အပတ်စဉ် တနင်္ဂနွေနေ့တိုင်း ကျွန်တော့ရဲ့ Blog ကနေ ဒေသနာတော်တွေကို ဝေငှလာခဲ့တာ အချိန် အတိုင်းအတာ တစ်ခုတိုင်အောင် ရောက်လာခဲ့ပါပြီ။ ခုလိုအောင်အောင်မြင်မြင် တင်ပြဝေငှနိုင်ခွင့်အတွက် ဘုရားသခင်ရဲ့ ကျေးဇူးတော်ကို ချီးမွမ်းမိသလို၊ ပြည်တွင်းပြည်ပက ယုံကြည်သူ ချစ်မိတ်ဆွေတွေလည်း ဝိညာဉ်ခွန်အား ဆာငတ်မှု သက်သာပြေပျောက်စေမယ်လို့ ယုံကြည်မိပါတယ်။ ဒီတစ်ပတ်မှာလည်း ဆရာတော်ကြီး ဦးတင်မောင်ထွန်း ရဲ့ ဒေသနာတော်ကို ထပ်မံတင်ပြဝေငှသွားချင်ပါသေးတယ်။ ဒီဒေသနာကို ဆရာကြီးက လွန်ခဲ့တဲ့ ၂၀၁၂ ခုနှစ်၊ ဧပြီလ ၂၉ ရက်နေ့က ဝေငှခဲ့တာပါ။ ဒေသနာတော်ကိုတော့ “အသက်ရှင်ခြင်းသက်သေ” လို့ ခေါင်းစဉ်တပ်ပေးလိုက်ပါတယ်။ ဖတ်ကြားနာသူတိုင်းအား ဘုရားသခင် ကောင်းကြီးပေး၍ တည်ဆောက်သူတိုင်းအား သာ၍ ကောင်းကြီးပေးပါစေ။ Amen!
နိဒါန်း
ဘုရားသခင်၏ စီမံမှု၊ ဦးဆောင်မှုအောက်၌ သွားလာသည့်အခါ ဘုရားနှင့် ဆက်သော သူများသာ ပါကြပါသည်။ ဤသည်ကို မိဿဟယဟု ဆိုနိုင်ပါသည်။ မိဿဟယသည် ဘုရားသခင်၏ မေတ္တာနှင့် ဆက်သွယ်ပြီး ဝိညာဉ်နှင့်ခိုင်းခြင်း ဖြစ်သည်။ ထိုသို့ခိုင်းသည့်အခါ တစ်ဦးနှင့် တစ်ဦး အဆက်မရှိသော်လည်း ညီညွတ်သည်ကို တွေ့ရသည်။ (ဧ၊ ၄:၁၅-၁၆) လူသည် အပြစ်ပြုမိ၍ ဘုရားနှင့်အဆက်ပြတ်သွားပြီးနောက် ဘုရား၏ ဘုန်းနှင့် ဘုရားဂုဏ်ကို သိဖို့ ဗိမ္မာန်တော်အားဖြင့် ဆောက်ခွင့်ပေးပြီး ဆက်ခွင့်ပေးပါသည်။ ဘုရားသခင်၏ အလိုတော်မှာမူကား တဲတော်ဖြစ်ပါသည်။ ဘုရားသခင်နှင့်ဆက်သော မောရှေအားဖြင့် လူမျိုးတော်ကို ဘုရားသခင်က စကားပြောပါသည်။ တဲတော်၌ ဘုရားသခင်ကို ကြည်ညိုလေးစားသောသူများ သာ ပါဝင်ကြပါသည်။ တဲတော်သည် လူအမြင်၌ ထည်ဝါခြင်းမရှိပါ။ သို့သော် တဲတော်အပေါ်၌ မိုးတိမ် အစဉ်ရှိပါသည်။ တဲတော်သည် မိဿဟယ၏ သက်သေဖြစ်ပါသည်။ မိဿဟယသည် ဝိညာဉ်ပါပြီး မေတ္တာနှင့် တွဲဖက်လုပ်ဆောင်ခြင်း ဖြစ်ပါသည်။ လူ့စည်းရုံးမှုသည် စနစ်ရှိပြီး သဘောတူလုပ်ဆောင်ကြသည်။ အခြားသူများ ဘုရားကို သိမြင်ဖို့လိုလာသည့်အခါ ဘုရားသခင်သည် ဒါဝိဒ်မင်းကို