နှစ်ပေါင်း (၉၀) ရှိတော့မယ့် "ဘဝသံသရာ" ရထားကူးတံတားဆီ

ခရီးသွားစာလေးတွေနဲ့ အဆက်ပြတ်နေတာ ကြာတော့ သွေးပူလေး ပြန်လုပ်တဲ့အနေနဲ့ ဒီစာလေး ရေးဖြစ်တာ။

ဒီတစ်ခေါက် ရှမ်းပြည်တောင်ပိုင်း က အလှဆုံးနေရာတွေ အကုန်ရောက်ခဲ့တယ်လို့ ဆိုရလောက်အောင် တော်တော်သွားဖြစ်ခဲ့တယ်ဗျာ။ အားလုံးကို တစ်ခါတည်း ရေးတာထက် တစ်နေရာချင်း၊ အစီအစဉ်တစ်ခုချင်းကို ပြည့်ပြည့်စုံစုံနဲ့ ဖြည်းဖြည်းချင်းပဲ ရေးတာ ပိုကောင်းမယ်လို့ ကျွန်တော်ထင်မိတယ်။

ရှမ်းပြည်တောင်ပိုင်းကို ရောက်ဖြစ်တိုင်း အမြဲလိုလို ရောက်သွားတတ်တဲ့နေရာတစ်ခုက "ဘဝသံသရာ" တံတား ကိုပဲ။ သာစည် နဲ့ ရွှေညောင် ကြား မိုင်တိုင် (၃၇၉/၇-၈) မှာ ရှိတဲ့ ရထားအတွက် သုံးတဲ့ တံတားပါ။ တံတားအရှည်က ပေ (၂၀၀) ရှိပြီး အမြင့်က (၆၂) ပေ ရှိတယ်လို့ သိရပါတယ်။

ကလောမြို့ သီရိဂေဟာက ညီအစ်မ ၇ ဖော် နဲ့ တွေ့ဆုံရာဝယ်... ကိုကိုသီဟ လျှာလည်သွားတယ်

Thirigayhar Restaurant known as 7 Sisters

ကျန်ခဲ့တဲ့ စက်တင်ဘာလ အစောပိုင်းက ကျွန်တော် ရှမ်းပြည်တောင်ပိုင်း နဲ့ ကယားပြည်ဘက် ခရီးထွက်တော့ ကလော မှာ နှစ်ရက် နေခွင့်ရပါတယ်။ ကလော က ရာသီဥတုလေးက အတော်လေး နေလို့ကောင်းတယ်။ ကျွန်တော့ရဲ့ မိတ်ဆွေ U U Yè Kalawthar ကလည်း သူ့ရဲ့ မအားလပ်တဲ့ Trekking Schedule တွေကြားကနေ တစ်ညထွက်လာပြီး ညစာကျွေးပါတယ်။ U U Yè Kalawthar က ခုနာမည်ရနေတဲ့ Trekking Guide တစ်ဦးပါ။ သူ့ရဲ့ စိတ်ရင်းစေတနာကောင်းမွန်မှု၊ ဧည့်သည်တွေအပေါ် စိတ်ရှည်ပြီး ချစ်ခင်နွေးထွေးမှုတွေကြောင့် သူနဲ့ Trekking ထွက်ကြတဲ့ ပြည်တွင်း၊ ပြည်ပ က ခရီးသွားတွေက သူ့ကို အမြဲချစ်ချင်နေကြပါတယ်။ တချို့ အသက်အရွယ်ရနေတဲ့ ပြည်ပခရီးသွားတွေဆို ပြန်ရင် ငိုတောင်ငိုတယ်လို့ ကြားဖူးတယ်။ ရေငတ်တုန်းရေတွင်းထဲကျတယ်ဆိုတာ ကျွန်တော် အဲ့ဒီညက ကောင်းကောင်းသိလိုက်ရတယ်။ ကျွန်တော် အရမ်းမြည်းစမ်းကြည့်ချင်နေတဲ့ Thirigayhar Restaurant known as 7 Sisters ဆိုင်မှာ သူက လိုက်ပြီး ကျွေးတာကိုး။

လှပတဲ့အပေါ်စီးရှုခင်းတွေကိုမြင်ရမယ့် The Penthouse

ဆိုင်အပြင်ဘက် Open Air အပြင်အဆင်

ကျွန်တော် နိုင်ငံခြားကုမ္ပဏီတစ်ခုမှာ အလုပ်လုပ်တုန်းက ဌာနတစ်ခုလုံးအနေနဲ့ Team Lunch တွေ လစဉ် သွားကြတယ်။ ဌာနတစ်ခုလုံးဆိုလို့ ဆယ်ဂဏန်းမတွေးနဲ့ဦး။ အားလုံးပေါင်းမှ (၅) ယောက်တည်း။ အဲဒီတော့ နေ့လည်စာသွားစားရင် ရှယ်စားကြတယ်ပေါ့နော်။

ဒီတစ်ခါတော့ သိပ်မရင်းနှီးသေးတဲ့ စားသောက်ဆိုင်အသစ်လေးကို သွားဖို့ ဖြစ်လာတယ်။ မြေနီကုန်း၊ ပန်းခြံလမ်းနား၊ My Hotel ရဲ့ ဘေးက Business Tower ကြီးတစ်ခုရဲ့ အပေါ်ဆုံး ခေါင်မိုးထပ်မှာဖွင့်ထားတဲ့ ဆိုင်လှလှလေးတစ်ခု။ The Penthouse ဆိုတဲ့ ဆိုင်သစ်လေးကို သွားကြတယ်။ သူ့ရဲ့ အပြင်အဆင်က နိုင်ငံခြားသားတွေကို ပိုပြီး ဆွဲဆောင်ထားပုံရတယ်။ ရိုးရှင်းပေမယ့် လှပသပ်ရပ်တယ်။ အပြင်ဘက်မှာ ထိုင်လို့ရသလို၊ အတွင်းဘက်မှာလည်း အဲကွန်းလေးနဲ့ ထိုင်နိုင်တယ်။ ဘားကောင်တာကိုတော့ အတွင်းဘက်မှာ အဓိက စီစဉ်ပေးထားပြီး ပွဲတွေဘာတွေရှိရင် အဆင်ပြေအောင်ထင်ပါရဲ့ အပြင်မှာလည်း ဘားကောင်တာ အသေးလေးတွေ ကြိုစီစဉ်ထားတာတွေ့တယ်။ ကျွန်တော်တို့က နေ့လည်စာ စားတာဆိုတော့ အပြင် Open Air ရာသီဥတုနဲ့က မတည့်ဘူးလေ။ ဒီတော့ အတွင်းပိုင်း ဆိုင်အပြင်အဆင်လေးတွေကိုပဲ ခံစားရင်း စားကြရတယ်။ ညနေပိုင်းဆိုရင်တော့ တော်လှန်ရေးပန်းခြံရဲ့ အလှကို မြင်ရတယ်။

