လေ။ လူတွေတောင် စိတ်မှန်တာမှမဟုတ်တာကိုး။

လေလွင့်ခွေးလေးတွေကို ခြံကျယ်ကြီးထဲမှ စောင့်ရှောက်ပေးပြီး အရံအတားနဲ့ထားပေးပုံက ထောင်ကြီးတစ်ခုလိုတော့ ခံစားရပေမယ့် သူတို့ဘဝလေးတွေ ဒီမှာက သာယာငြိမ်းချမ်းပါတယ်လေလို့ တွေးမိပြန်သွားတယ်။ ကျွန်တော် ခြံလေးတွေထဲ လိုက်ကြည့်ဖြစ်တယ်။ ခွေးချစ်ပေမယ့် အဲလောက်များကြီးကိုတော့ ကြောက်ပါတယ်။ ဝန်ထမ်းလေးတွေကတော့ ပေါ့ပေါ့ပါးပါး သွားလာနေကြပြီး မကိုက်ပါဘူးလို့ အာမခံကြပါတယ်။ ခွေးလေးတွေ ခွဲထားတဲ့နေရာမှာတော့ ခွေးလေးတွေနဲ့ ခဏဆော့ကစားဖြစ်တယ်။ သူတို့လေးတွေက စီးထားတဲ့ ဖိနပ်က ကြိုးတွေ လိုက်ဖြုတ်နေလို့ ခဏခဏ ပြန်တက်ရတယ်။ ချစ်ဖို့ကောင်းကြပါတယ်။







အချိန်အများကြီး မရလို့ ခဏနေပြီး ပြန်အထွက် Yangon Animal Shelter က မန်နေဂျာလေးကို မေးဖြစ်တယ်။ ခွေးလေးတွေ အညစ်အကြေးစွန့်ရင် ဘယ်မှာစွန့်လဲဆိုတော့ ဒီလိုပဲ ကြုံရာပဲတဲ့။ အဲဒါကို ကျွန်တော်တို့ ဝန်ထမ်းတွေ လိုက်ကြုံးတယ် ဆိုပါတယ်။ တကယ်မလွယ်တဲ့ကိစ္စလို့ ကျွန်တော် ထင်မိတယ်။ မွေးနေ့လို အမှတ်တရနေ့လေးတွေမှာ အလှူလာလုပ်မယ်ဆိုရင် ဘယ်လိုလုပ်ရမလဲမေးတော့ တစ်နေ့တာ အစာအလှူအနေနဲ့ နှစ်နပ်စာကို ကျပ် တစ်သိန်းခြောက်သောင်း ကျသင့်တယ်လို့ ဖြေပြီး ကိုယ်နှစ်သက်ရာ ပမာဏကိုလှူနိုင်တဲ့အကြောင်း ဖြေပေးပါတယ်။ တစ်ခုကတော့ ပြင်ပအစားအစာတွေကို လက်မခံပါဘူးတဲ့။

အဲဒီနောက်တော့ ကျွန်တော်လည်း ခရီးဆက်စရာ ရှိနေသေးလို့ သူတို့ကို နှုတ်ဆက်ပြီး ပြန်ခဲ့တယ်။ ခြံလေးထဲကနေ ပြန်ဖို့ ကားစက်နှိုးလိုက်ရင်ပဲ ခွေးလေးတွေအားလုံးရဲ့ ဟောင်သံလေးတွေ ဝန်းကျင်တစ်ခုလုံးပျံ့သွားပြီး ဩော် သူတို့လည်း နှုတ်ဆက်စကားဆိုနေကြတာပါလားလို့ ကိုယ့်အတွေးနဲ့ကိုယ် ဆက်လွင့်နေမိပါတော့တယ်။



ခုမေလထဲ ရောက်လပြန်တော့ လမ်းမထက်ကခွေးလေးတွေကို စည်ပင်က အဆိပ်ကျွေးရှင်းလင်းတဲ့ သတင်းတွေ ထွက်ပေါ်လာတယ်။ စိတ်မကောင်းဘူးဖြစ်ရပေမယ့် ရှင်းလင်းတဲ့နည်းတွေထဲက အသင့်တော်ဆုံးတစ်ခုကို ရွေးချယ်သွားတာလို့ သဘောထားပြီး ကျွန်တော့အနေနဲ့ကတော့ စောဒကတက်စရာ မရှိခဲ့ပါဘူး။ ကိုယ်ပိုင်လွတ်လပ်ခွင့်နဲ့ ရေးချင်ရာရေးတင်လို့ရတဲ့ Facebook မှာတော့ လူအသီးသီးရဲ့ ကိုယ်ပိုင်အမြင်တွေနဲ့ ဝေဖန်ချက်တွေက တော်တော်လေးဂယက်ထခဲ့တယ်။ ခွေးလေခွေးလွင့်လေးတွေကလည်း တချို့နေရာမှာ အန္တရာယ်ပေးတာမျိုးလည်း ရှိလို့ မှားတယ်၊ မှန်တယ် မပြောချင်သလို၊ တားဆေးလိုမျိုးတွေ၊ ကာကွယ်ဆေးလိုမျိုးတွေ ထိုးပေးလိုက်ပါလားဆိုတာမျိုးလည်း အကြံမပေးချင်ပါဘူး။ လမ်းတစ်လမ်း၊ ရပ်ကွက်တစ်ခုစာ ကိုပဲ လုပ်ရမှာမျိုးမဟုတ်လို့ နည်းနည်းတော့ခက်ခဲလိမ့်မယ်ဆိုတာ သိပါတယ်။ တချုို့သူတွေ ရေးတာလေးတွေလည်း သဘောကျမိတယ်။ ခု YAS လို ဂေဟာလေးတွေနဲ့ စောင့်ရှောက်မယ်ဆိုရင် ဖြစ်ပေမယ့် ဒီလိုစောင့်ရှောက်နိုင်ဖို့ဆိုတာ တစ်နေ့တစ်ရက် တစ်ပတ်တစ်လ အနေအထားမျိုးမဟုတ်ဘဲ နှစ်ရှည်လများ လုပ်ဆောင်ရမှာဖြစ်လို့ ကျယ်ဝန်းတဲ့ခြံအပြင် လူအင်အား၊ ငွေအင်အား အတော်လေး လိုအပ်ပါမယ်။ အလှူရှင်တွေ အမြဲမပြတ်ရှိနေဖို့လည်း လိုပါလိမ့်ဦးမယ်။ ဘယ်သူတာဝန်ယူလုပ်ဆောင်ပေးမလဲဆိုတာကလည်း မေးခွန်းကောင်းတစ်ခု ဖြစ်လာပါတယ်။ ဒီလို ဂေဟာအနေနဲ့တောင် မဟုတ်ဘဲ၊ ခုကိုယ့်အိမ်ရှေ့ရှိနေတဲ့ ခွေးလေးတွေကိုပဲ တာဝန်ယူကြည့်ပါဦး။ ကျွန်တော်တော့ ကိုယ့်ကိုကိုယ်သိတယ်။ တာဝန်မယူနိုင်ဘူး။ ဒါတွေကို အဖက်ဖက်က ပြန်စဉ်းစားမိလေ၊ ခုလို တိရစ္ဆာန်ဂေဟာတွေကို တာဝန်ကြီးကြီးယူတဲ့သူတွေကို ပိုလေးစားလေဖြစ်လာတော့တာပါပဲ။

သီဟလုလင်
၂၇ ဖေဖော်ဝါရီလ ၂၀၁၆
၁၉ မေလ ၂၀၁၆ (ပြန်လည်တည်းဖြတ်)