အခွင့်ပေးပြီး ရှောလမုန်က ဗိမ္မာန်တော်ကို ဆောက်လုပ်ပါသည်။ ၇ နှစ်ကြာသည့်တိုင် ဗိမ္မာန်တော်၌ ရှိသော်လည်း တဲတော်က ဘုရားရှင်အစဉ်ပါရှိကျိန်းဝပ်သောနေရာ ဖြစ်ပါသည်။ မည်သည့် အမှုကို ပြုသည် ဖြစ်ပါစေ မေတ္တာပါပြီး ဘုရားနှင့်ဆက်နေပါလျှင် ဝိညာဉ်တော်က အလုပ်လုပ်ပါသည်။ ဦးခေါင်းတည်းဟူသော ခရစ်တော်ထံမှ မေတ္တာစီးလာသည့်အခါ အသီးသီး အင်္ဂါများက ကိုယ့်ငန်း ကိုယ်တာ ကို ဆောင်ရွက်ကြပါသည်။ ထိုသို့အားဖြင့် ယုံကြည်ခြင်းကြီးပွားစေသလို မင်္ဂလာတိုးလာစရာ အကြောင်းလည်း ဖြစ်ပါသည်။ ထိုကောင်းကြီးသက်သေသည် အဖွဲ့အစည်းနှင့် အသင်းက လုပ်ဆောင်သည်ထက် များစွာ သာလွန်ပါသည်။ ဘုရားသခင်၌ ရှိလာသည့်အခါ အသင်းတော်မတူ၊ ဂိုဏ်းဂဏမတူသော်လည်း ညီညွတ်မှုရှိသည်ကို တွေ့ရသည်။
ဘုရားဘုန်းဆောင်သောသူ ဖြစ်ပါ
အသက်ရှင်သော ခရစ်တော်ကို ယုံကြည်သောသူ၏ အသက်တာထဲ၌ တွေ့ရသည့်အခါ ဘုရားသခင်ကို မသိသေးသောသူများသည် ကိုယ်တော်၌ ပြောင်းလဲလာကြပါသည်။ တရားက လုပ်ပါ။ ကြိုးစား အားထုတ်ပါ။ ရမည်ဟု ဆိုပါသည်။ ဘုရားသခင်ကမူ သင်လုပ်၍ မရ၊ ငါလုပ်ပေးမည်ဟု ဆိုသော အရှင် ဖြစ်ပါသည်။ ဘုရားသခင်သည် ဖန်ဆင်းတော်မူသောအရှင်ဖြစ်ပါသည်။ ဘုရားရှင်သည် လူနှင့် လောကဓါတ်အရာများကို ဖန်ဆင်းတော်မူသည်ဟု ကျွန်ုပ်တို့သိကြပါသည်။ ထိုမျှမက ကိုယ်တော်သည် ရှင်ပြန်ထမြောက်တော်မူသော ခရစ်တော်၏ သက်သေကို ကျွန်ုပ်တို့အသက်တာထဲ၌ လည်း ဖန်ဆင်းတော်မူဖို့ အလိုဆန္ဒရှိပါသည်။
“ညီအစ်ကိုတို့ အသက်ရှင်ခြင်းလက္ခဏာ၊ သန့်ရှင်းခြင်းလက္ခဏာ၊ ဘုရားသခင် နှစ်သက်တော်မူဖွယ်သော လက္ခဏာနှင့် ပြည့်စုံသောယဇ်ကို သင်တို့သည် ပူဇော်၍ မိမိကိုယ်ခန္ဓာကို ဘုရားသခင်အား ဆက်ကပ်ခြင်း တည်းဟူသော သင်တို့ပြုအပ်သော ဝတ်ကို ပြုမည့်အကြောင်း၊ ဘုရားသခင်၏ ဂရုဏာတော်ကို ထောက်ထား၍ သင်တို့ကို ငါတိုက်တွန်းနိုးဆော်ပေ၏။” (ရော၊ ၁၂:၁)