Be Right Back to say "Hello, Vietnam"

ကျွန်တော့ရဲ့ ခရီးသွားစာမျက်နှာ (www.facebook.com/travellerthiha) ထက်မှာ အကြွေးတင်နေတာလေးတစ်ခုက ဗီယက်နမ်ခရီးစဉ်တွဲထဲမှာ ဟိုချီမင်း (HCMC) မှာ လည်ပတ်တဲ့ အကြောင်းလေး ဖော်ပြပေးဖို့ပါ။
ကျွန်တော်လည်း ဒီတလော စာရေးတဲ့ဘက်ကို အာရုံဘယ်လိုမှ စိုက်မရလောက်အောင်ဖြစ်နေလို့ ဒါလေးကို ဒီအတိုင်းလေး ထားထားလိုက်မိတယ်။
ခု မထင်မှတ်ဘဲ ဗီယက်နမ်ခရီးစဉ်ကို အတူသွားတဲ့ မိတ်ဆွေတွေက ဗီဒီယိုဖိုင်လေးကို အမှတ်တရ လုပ်လာပေးတော့... ဒါလေးကိုပဲ အမှတ်တရအနေနဲ့ရော၊ မှတ်တမ်းလေးတစ်ခုအနေနဲ့ပါ စာမျက်နှာလေးပေါ် တင်ထားလိုက်တယ်။
ဗီဒီယိုလေးကို ရိုက်ကူးတည်းဖြတ်ပေးတဲ့ ချစ်သွေးကို ကိုလည်း ကျေးဇူးတင်ပါတယ်။ ဒီဗီဒီယိုမှာ နောက်ခံစကားပြောထားတာကတော့ ကျွန်တော်ကိုယ်တိုင်ပါပဲ။

သီဟလုလင်
၁ ဇူလိုင်လ ၂၀၁၆

လှည်းကူးဘက်က ထူးခြားအသားဟင်းတွေရောင်းတဲ့ဆိုင်

ကိုကြီးကျော်ရဲ့ ပွင့်ဦးသစ္စာ ထန်းရည်ဆိုင် ရဲ့ မျက်နှာစာ

ဒီနေ့ ကျွန်တော်တော့ အလုပ်ကိစ္စနဲ့ လှည်းကူး ဘက်ရောက်လာတယ်။ ဒီဘက်ရောက်တော့ "ထူးထူးခြားခြားအကောင်သားလေးတွေနဲ့ ထန်းရည် ရောင်းတဲ့နေရာကိုသိတယ်။ နေ့လည်စာစားမလား" ဆိုလို့ စီစဉ်ပေးသူတွေနောက် လိုက်လာခဲ့လို့ ဒီစားသောက်ဆိုင်လေးကို ရောက်ဖြစ်ခဲ့တာပါ။

ဘန်ကောက်ကို ဈေးသက်သက်သာသာ သွားဖို့ အခွင့်အရေး ပိုများလာပြီ

Thai Loin Air မိတ်ဆက်ပွဲ အခမ်းအနားမှ

ကျွန်တော်တို့ မြန်မာနိုင်ငံကို ဈေးနှုန်းချိုသာတဲ့ ဘက်ဂျက်လေကြောင်းလိုင်းတွေ ဒီနှစ်ပိုင်းတွေမှာ ပိုပြီး ဝင်လာတာ သတိပြုမိပါတယ်။ ခရီးသွားလာမှု အရမ်းတိုးတက်လာတာကြောင့်လည်း ဖြစ်မယ်ထင်တယ်။ လေယာဉ်ခ သက်သက်သာသာ နဲ့ သွားရတော့ ဟိုမှာ ပိုပြီး သုံးနိုင်တာပေါ့။ အထူးသဖြင့် မျှော်လင့်မိတာကလည်း ဘန်ကောက်၊ စင်ကာပူ တို့ ဆို မဆိုးဘူးလေ။ ခုလည်း လေယာဉ်စီးလို့ ခရီးသွားရင် မန္တလေး နဲ့ ဘန်ကောက် ယှဉ်ရွေးလို့ ရနေပြီ။ လေယာဉ်ခလည်း ပိုသက်သာမယ်၊ လေယာဉ်စီးချိန်လည်း ပိုနည်းတဲ့ ဘန်ကောက်ကိုပဲ ကျွန်တော်က အရင်စဉ်းစားမိသွားတယ်။ ဘန်ကောက်က ပျော်စရာများတယ်လေ။ အရင်ကတော့ ဗီဇာကြေးလေး ထပ်ပေါင်းထည့်ရသေးတယ်။ ခုတော့ မလိုတော့ဘူးဆိုတော့ ဘန်ကောက်ပဲ ရွေးချယ်မိပြန်တယ်။ သွားရေးလာရေး လွယ်ကူတာ၊ ငွေကုန်ကြေးကျ သက်သာတာအပြင်၊ ဟိုတယ်ခကအစ သက်သာလို့ ဘန်ကောက်သွားရတာ ကျွန်တော်တော့ ကြိုက်တယ်။ Shopping နဲ့ တခြားပျော်စရာတွေ အသုံးကောင်းလို့ ကုန်တာကတော့ ကိုယ့်ဒေါသနဲ့ ကိုယ်နော်။

Pizza Company ရဲ့ တတိယမြောက် ဆိုင်ခွဲသစ် ဖွင့်ပွဲဆီ...