လော့ ဟု မပြောပါ။ တိုက်တွန်းနိုးဆော်သည်ဟု ဖော်ပြထားပါသည်။ ဤသည်မှာ ကျွန်ုပ်တို့အတွက် အခွင့်အရေး ဖြစ်ပါသည်။ လွန်ခဲ့သောနှစ်အတန်ကြာက ဆရာကြီး ဘီလီဂရေဟမ်ထံ ဟစ်ပီ လူငယ်လေး ရောက်လာသည်။ ထိုသူများသည် မုတ်ဆိတ်မရိတ်၊ အဝတ်မလဲ၊ ရေမချိုး၊ လောက၌ ပေပေတေတေ နေကြသူများဖြစ်သည်။ သူတို့က ဆရာကြီးအား မိမိတို့သည် ခရစ်တော်အကြောင်းကို လေ့လာပြီးပြီ၊ ဆရာကြီးက ခရစ်တော်အကြောင်း ဟောပြောပြီး ခရစ်တော်နှင့် မတူ၊ ကျွန်ုပ်တို့က မုတ်ဆိတ်ရှိပြီး၊ ဖိနပ်မပါသောကြောင့် ခရစ်တော်နှင့် တူကြသည်ဟု ဆိုပါသည်။ ထိုအခါ ဆရာကြီးက သင်တို့သည် ဓါတ်ပုံထဲမှ ခရစ်တော်နှင့် တူကောင်းတူမည်။ သို့သော် သင်တို့အတွင်းက မတူ၊ ကျွန်ုပ်က အပြင်သဏ္ဍာန်က မတူသော်လည်း အတွင်းထဲက ခရစ်တော်နှင့် တူအောင် လိုက်လျှောက်သည်။ မိမိ၌ မတရားသောမေထုန်မရှိ၊ ဆေးခြောက်မရှိ၊ အရက်မရှိ၊ နှုတ်ကပတ် အတိုင်း လိုက်လျှောက်သည်ဟု ဆိုကာ သက်သေခံပါသည်။ ဟစ်ပီတို့၌ ထိုအရာအားလုံး ရှိသည်။ ဆရာကြီး ဘီလီဂရေဟမ်ထံလာသော ဟစ်ပီလူငယ် ပြောင်းလဲ သွားပါသည်။ ယနေ့ ခရစ်တော်နှင့် တူသည်ဟု ဆိုရာ၌ အပြင်သဏ္ဍာန် ဓါတ်ပုံနှင့် တူကြဖို့ မဟုတ်ပါ။
ယုံကြည်သူတို့အထဲ၌ ခရစ်တော် အသက်ရှင်နေသော သက်သေ ထင်ရှားပေါ်လွင်ကြဖို့ အရေးကြီးပါသည်။ ယနေ့ ကမ္ဘာကြီးထဲ၌ လူအများက အသက်ရှင်သောဘုရားကို တွေ့ဖို့ များစွာ တမ်းတနေကြပါသည်။ လူများ အထဲ၌ရှိသော အသက်ရှင်တော်မူသော ဘုရားသခင်၏ သဘာဝသဏ္ဍာန်ဖြစ်သည့် ဝိညာဉ်က ထိုသက်သေကို တွေ့မြင်လိုလှပါသည်။ ထို့ကြောင့် အသက်ရှင်သောဘုရားကို ကိုးကွယ်သည်ဟုဆိုသော ခရစ်ယာန်အများကို အာရုံစိုက်ကြည့်ကြပါသည်။ ထိုသူတို့ ခရစ်တော်ကို တွေ့ကြပါသလား။ ခရစ်တော်အကြောင်းကိုမူကား များစွာ ကြားကြရပါသည်။ သို့သော် ခရစ်တော်ကို ထိုသူများ အသက်တ္ကာ မတွေ့ကြရပါ။ အချို့သောသူများက များစွာ စကားမပြောကြသော်လည်း ခရစ်တော်၏ အသက်ရှင်ခြင်းသက်သေက သူတို့အသက်တာ၌ များစွာ ထင်ရှားပါသည်။ ကျွန်ုပ်တို့သည် လူဖြစ်၍ အပြင်သဏ္ဍာန်ဖြစ်သည့် ဖြောင့်မတ်ခြင်း၊ သန့်ရှင်းခြင်း အသက်တာ အရေးကြီးပါသည်။ ထိုထက် သာလွန်၍ အရေးကြီးသည်မှာ ကျွန်ုပ်တို့အထဲ၌ ခရစ်တော်အသက်ရှင်နေခြင်း အသက်တာ သဏ္ဍာန် ပေါ်လွင်ထင်ရှားနေဖို့ ဖြစ်ပါသည်။ ဘုရားသခင်၏ အမှုတော်ဆောင်တစ်ယောက်အနေနှင့် သင်းအုပ်ဆရာတစ်ယောက်အနေနှင့် ရပ်တည်ရသည်မှာ မလွယ်ကူပါ။ မိသားစု လိုအပ်ချက်၊ သားသမီး လိုအပ်ချက်များ လှပေသည်။ ထိုလိုအပ်ချက်များကို လူ့နည်း လူ့ဟန်နှင့် စဉ်းစားရှာဖွေပါက လွယ်ကူမည် မဟုတ်ပါ။ စိတ်မောစရာများစွာ ရှိမည် ဖြစ်သည်။ သို့သော် ထိုလိုအပ်ချက်များအတွက် အသက်ရှင်သော ဘုရားရှင်ထံတော်သို့ တိုးဝင်၍ ဆုတောင်းပဌနာပြုပါက လိုအပ်ချက်အားလုံးကို ဘုရားသခင်က အံ့ဘွယ် ပြည့်စုံစေကြောင်း သက်သေကို ခံစားရမည် ဖြစ်ပါသည်။ ဘုရားသခင်က ပေးသော ကောင်းကြီး များမှ အဦးအသီးနှင့် ဆယ်ဖို့တစ်ဖို့ကို ဘုရားသခင်အား ပြန်၍ ပေးပါ။ အဦးအသီးနှင့် ဆယ်ဖို့တစ်ဖို့သည် ယုံကြည်သူများသာ ပေးရမည် မဟုတ်၊ အမှုတော်ဆောင်နှင့် သင်းအုပ်ဆရာများကလည်း ပေး ဖို့ ဖြစ်ပါသည်။ ထိုသို့ ပေးသောသူ၏ အသက်တာ၌ အံ့သြဘွယ်ကောင်းလောက်အောင် ဘုရားသခင်က ကောင်းကြီးများစွာ ပြန်၍ ချပေးမည် ဖြစ်ပါသည်။ အသက်ရှင်ခြင်းလက္ခဏာသည် ထိုသို့ ရှင်သန်နေခြင်းကို ဆိုလိုပါသည်။ ဘုရားသခင်၏ ဘုန်းကို ဆောင်ခြင်းအမှုသည် အမှုတော်ဆောင်ခြင်းထက် သာ၍ အရေးကြီးပါသည်။ အချို့သောသူများက အမှုတော်ဆောင်ဟု ဆိုနေကြသော်လည်း အမှုတော်ထက် မိမိအမှုကို ဆောင်နေကြသောသူက များပါသည်။
ခရစ်တော်၏ အလင်းလင်းစေဖို့
“သင်တို့သည် ဤလောက၏ အလင်းဖြစ်ကြ၏။ တောင်ထိပ်၌တည်သောမြို့ကို မကွယ်နိုင်၊ ဆီမီးထွန်း၍ တောင်းဇလားအောင်၌ ဖုံးထားလေ့မရှိ။ ... ထိုနည်းတူ သူတပါးတို့သည် သင်တို့၏ ကောင်းသောအကျင့်ကို မြင်၍ ကောင်းကင်ဘုံ၌ ရှိတော်မူသော သင်တို့အဘ၏ ဂုဏ်တော်ကို ချီးမွမ်းစေခြင်းငှာ၊ သူတပါးရှေ့၌ သင်တို့အလင်းကို လင်းစေကြလော့။” (မဿဲ၊ ၅:၁၄-၁၆)