The Pizza Company မြန်မာပလာဇာ ဆိုင်ခွဲသစ်ရဲ့ အပြင်အဆင်

ကျွန်တော်တာဝန်ပူးတွဲယူနေတဲ့ Foodaholic Myanmar Page Admin တွေ အတွက် ဖိတ်စာရောက်နေတာ ကြာပြီ။ မနက် အိပ်ရာနိုးမှ ကောက်ခါငင်ကာ သတိရသွားတတ်တာ ကျွန်တော့ရဲ့ အကျင့်။
ဒီနေ့ မြန်မာပလာဇာ၊ တတိယထပ်မှာ The Pizza Company ဆိုင်ခွဲသစ်ဖွင့်ပွဲ ရှိတယ်ဆိုတာ သတိရမိချိန်က နေ့လည် ၁၀ နာရီကျော်နေပြီ။ ပွဲက ၁၁ နာရီမှ စမှာမို့ ကမန်းကတန်း မောင်းပြေးရတယ်။ နောက် သူငယ်ချင်း Admin တစ်ဦးကိုလည်း လာနေပြီလား ဖုန်းဆက်မှ ပွဲက ဘယ်အချိန်လဲတဲ့။ ဒါဆိုလည်း ချိန်းဖို့ မမီနိုင်တော့လို့ တစ်ယောက်တည်း ဒိုးလိုက်တော့မယ်ဆိုပြီး ကျွန်တော်ပဲ ထွက်လာခဲ့လိုက်တယ်။ မနက် ၁၁ နာရီဝန်းကျင်ဆိုတော့ ကားတော့ အတော်ရှင်းသား။

အငှားပြုံး

အလွမ်းတွေ နေဝင်သင့်ပြီ။
အရင်လို ပြာလွင်တဲ့ ငါ့မိုးကောင်းကင်လေး ဘယ်မှာ...

တင်းလွန်းခဲ့လို့ပြတ်တဲ့ကြိုး
ချစ်လွန်းခဲ့လို့ ဒါဏ်ရာတိုး

ဝေးဖိုနီးခဲ့လေတော့
ရင်နာပေမယ့် အားတင်းကာပြုံးလိုက်နိုင်ဖို့
ဒီတစ်ခါလမ်းကြုံရင်လေ
အဲဒီအပြုံးလေး အပြီးငှားလိုက်စေချင်လို့...

သီဟလုလင်
17 June 2013

ကျွန်မတို့သည် ဧဝ များသာ

လူတွေက ဒီဘက်ခေတ်မှာ တန်းတူညီမျှရေးလို့ အော်ဟစ်နေကြပေမယ့် အမျိုးသမီးများဟာ တကယ်ရော တန်းတူအခွင့်အရေး အပြည့်အဝ ရရှိကြပါရဲ့လား လို့ ကျွန်မ စဉ်းစားမိတယ်။ ကျွန်မတို့ အမျိုးသမီးတွေဟာ မီးဖိုချောင်ထဲမှာပဲ ချက်ပြုတ်နေတဲ့ စားဖိုမှူးတွေ မဟုတ်တော့ဘူး၊ အိမ်သန့်ဖို့အတွက် တံမြက်စည်းလှည်း၊ ဖုန်သုတ်နေရတဲ့ သန့်ရှင်းရေးတွေ မဟုတ်တော့ဘူး။ အမျိုးသမီးတွေကို လုပ်ငန်းခွင်တွေမှာပဲ နေရာတစ်ခုပေးလို့ လုပ်ဆောင်နိုင်စွမ်းတွေ ပေးလိုက်ပြီဆိုတာကရော အမျိုးသားတွေက တကယ်ကို ကျေနပ်နားလည်မှုနဲ့ ပေးတယ်ထင်လား။ ကျွန်မတော့ မထင်။ အနည်းဆုံးတော့ ကျွန်မတို့ဟာ အိမ်ပြန်ရောက်ရင်လည်း အိမ်မှုကိစ္စတွေ မလုပ်မဖြစ် လုပ်ဆောင်ကြရတာပါပဲ။ တကယ်တော့ ဒါတွေဟာ ဟိုးအရင် ကမ္ဘာဦးကတည်းက ဖြစ်ခဲ့တဲ့ ကိစ္စတွေပါပဲ။

မန္တလေး-မုံရွာ လမ်းပေါ်က ညောင်ပင်ဝန်းမှာ တစ်ထောက်နားရင်

တလောက ကျွန်တော် မန္တလေးဘက် အလည်ရောက်တုန်း မုံရွာကိုသွားဖို့ အကြောင်းဖန်လာခဲ့တယ်။ ကျွန်တော် မလိုက်လည်းဖြစ်တဲ့ ဒီခရီးကို အားကြိုးမာန်တက် လိုက်သွားမိတဲ့ အဓိက အကြောင်းကတော့ အညာဒေသတွေရဲ့ အစားအသောက်လေးတွေ တွေ့လိုတွေ့ငြား လိုက်ကြည့်လိုက်စားချင်မိတာကြောင့်ပါပဲ။ မန္တလေးကနေ မနက်ပိုင်းထွက်လာခဲ့တာ ညောင်ပင်ဝန်းရွာကိုရောက်တော့ နေ့လည် ထမင်းစားချိန်ဖြစ်နေပြီ။ ညောင်ပင်ဝိုင်းမှာက ခုလို မုံရွာဘက်ထွက်လာတဲ့ကားတွေ တစ်ထောက်နားလေ့ရှိကြတယ်။ အမှတ်တရ လက်ဆောင်၊ ဒေသထွက်အစားအစာလေးတွေ ဝယ်တဲ့နေရာဆိုလည်း မမှားဘူးပေါ့။ ဒီညောင်ပင်ဝန်းက နောက်တစ်ခု နာမည်ကြီးတဲ့အကြောင်းရှိသေးတယ်။ အဲဒါက မြန်မာထမင်းပုံစားအနေနဲ့ စားလို့ကောင်းသလို၊ အကြော်မျိုးစုံ ဝယ်စားလို့ရနိုင်တာပါပဲ။

လမ်းမထက်က ခွေးလေးများအတွက် နိဗ္ဗာန်ဘုံ

ပြီးခဲ့တဲ့ ဖေဖော်ဝါရီ ၂၅ နဲ့ ဧပြီလ ၈ ရက်နေ့တွေတုန်းက ရိုက်ကူးရေးအစီအစဉ်တစ်ခုအတွက် Yangon Animal Shelter ကို ရောက်ဖြစ်ခဲ့တယ်။ အရင်က ရှိမှန်းသာ ကြားဖူးပေမယ့် သွားဖို့ အကြောင်းမဆုံခဲ့တော့ မရောက်နိုင်ခဲ့ဘူး။ ခုတော့ မရည်ရွယ်ပါဘဲ ရောက်ဖြစ်ခဲ့တယ်။ ကျွန်တော် ထင်ထားတာက မြို့ထဲ အနီးတစ်ဝိုက်မှာ ရှိတယ်ပဲထင်တာ။ ဘယ်ဟုတ်လိမ့်မလဲ။ ရန်ကုန်-မန္တလေး အမြန်လမ်းပေါ် ၇ မိုင် ၅ ဖာလုံလောက်အထိ မောင်းသွား၊ ပြီးတော့ U-Turn ဂငယ်ကွေ့ပြန်ကွေ့ပြီး YAS လို့ရေးထားတဲ့ဆိုင်းဘုတ်သေးသေးလေး ညွှန်ပြတဲ့တောလမ်းလေးထဲ ဝင်သွားရတာ။ ဒါက ဖေဖော်ဝါရီလထဲ သွားတုန်းကပေါ့။ ဧပြီလလည်းကျရော အဲဒီဝင်ပေါက်လမ်းကြီးကို အတုံးချပြီး ပိတ်ပစ်လိုက်တယ်။ ဒါနဲ့ပဲ ဘေးနီးဝန်းကျင်က ခြံတစ်ခုကို အကူအညီတောင်းလို့ သူတို့ခြံထဲကနေ ဖြတ်ဝင်လိုက်ရတယ်။

ဗီယက်နမ်ခမောက်လေးဆောင်းလို့ နိုင်ငံအနှံ့ ဆိုင်ကယ်နဲ့ပတ်မယ် (၄) - ဟလောင်းသို့ ခရီးစဉ်အဆက်

ကျွန်းက ဂူကို အလည်သွားတဲ့အချိန်ကစပြီး သင်္ဘောကို အဲဒီနေရာမှာပဲ ကျောက်ချရပ်နားထားတာ နောက်တစ်နေ့ မနက်အထိပါပဲ။ သင်္ဘောပေါ်က ဗီယက်နမ်ညစာက ထမင်းလေးလည်း ပါတော့ ပိုပြီး စားမြိန်သွားတယ်။ နေ့လည်စာကို မဝတဝ စားလိုက်ရတာမို့ ခု ညစာကို တဖြဲနှဖြဲ စားကြပါလေရော။ ညစာ စားပြီးတော့ သင်္ဘောပေါ်မှာ အောင်ပွဲခံအထိမ်းအမှတ် ဆက်သောက်ကြမယ်လုပ်ကြပါတယ်။ ဒီနေရာမှာ ချန်ထားခဲ့တာလေး ထည့်ပြောရမယ်။ ကျွန်တော်တို့ Halong Bay ကို မလာခင်ကတည်းက ဟိုတယ်က ကြိုသတိပေးတယ်။ ဟိုမှာ အရက်တွေ ဘီယာတွေ ဝယ်သောက်ရင် ဈေးအရမ်းကြီးတယ်။ သောက်မယ်ဆိုရင် မြို့ထဲကနေ ကြိုဝယ်သွားဆိုပြီး သတင်းပေးထားလို့ ကျွန်တော်တို့က အရက်အပြင်းလည်း မကြိုက်တတ်တာကြောင့် မာလီဘူး တစ်ပုလင်းပဲ ဝယ်သွားလိုက်တယ်။ သင်္ဘောပေါ်ကျမှ အချိုရည်ဝယ်မယ်ပေါ့။ သင်္ဘောဆိပ်မရောက်ခင် ကားပေါ်မှာကတည်းက Guide က သတိပေးတယ်။ သင်္ဘောပေါ်ကို ဘယ်အရက်ပုလင်းမှ ယူသွားခွင့်မပြုဘူးတဲ့။ ကျွန်တော်တို့ကလည်း ဝယ်ပြီးသားပုလင်းကို နှမြောတော့ ဖွက်ယူသွားတယ်။ ခု သောက်ဖို့ကျတော့ အခန်းထဲမှာလည်း မသောက်ချင်၊ အပေါ်မှာပဲ ကြယ်လေးတွေကြည့်ရင်း စကားပြောသောက်မယ်ဆိုတော့ ခက်ပြီပေါ့။ ဉာဏ်နီဉာဏ်နက်တွေ ထုတ်လိုက်တော့ စောစောက သောက်ထားတဲ့ ဗော့ကာပုလင်းကို သတိရသွားတယ်။ အဲဒီထဲကို မာလီဘူးတွေ ပြောင်းထည့်၊ ပိုတာကို ရေသန့်ဗူးထဲထည့်ပြီး အပေါ်ကို ယူသွားရတယ်။ ရေခဲနဲ့ အချိုရည်ကို ထပ်မှာပြီး Cheating လုပ်သောက်ခဲ့ရတာကလည်း အမှတ်တရပါပဲ။ ပြီးတော့ အလွဲလေးတွေနဲ့ Proposal အကြောင်း ပြောရင်း ရီမောကြနဲ့ အဲ့ဒီညကတော့ ကြယ်တွေက ထင်တာထက် ပိုလက်နေသလိုပါပဲ။

ဗီယက်နမ်ခမောက်လေးဆောင်းလို့ နိုင်ငံအနှံ့ ဆိုင်ကယ်နဲ့ပတ်မယ် (၃) - ဟလောင်းသို့ ခရီးစဉ်

မနက် ၇ နာရီလောက်ကို Halong Bay ကို သွားမယ့်ကား လာခေါ်မယ်ဆိုလို့ မနက် ၆ နာရီလောက် ရေမိုးချိုး၊ အောက်ဆင်း မနက်စာ စားပြီး Hotel Lobby ကနေ အသင့်စောင့်နေလိုက်တယ်။ ဒီ ဗီယက်နမ် ခရီးကို စပြီး စီစဉ်ကတည်းက Halong Bay ကို သွားဖို့ စဉ်းစားခဲ့ကြတာမို့လို့ Halong Bay က သင်္ဘောပေါ် တစ်ညအိပ်နိုင်အောင် သင်္ဘောနဲ့ အခန်းကို ကြိုတင် Booking လုပ်ခဲ့ကြတယ်။ ထုံးစံအတိုင်း Booking လုပ်တဲ့ Website တွေကနေပေါ့။ အဲဒီတော့ ခုလို ကားနဲ့ လာကြို၊ ပြန်ပို့တာအပြင် သင်္ဘောပေါ်မှာ နှစ်ယောက်ခန်း၊ နေ့လည်စာ၊ ညစာ နဲ့ တခြားလည်ပတ်တဲ့ အစီအစဉ်တွေ အားလုံးအပါအပြီးကို ဒေါ်လာ ၂၆၀ လောက် ပေးလိုက်ရတယ်။ အကယ်လို့ ပြည်တွင်းက စီစဉ်ချိတ်ဆက်ပေးတဲ့ Tour တစ်ခုခုနဲ့ဆိုရင်တော့ ပိုပြီး သက်သာကောင်း သက်သာနိုင်ပါတယ်။ ထားပါလေ။ ကျွန်တော်တို့ ကိုယ်တိုင်က အဲလိုမျိုး မလွတ်မလပ်သွားရတာမှ မကြိုက်ဘဲ။

ဗီယက်နမ်ခမောက်လေးဆောင်းလို့ နိုင်ငံအနှံ့ ဆိုင်ကယ်နဲ့ပတ်မယ် (၂)

လမ်းဘေးမှာ ရောင်းလေ့ရှိတဲ့ အမှတ်တရလက်ဆောင်ပစ္စည်းများ

အမြဲလိုလို မြူဝေနေတတ်တဲ့ ဟနွိုင်းမြို့လေးဟာ ကလောမြို့လေးနဲ့ အလားသဏ္ဍာန်တူပါတယ်။ ဆောင်းတွင်းဆို အေးမယ့်ပုံလေးပါ။ ခု နွေရာသီသွားတာတောင် ရာသီဥတုလေးက နေပျော်ပါတယ်။ အရမ်းကြီးတော့ အေးမနေပါဘူး။ နေလို့ကောင်းရုံပေါ့။ Tour Package နဲ့ သွားတာမဟုတ်တော့ နောက်ကျတဲ့အထိ အိပ်မယ် စိတ်ကူးထားပေမယ့်လည်း ၈ နာရီမထိုးခင်ကို အားလုံးက နိုးပြီး အပြင်ထွက်ဖို့ တက်တက်ကြွကြွ ရှိနေပြီ။ ကျွန်တော့ အခန်းမှာက ဝရံတာ ပါတော့ မနက် နိုးနိုးချင်း လုပ်ဖြစ်တာက ဝရံတာထွက်ပြီး အနီးအနားက လှုပ်ရှားမှုလေးတွေ ဓါတ်ပုံရိုက်တာပါပဲ။ ရိုးရှင်းတဲ့ လူနေမှုပုံစံကို တွေ့ရတယ်။ နယ်မြို့တစ်မြို့ကို ရောက်သွားရတဲ့အတိုင်း ဝတ်စားဆင်ယင်မှုကအစ ရိုးရှင်းတယ်။ ရိုးရာအစဉ်အလာကို ထိန်းသိမ်းလိုက်လျှောက်နေကြတဲ့ ပုံပန်းကို တွေ့ရတယ်။ အရင်က ပြောခဲ့သလို ပြားချပ်ချပ် အဆောက်အဦးတိုင်းရဲ့ မြေညီထပ်ဟာ ဆိုင်ခန်းတွေ ဖြစ်နေကြတယ်။ မနက်လင်းပြီဆိုတာနဲ့ နိုင်ငံခြားသားတွေ အနေများတဲ့ ဒီ Old Quarters မှာ ပျားပန်းခတ် လူတွေလှုပ်ရှားသွားလာနေကြတယ်။

မိုးကုတ်ကို တစ်ညအိပ် နှစ်ရက် ခရီးထွက်မယ်ဆိုရင်…

ကျွန်တော် ပြင်ဦးလွင်ကို ရောက်နေတုန်း၊ တစ်ခါမှ မရောက်ဖူးသေးတဲ့ မိုးကုတ်ကို သွားဖို့ စီစဉ်လိုက်တယ်။ မိုးကုတ်က ပြင်ဦးလွင်ကနေဆိုရင် ၈၄ မိုင်လောက်ပဲ ဝေးလို့ ၃ နာရီ ခရီးပဲ ရှိတာမို့ တစ်ညအိပ်ခရီးသွားဖို့ လုံလောက်တယ်လို့ ထင်မိတာကြောင့်လည်း ပါပါတယ်။ မိုးကုတ်ကို သွားဖို့ ပြင်ဦးလွင်က လွင်မိုး (ပြင်ဦးလွင် - မိုးကုတ်) ဗင်ကားအသင်းနဲ့ ချိတ်ဆက်ပြီး ကားစင်းလုံးငှားထွက်လာဖြစ်ခဲ့တယ်။ ပုံမှန်အားဖြင့် ရှေ့ခန်း တစ်သောင်းခွဲ၊ နောက်ခန်း တစ်သောင်း စသဖြင့် ရှိတတ်ပေမယ့် ဟိုမှာလည်ပတ်တဲ့အခါလည်း ကားလိုအပ်နိုင်လို့ အသွားအပြန် တစ်ခါတည်း ငှားထားလိုက်ပါတယ်။