အလင်းသည် သေးသေးလေးပင် ဖြစ်လင့်ကစား အရေးကြီးပါသည်။ အလင်းသည် တောင်ထိပ်၌ လင်းနေဖို့ လိုပါသည်။ သို့မှသာ အဝေးမှရှိသောသူများက ထိုအလင်းကို မြင်ရပြီး အလင်း၏ အကျိုးကို ခံစားနိုင်မည် ဖြစ်ပါသည်။ အလင်းကို ထွန်းညှိထားခြင်းသည် တောင်းဇလားအောက်၌ ဖုံးထားဖို့ မဟုတ်ပါ။ အမှောင်ထဲ၌ရှိသော ထိခိုက်မိစရာများကို မြင်ပြီး ရှောင်ရှားနိုင်ဖို့ ဆီမီးခုံပေါ်၌ တင်ထားရပါသည်။ အလင်းသည် အတွင်းထဲက ထွက်လာသောအရာ ဖြစ်ပါသည်။ အပြင်ကလာသောအရာ မဟုတ်ပါ။ သိန်းပေါင်းများစွာတန်သော မီးဆိုင်းကြီးရှိပြီး။ ရေခဲသေတ္တာ၊ လေအေးပေးစက် ရှိပါသော်လည်း လျှပ်စစ်ဓါတ်အားမရှိပါက အချည်းအနှီးသာ ဖြစ်သည်။ လျှပ်စစ်ဓါတ်အတွင်းထဲကလာမှ မီးဆိုင်းကြီးလည်း လင်းသလို၊ လေအေးပေးစက်လည်း လည်ပတ်နိုင်ပါသည်။ ထိုနည်းတူ သေခြင်းကို အောင်သော ခရစ်တော်တည်းဟူသော အလင်းရှင် ကျွန်ုပ်တို့အသက်တာထဲ၌ ရှိမနေပါက ကျွန်ုပ်တို့အသက်တာ၌ အလင်းကို လင်းနိုင်မည်မဟုတ်ပါ။ လောက၌ လျှပ်စစ်ဓါတ်အား ပြတ်တောက်သွား၍ အလင်း မလင်းနိုင်တော့သော်လည်း အလင်းရှင် ခရစ်တော်က ကျွန်ုပ်တို့ အသက်တာထဲ၌ ရှိနေပါက အသက်တာ၏ အလင်းက ပြတ်တောက်မသွားနိုင်ပါ။ လောကနှင့် လောကအရာကို အာရုံပြုမှုများနေပြီး မိဿဟယပြတ်တောက်သွားပါက အတွင်း၌အလင်းရှင် ရှိနေပါလျက် ကျွန်ုပ်တို့ အသက်တာမှ အလင်းသက်သေ ဖြာထွက်နေမည် မဟုတ်ပါ။ ထိုအသက်တာက ဆီမီးထွန်းထားပြီးမှ တောင်း ဇလား အောက်၌ ဖုံးကွယ်ထားသော အသက်တာ ဖြစ်ပါသည်။ အလင်းရှင် ဖြစ်သော ခရစ်တော်နှင့် အစဉ် မိဿဟယရှိနေသော အသက်တာက အလင်း မလင်းဘဲ နေမည် မဟုတ်ပါ။
ခရစ်တော်၏ ရှင်ပြန်ထမြောက်တော်မူသော တန်ခိုးသည် ဗတ္တိဇံ (နှစ်ခြင်း) အသက်တာ၌ ရှိပါသည်။ ဗတ္တိဇံအသက်တာကို မရရှိခဲ့ပါက ရှင်ပြန်ထမြောက်တော်မူသော ဘုရားသခင်၏ သက်သေကို ကျွန်ုပ်တို့ ထူနိုင်ကြမည်မဟုတ်ပါ။ ထိုသို့ဖြစ်နေပါက စိတ်ကူးနှင့်ဆွဲထားသော ခရစ်တော်၏ပုံသဏ္ဍာန်နှင့်တူသော ဟစ်ပီများကဲ့သို့ ဖြစ်နေကြပေမည်။ ဓါတ်ပုံထဲမှ ခရစ်တော်သည် စစ်မှန်သော ခရစ်တော်၏ပုံ ဖြစ်သည်ဟု မပြောနိုင်ပါ။ ကျွန်ုပ်တို့သည် အပြင်သဏ္ဍာန်အားဖြင့်သာ ခရစ်တော်နှင့်တူသောသူများ မဖြစ်ကြဖို့ရန် သတိပြုသင့်ပါသည်။