မနက်စောစောထွက်နိုင်ရင်တော့ မိုးကုတ်ကို ဝင်ချိန်စောလို့ လည်ဖို့ ပတ်ဖို့အချိန်ရပေမယ့် ကျွန်တော်ငှားတဲ့ကားက ဘရိတ်အသစ်လဲတယ်ဆိုပြီး ၁၀ နာရီလောက်မှ လာခေါ်နိုင်ပါတယ်။ ပြင်ဦးလွင်-မိုးကုတ်လမ်းက အရမ်းသာယာပြီး လမ်းပိုင်းတော်တော်များများ ကောင်းပါတယ်။ လမ်းစဦးပိုင်းမှာတော့ ကားနှစ်စီးရှောင်သာတဲ့ အနေအထားရှိပေမယ့် တော်တော်လေး ခရီးရောက်လာတာနဲ့ လမ်းက ကျဉ်းလာလို့ ကားနှစ်စီးရှောင်ရန် မလွတ်တဲ့အနေအထားဖြစ်လာပြီး တစ်စီးစီးက လမ်းဘေးနည်းနည်းချမောင်းရတတ်ပါတယ်။ ဟိုနား ဒီနား ကွက်လောင်နေတဲ့ တောမီးတွေကလည်း မိုးကုတ်နား မရောက်ခင်ထိပါပဲ။ တခါတလေ မီးခိုးတလူလူနဲ့မို့ ကားမှန်ဖွင့်မောင်းရင် မျက်စိထဲဝင်ပြီး စပ်လို့ မျက်ရည်ကျတတ်ပါတယ်။

ဗီယက်နမ်ခမောက်လေးဆောင်းလို့ နိုင်ငံအနှံ့ ဆိုင်ကယ်နဲ့ပတ်မယ် (၁)

လမ်းသွားရင် သတိအမြဲထားနေရတဲ့ ဆိုင်ကယ်မြို့တော်တစ်ခုပါပဲ။

ကျွန်တော် သီဟ ရဲ့ သင်္ကြန်အားလပ်ရက်ကိုတော့ ပေါ့ပေါ့ပါးပါးနဲ့ ဗီယက်နမ်ဘက်ကို ထွက်ဖို့ စဉ်းစားထားခဲ့တာ ၂၀၁၆ ခုနှစ် နှစ်စကတည်းကပဲ။ သူငယ်ချင်း (၄) ယောက် ကြိုတင်စီစဉ်ခဲ့ကြလို့ ဖေဖော်ဝါရီလ အစပိုင်းကတည်းက လေယာဉ်လက်မှတ် ကြိုဝယ်ထားလိုက်တယ်။ Vietjet လေယာဉ်နဲ့ လက်မှတ်ကြိုဝယ်ပြီးသွားတာတောင် ဈေးနှုန်းက အသွား အပြန်အတွက် ၃၀၈ ဒေါ်လာလောက် ကျသင့်သွားတယ်။ ဗီယက်နမ်ကို ဧပြီ ၉ ရက်နေ့လောက်ထွက်ပြီး ၁၆ ရက်နေ့ ပြန်လာဖို့ဆိုတော့ ဟိုမှာ ၇ ရက်လောက် အချိန်ရသွားတယ်။ ဒါနဲ့ပဲ မြို့တော်ဟိုချီမင်းနဲ့ ဟနွိုင်း မြို့နှစ်မြို့ကို လည်ပတ်ဖို့ ဆုံးဖြတ်လိုက်ကြတယ်။

Yangon Splash Walk 2016 တွင် ပါဝင်ခြင်း

ဒီ ၂၀၁၆ ခုနှစ် မြန်မာသင်္ကြန်မှာ ကျွန်တော်တော့ ထူးထူးခြားခြားအစီအစဉ်လေးတစ်ခုမှာ ပါဝင်ဖြစ်သွားတယ်။ ခရီးထွက်နေရာကနေ သင်္ကြန်မမီလောက်တော့ဘူး ထင်နေခဲ့တာ လေယာဉ်လက်မှတ်ပြန်ကြည့်တော့မှ သင်္ကြန်အတက်နေ့ နေ့လည် ပြန်ရောက်မယ်ဆိုတာ သိလိုက်ရတော့ ပထမဆုံးစဉ်းစားဖြစ်တာက မဏ္ဍပ်သွားဖို့ပါ။ အဲဒီအချိန်မှာ သူငယ်ချင်း ဟိန်းဇော်ညိုက ရန်ကုန်မှာ Yangon Splash Walk ဆိုတဲ့ activity တစ်ခုရှိတယ်ဆိုတာလေးရေးထားတာ ဖတ်လိုက်ရတယ်။ လွန်ခဲ့တဲ့ ရက်အနည်းငယ်ကတည်းက အဲဒီ Event ရှိကြောင်းကို တွေ့နေမြင်နေရပေမယ့် အချိန်မီ၊ မမီ မသေချာလို့ Going မလုပ်ထားခဲ့မိဘူး။ သူငယ်ချင်း ဖိုးသားနဲ့ ကိုနေ တို့ကလည်း သွားမယ်ဆိုတာနဲ့ နောက်ဆုံး မဏ္ဍပ်မထိုင်တော့ဘဲ ဒီ Activity မှာ ပါဝင်ဖို့ ဆုံးဖြတ်လိုက်တယ်။

Water Splash Walk လှုပ်ရှားမှုရဲ့ အဓိက ရည်ရွယ်ချက်က လွန်ခဲ့တဲ့ ၉၀ ခုနှစ်အစဦးတုန်းက ကလေးဘဝမှာ ခေတ်စားခဲ့တဲ့ လွယ်အိတ်ထဲ ရေပုံးထည့်ပြီး ရေပြွတ်တွေ၊ ရေသေနတ်တွေနဲ့ မြို့ထဲလမ်းတွေပေါ်၊ ရပ်ကွက်ထဲ လျှောက်သွားပြီး စစ်တိုက်သလိုပဲ ကိုယ်တွေလိုကလေးတွေ တွေ့ရင် ရေနဲ့ အပြိုင်ပက်ကြတာမျိုးကို ပြန်ပြီး အမှတ်တရ ဖော်ထုတ်တဲ့ လှုပ်ရှားမှုလေးပါ။ မှတ်မိသေးတယ်။ ကျွန်တော်ငယ်ငယ်တုန်းကလည်း စတီးပြွတ်တွေနဲ့ သိပ်ပျော်ခဲ့တာ။ အုန်းလက်မဏ္ဍပ်တွေနဲ့ ပြိုင်ပက်ရရင်တော့ မစားသာဘူးလေ။ ကိုယ်တွေ သူငယ်ချင်းအုပ်တောင့်ရင်တော့ တစ်ဘက်က အဖွဲ့ ခံပေရော့ပဲ။ ကိုယ်တွေ သူငယ်ချင်းအုပ်မတောင့်ရင်တော့လည်း ခံပေါ့။ ဒီ Water Splash Walk ရဲ့ ကျေးဇူးနဲ့ ဒီပုံရိပ်တွေက ဆေးရောင်စုံရုပ်ရှင်ဟောင်းတစ်ခုကို ပြန်ကြည့်နေရသလို အဝါရောင်ခပ်များများနဲ့ မျက်စိထဲ ပေါ်လာစေတယ်။

နေ့လည် ၁ နာရီလောက်မှ လေယာဉ်ဆိုက်တော့ အိမ်ကို အပြေးအလွှားရေချိုးပြန်ရတယ်။ ပြီးတော့ သူငယ်ချင်းတွေနဲ့ ချိန်းထားတဲ့ Sule Shangrila ကို အရင်သွား၊ အဲဒီကနေမှ စုရပ်နေရာဖြစ်တဲ့ မဟာဗန္ဓုလပန်းခြံလမ်းပေါ်ကို အပြေးလာရတယ်။ နေ့လည် ၃ နာရီလောက်မှ လူအုပ်က ခပ်များများဖြစ်နေပြီ။ အားလုံးက ရေသေနတ်လေးတွေကိုယ်စီနဲ့၊ အရက်မူးနေပုံ မရှိဘဲ ပကတိဖြူစင်နေတဲ့ ကလေးငယ်တွေရဲ့ ပုံရိပ်မျီုးတွေက အားလုံးမှာ တွေ့ရတယ်။ ဝတ်စုံအဆန်းအပြားလေးတွေနဲ့ တွေ့ရသလို၊ ရေသေနတ်မပါသူတွေကလည်း ရေသန့်ဘူးကို ထိပ်ဖောက်ပြီး ရေသေနတ်လုပ်လို့ ရေဆော့နေကြတယ်။ မကြီးစန်း တို့ ကိုပြည်စိုးအောင် တို့လို Celebrities တွေလည်း တွေ့ရတယ်။ သူတို့ဆိုလည်း လူတိုင်းက ချစ်ခင်စွာနဲ့ ဓါတ်ပုံ ဗီဒီယိုတွဲရိုက်သမျှကို ပြုံးပြုံးလေးနဲ့ လိုက်လျောလုပ်ဆောင်ပေးရှာပါတယ်။

အစီအစဉ်အရ ရန်ကုန်မြို့ရဲ့ အထင်ကရ သမိုင်းဝင်အဆောက်အဦးတွေနဲ့ Splash Walkers တွေ တွဲဖက် အမှတ်တရ ဓါတ်ပုံရိုက်ကူးဖို့ရှိတယ်။ ဒီအစီအစဉ်မှာ ရေသေနတ်တွေကိုယ်စီနဲ့ စုရပ် မဟာဗန္ဓုလပန်းခြံလမ်းကနေ ပန်းဆိုးတန်းတစ်လျှောက်၊ ပြီးတော့ ဗိုလ်ချုပ်အောင်ဆန်းလမ်း၊ ဗိုလ်အောင်ကျော်လမ်း၊ အနော်ရထာလမ်း၊ သိမ်ဖြူလမ်းနဲ့ ကုန်သည်လမ်း၊ ကမ်းနားလမ်း၊ ဆိပ်ကမ်းသာလမ်းကနေမှ မဟာဗန္ဓုလပန်းခြံလမ်းကို ပြန်ဝင်ရမှာပါ။ အဲဒီလမ်းတစ်လျှောက်မှာရှိတဲ့ လွတ်လပ်ရေးကျောက်တိုင်၊ မြို့တော်ခန်းမ၊ တရားလွှတ်တော်၊ လောကနတ်ပြခန်းအဆောက်အဦ၊ ဝဇီရာရုပ်ရှင်ရုံ၊ စိန့်မေရီဘုရာျးေကျာင်း၊ ဗဟိုပုံနှိပ်တိုက်၊ ဝန်ကြီးများရုံး၊ ဗဟိုစာတိုက်ကြီး၊ Strand ဟိုတယ် စတဲ့ သမိုင်းဝင်အဆောက်အအုံတွေကို နောက်ခံထားပြီး အမှတ်တရဓါတ်ပုံရိုက်ကြပါတယ်။

လမ်းတစ်လျှောက်လည်း ရေလိုအပ်ရင်ဖြည့်ပေးဖို့ ရေဖြည့်တဲ့ကားတွေ စီစဉ်ပေးထားသလို၊ ငယ်ငယ်ကလိုပဲ တွေ့ကရာ အုန်းလက်မဏ္ဍပ်၊ မဏ္ဍပ်ကြီးတွေမှာ အားမနာတမ်း ရေတောင်းပြီးလည်း ဖြည့်ကြပါတယ်။
လူပေါင်းရာချီလို့ တညီတညွတ်တည်း လျှောက်သွားနေကြတာကို အချို့ကလည်း ဆန္ဒပြသလားပေါ့။ ဝိုင်းအုံကြည့်ကြ၊ ဓါတ်ပုံနဲ့ ဗီဒီယိုတွေ ရိုက်ကြနဲ့။ ရီလည်း ရီရပါတယ်။
ရဲ အချို့ရဲ့ စစ်ဆေးမေးမြန်းတာတွေလည်း ခံခဲ့ရသလို၊ ယာဉ်ထိန်းရဲတွေ နဲ့ ရဲတွေရဲ့ အကူအညီပေးမှုကိုလည်း ရရှိခဲ့ပါတယ်။

ညနေ ၆ နာရီ ရေပိတ်ချိန် ကွက်တိလေး မူလစုရပ်နေရာပြန်ရောက်ပြီး အားလုံးချစ်ခင်စွာနဲ့ သင်္ကြန်သီချင်းလေးတွေဆိုလို့ လှုပ်ရှားမှုလေးကို ရပ်နားပါတယ်။ ပြီးတော့ အမှိုက်ကူကောက်ပေးတဲ့သူတွေကလည်း အမှိုက်လေးတွေကို ကိုယ့်သဘောနဲ့ကိုယ် ပြန်လိုက်သိမ်းဆည်းပေးကြပါတယ်။