“ယေရှုခရစ်၌ဗတ္တိဇံကို ခံသောသူရှိသမျှတို့သည် အသေခံတော်မူခြင်း၌ ဗတ္တိဇံကိုခံကြသည်ဟု သင်တို့မသိ သလော။ ထိုကြောင့်၊ အသေခံတော်မူခြင်း၌ ဗတ္တိဇံကို ခံသောအားဖြင့်၊ ထိုသခင်နှင့်အတူ သင်္ဂြီုဟ်ခြင်းကို ခံကြ၏။ အကြောင်းမူကား၊ ခရစ်တော်သည် ခမည်းတော်၏ ဘုန်းတန်ခိုးအားဖြင့် သေခြင်းမှ ထမြောက်တော်မူသည်နည်းတူ ငါတို့သည်လည်း အသစ်သော အသက်တာ၌ ကျင်လည်ရကြသတည်း။” (ရော၊ ၆:၃-၄)
ယနေ့ကမ္ဘာတွင် ဆေးသိပ္ပံကဏ္ဍ၌ ထိပ်တန်းရောက်နေသည်မှာ ခန္ဓာကိုယ်အလှ ပြုပြင်ခြင်း ဖြစ်သည်။ ထိုကဏ္ဍ၌ ကိုရီးယားဆေးသိပ္ပံပညာရှင်များက ထူးချွန်ထက်မြက်ကြသည်။ ယနေ့ကိုရီးယား မင်းသား၊ မင်းသမီးများကို တီဗီဖန်သားပြင်၌ တွေ့ရသည်မှာ မျက်နှာနှင့် ပုံပန်းသဏ္ဍာန်က အလွန်အဆင်ပြေပါသည်။ သို့သော် လွန်ခဲ့သည့်နှစ်များစွာက ကိုးရီးယားလူမျိုးတို့သဏ္ဍာန်က ထိုသို့မဟုတ်၊ မျက်လုံးမတွေ့ရ၊ နှာခေါင်း ပုံသဏ္ဍာန်မထင်ရှားကြ။ နောက်ပိုင်း၌ ဆေးပညာတိုးတက်လာကြသည့်အခါ မျက်လုံး၊ နှာခေါင်းစသည့် အင်္ဂါအစိတ်အပိုင်းများ အပါအဝင် ခန္ဓာအလှအပ ပေါ်အောင် ခွဲစိတ်ပြုပြင်ကြသည်ဟု သိရသည်။ ထိုသို့ ပြုကြသည့်အခါ သေလောက်အောင် နာကျင်ကြောင်း သိရသည်။ ပြုပြင်မှုအတွက် ငွေကြေးကလည်း များစွာ ကုန်ကျသည်။ ထို့သို့ပြုကြရင်းနှင့် ဆိုးနေသော ရုပ်က လူ့အမြင်၌ လှပလာသည်။ လူတို့က မြင်နေရသော အလှအပကို နှစ်သက်ကြ၍ ထိုသို့ ပြုကြခြင်း ဖြစ်သည်။ ကျွန်ုပ်တို့ ယုံကြည်သူများက ထိုသို့ အပြင်သဏ္ဍာန်လှပမှုကို အာရုံပြုအသက်ရှင်ကြဖို့ မဟုတ်ပါ။ ယနေ့လောကထဲ၌ ရှိသောသူများက ကျွန်ုပ်တို့အသက်တာထဲ၌ ရှင်ပြန်ထမြောက်တော်မူသော ခရစ်တော်၏ အသက်ရှင်ခြင်း လက္ခဏာကို တွေ့လို၍ အာရုံပြုလျက် ရှိကြပါသည်။
ရှာသောသူကို အတွေ့ခံသော ဘုရား
စစ်ပြီးခါစက ဂန္ဓီသည် နိုင်ငံရေးတရားဟောဖို့ ထွက်လာရင်း ဒေသတစ်ခုသို့ ရထားနှင့် ရောက်လာပြီး ကြာမြင့်စွာ အချိန်မရ၍ တောင်ပေါ်ဒေသနာအနည်းကိုသာ ဟောပြောပြီး ရထား ထွက်သွားပါသည်။ “စိတ်နှလုံး နှိမ့်ချသောသူတို့သည် မင်္ဂလာရှိကြ၏။” ဟုသူက ဆိုခဲ့သည်။ မေတ္တာနှလုံးသားနှင့်သာ နိုင်မည်။ စစ်လက်နက်နှင့် တိုက်ပါမူ အနောက်နိုင်ငံမှ လူများကို ဘယ်သောအခါမျှ နိုင်မည်မဟုတ်။ ထိုသို့ပြုပါဟု ဟောပြောခဲ့ပါသည်။ သို့သော် သူကိုယ်တိုင်ကမူ ခရစ်ယာန် အသင်းတော်ကို ရောက်သွားသည့်အခါ အတွင်းထဲမှ ခရစ်တော်ရှင်သန်သောသူတို့ကို မတွေ့ခဲ့၍ ခရစ်တော်ကို မရခဲ့ပါ။ တောင်ပေါ်ဒေသနာတရားတော်ကို ရရှိခဲ့ပြီး ထိုအတိုင်း အသက်ရှင်ခဲ့သည်။
ယနေ့များစွာ ဝမ်းနည်းစရာ ကောင်းလှသည်မှာ ခရစ်ယာန်ဟုခေါ်ဆိုသော သူအများ အသက်တာ၌ ခရစ်တော်၏ အတူပါရှိအသက်ရှင်နေသော သက်သေလက္ခဏာ မတွေ့ရခြင်းပင် ဖြစ်သည်။ ထိုထက်သာ၍ ဆိုးသည်မှာ ခရစ်တော်၏ တရားဒေသနာကို ဟောပြောနေသော တရားဟောဆရာများ၏ အသက်တာ၌ မတွေ့ရခြင်းပင် ဖြစ်ပါသည်။ ယနေ့အများသော ခရစ်ယာန်များ၌ ခရစ်တော်အကြောင်းတရားများစွာ ရှိသော်လည်း၊ သိသော်လည်း ခရစ်တော် မရှိကြသည်မှာ ဝမ်းနည်းစရာ ဖြစ်ပါသည်။ ကျွန်ုပ်တို့ အသက်တာ၌ ရှင်ပြန်ထမြောက်တော်မူသော ခရစ်တော်၏ အသက်ရှင်ခြင်း သက်သေလက္ခဏာ မရှိပါက ကျွန်ုပ်တို့အားဖြင့် အခြားသူများ ခရစ်တော်ကို မရနိုင်သော်လည်း သူ့နည်းသူ့ဟန်နှင့် သိသွားနိုင်ကြမည် ဖြစ်သည်။ အဘယ်ကြောင့်နည်း။ ရှာကြလော့၊ ရှာလျှင်တွေ့မည်ဟု ကတိတော် ရှိသည် ဖြစ်၍ ဘုရားသခင်အား ရှာသောသူများကို ဘုရားသခင်သည် အတွေ့ခံမည် ဖြစ်ပါသည်။ ဘုရားသခင်သည် သူတို့အား ရူပါရုံအားဖြင့် အတွေ့ခံမည်။ အံ့သြဘွယ် သက်သေများအားဖြင့် အတွေ့ခံမည် ဖြစ်သည်။ ဘုရားသခင်သည် ကျွန်ုပ်တို့အား အသုံးပြု၍ မရပါက ကျောက်ခဲများကို အသုံးပြုနိုင်ပါသည်။ ဘုရားသခင်က အရာခပ်သိမ်းကို တတ်နိုင်တော်မူပါသည်။ အင်ဒိုနီးရှားနိုင်ငံ တိမော အမည်ရှိ ကျွန်းကလေး၌ ငှက်ကလေးများက ဧဝံဂေလိတရားဟောသည်ဟု ပြောသည်ကို ကြားရဖူးပါသည်။ ပွဲတော်စားသည့်အခါ စပျစ်ရည်မရှိ၊ ရေကိုယူ၍ ကျေးဇူးတော်ချီးမွမ်းသည့်အခါ စပျစ်ရည် ဖြစ်သည်ဟု သိရသည်။ ညီအစ်ကိုဟာမန်သည် ထိုကျွန်းကလေးသို့သွားပြီး ကိုယ်တိုင် ပွဲတော်မင်္ဂလာအစီအစဉ်၌ ပါဝင်ခဲ့ပါသည်။ ဘုရားသခင်သည် မိမိ၏ ဘုန်းဆောင်ဖို့ အံ့ဘွယ်သက်သေထူဖို့ရန် မည်သည့်အခါမျှ နှောင့်နှေးခြင်း မရှိပါ။
ကျွန်ုပ်တို့သည် ရှင်ပြန်ထမြောက်ခြင်း အကြောင်းကို ဟောပြောပြီး။ ရှင်ပြန်ထမြောက်ခြင်းနှင့်ဆိုင်သည့် ပွဲကို ကျင်းပနေသည်ထက် ရှင်ပြန်ထမြောက်ခြင်း၏ သက်သေအထဲမှ ပေါ်လွင်နေဖို့ အရေးကြီးပါသည်။ နှလုံးထဲတွင်ရှိနေသော ဘုရားကို အပြင်၌ ကြိုးစား၍ ထုတ်ပြနေသော ကျွန်ုပ်တို့ ပတ်ဝန်းကျင်မှ လူများ အသက်ရှင်နေသော ဘုရားကို မတွေ့ကြခြင်းသည် အခြားသူများ၊ အပြစ်မဟုတ်၊ ရှင်ပြန်ထမြောက်တော်မူသော ဘုရားအကြောင်းကို ပြောနေပါလျက် ထိုဘုရား ကျွန်ုပ်တို့အထဲ၌ အသက်ရှင် နေကြောင်း သက်သေမပြနိုင်သော ကျွန်ုပ်တို့ အပြစ်သာဖြစ်ပေမည်။ မြန်မာနိုင်ငံ ၏ တောင်တန်းဒေသများရှိ အမြင့်ဆုံးတောင်ထိပ်များတွင် အများအားဖြင့် စေတီပုထိုးများကို တွေ့ရသည်။ ဤသည်ကား မြန်မာလူမျိုးတို့က နှလုံးအတွင်းရှိသော ဘုရားကို အပြင်၌ ထုတ်၍ ပုံဖော်ကြည်ညိုထားခြင်း ဖြစ်သည်။ နေဗုခဒ်နေဇာ မင်းကြီးသည်လည်း ဆင်းတုတော်ကြီးကို ထုလုပ်ထားသည်မှာ ဘုရားရှင် စိတ်မဆိုးပါ။ သို့သော် အသက်ရှင်တော်မူသော ဘုရားကို ကိုးကွယ်သည် ဆိုသော ခရစ်ယာန်များက ငွေကို ကိုးကွယ်နေကြခြင်း၊ လူကို ကိုးစားနေကြခြင်းစသည်သို့သော ဘုရားသခင်၏ နေရာ၌ အခြားအရာများကို အစားထိုးနေခြင်းအတွက်မူကား ဘုရားရှင်များစွာ အမျက်ထွက်တော်မူကြောင်း သိကြဖို့ လိုပါသည်။ ဘုရားသခင်သည် ကျွန်ုပ်တို့အား သားအရာကို ရဖို့ရန် တစ်ပါးတည်းသော သားတော်ကို စွန့်တော်မူသည့်တိုင်အောင် အဖိုးအခကြီးမားစွာ ပေးခဲ့ပါသည်။ ထို့ကြောင့်၊ ကျွန်ုပ်တို့ငည် သားအဖြစ်ကို ရရုံမျှနှင့် ကျေနပ်မနေကြဘဲ ရှင်ပြန်ထမြောက်တော်မူသော ခရစ်တော်၏ အသက်ရှင်နေသော သက်သေကို ကျွန်ုပ်တို့အသက်တာအားဖြင့် ထင်ရှားပေါ်လွင်စေလျက်၊ ဘုရားဘုန်းထင်ရှားစေဖို့ရန် အာရုံပြုလျက် အသက်ရှင်ကြပါမည်အကြောင်း မေတ္တာနှင့် အသိပေး ဝေငှလိုက်ရပါသည်။
Posts
2 comments:
ဘုရားသခင်စကား လူတိုင်းနားဝင်ပါစေ
သီဟကိုလဲ ဘုရားသခင်စောင့်ရှောက်ပါစေ
မောင်လေး.. မမ လေးလေးစားစား ဖတ်သွားပါတယ်။ အသိဗဟုသုတလည်း ရသွားတယ်။ ကျေးဇူးတင်ပါတယ်။
Post a Comment