ဒီအစီအစဉ်မျိုးလေးတွေ နှစ်တိုင်းပြုလုပ်ပေးနိုင်ရင် ကောင်းတယ်လို့ ကျွန်တော်တော့ ထောက်ခံမိပါတယ်။ တစ်ခုပဲ အရင်ကလို လမ်းတိုင်း ရပ်ကွက်တိုင်းမှာ အုန်းလက်မဏ္ဍပ်တွေ ရှိမနေတော့တာမို့ ရေတော်တော်နဲ့ မစိုနိုင်တာကတော့ ခက်ပါတယ်။ ထူးခြားတဲ့ အစီအစဉ်ထူးလေးတွေ ထပ်ပေါင်းဖြည့်ထည့်ပေးနိုင်ရင်တော့ ပိုကောင်းမှာပါ။ ခုထိကတော့ ကိုယ့်သူငယ်ချင်းတွေနဲ့ ရေသေနတ်ကိုင်လမ်းလျှောက်ပြီး သမိုင်းဝင်အဆောက်အဦးတွေနဲ့ ဓါတ်ပုံရိုက်ရတာကလွဲရင် သိပ်ပြီး ထူးခြားမှု မရှိသေးလို့ ပိုပြီးဆွဲဆောင်မှုရှိမယ့် အစီအစဉ်လေးတွေကို စနစ်တကျ သေသေသပ်သပ်လေး ရေးဆွဲလို့ နောက်နှစ်တွေမှာ ပိုပြီးလုပ်ဆောင်နိုင်ဖို့ မျှော်လင့်မိပါတယ်။

သီဟလုလင်
၁၇ ဧပြီလ ၂၀၁၆

ဆလုံရွာ မကျုံဂလက် နဲ့ လန်ပိကျွန်းတွေဆီကို

အိပ်မက်ထဲမှာပဲ ရေကူးကောင်းတဲ့ ကျွန်တော်

အိပ်မက်ထဲမှာပဲ ရေကူးကောင်းတဲ့ ကျွန်တော်က မနေ့က ပင်လယ်ထဲမှာ လန့်ခဲ့တဲ့ အလန့်လေးနဲ့ ဒီမနက်မှာ စောစောလေး နိုးလာခဲ့တယ်။ Guide က မှာလိုက်တယ်။ မနက်ကို အစောဆုံး Boat Ferry နဲ့ လိုက်လာပါဆိုတော့ ၆ နာရီလောက်ထ ရေမိုးချိုးပြီး ၇ နာရီလောက်မှာ ဟိုတယ် မနက်စာကို ဆင်းစားလိုက်တယ်။ ထိုင်းအချိန် ၈ နာရီက မြန်မာအချိန် ၇ နာရီခွဲမို့ ကိုယ်မနက်စာ စားပြီးချိန်နဲ့ အဆင်ပြေပြေပဲ သင်္ဘောထွက်ချိန်မီသွားတယ်။ လှေဆိပ်မှာက အမြဲလိုလို ရနောင်းသွားမယ့် လှေ နဲ့ ကော့သောင်းသွားမယ့် လှေ တွေ တစ်ချိန်တည်းထွက်ကြတော့ ဘယ်ဘက်ကနေ ဆင်းရမလဲဆိုတာ လမ်းညွန်တွေ သေချာဖတ်ရတယ်။ တစ်ခါတလေလည်း ရေးထားတာနဲ့ တလွဲစီ။ ခုလည်းကြည့် ရနောင်းသို့ ဆိုတဲ့ ဆိုင်းဘုတ်နေရာကနေ ဆိပ်ခံဘောတံတားကို ဆင်းပြီး ရနောင်းသွားမယ့် Speed Boat ကို ကျော်ခွလို့ ဘေးချင်းယှဉ်ရပ်ထားတဲ့ ကော့သောင်းသွားမယ့် Speed Boat ကို တက်ရတယ်။ ဒီမနက်က လူရှင်းနေတော့ လူ ၈ ယောက်လောက်နဲ့ ကော့သောင်းကို ထွက်လာခဲ့ပါတယ်။ စရောက်တဲ့နေ့က ရိုးရိုးစက်လှေအကြီးစားပဲ စီးခဲ့ရတော့ ၁၅ မိနစ်လောက် ကူးရပေမယ့် ခုလို Yamaha ၂၅၀ စက်နှစ်လုံးအားနဲ့ Speed Boat ကတော့ ၅ မိနစ်လောက်အတွင်း ကော့သောင်းကို ခေါ်သွားပေးပါတယ်။ ဟိုနေ့က ညနေဘက်မှ ရောက်တော့ ကော့သောင်းဘက်ကို မမြင်ရဘူး။ ခုမှပဲ ကော့သောင်းရဲ့ ဆိပ်ကမ်းနဲ့ ဘောတံတားအလှတွေ၊ ကြိုဆိုရေးဆိုင်းဘုတ်တွေကို မြင်တွေ့ခွင့်ရတယ်။

ရေငုပ်ရင်း ပင်လယ်ကြီးရဲ့ လျို့ဝှက်ချက်တွေကို ဖော်ထုတ်ရအောင်

သွားနေတုန်း Guide က မိတ်ဆက်ပေးတဲ့ ကျွန်းတွေကို တတ်နိုင်သမျှ လိုက်မှတ်ရတယ်။

နေပူတာနဲ့ ပင်လယ်လေ ပေါင်းပြီး လူကို အသားမည်းသွားစေမယ်မှန်း သိသိရက်နဲ့ မြန်မာပြည်ရဲ့ အလှတရားကို အားပါးတရ ခံစားဖို့ ကျွန်တော် လှေဦးဘက်မှာထိုင်လို့ ဟိုဘက်ဒီဘက် ငေးမောမဆုံးကြည့်နေမိတော့တယ်။ ဘေးမှာ ပါလာတဲ့ Regional Guide ကိုကျော်ကျော်ဟန်ကလည်း အားပါးတရ ရှင်းပြပေးတယ်။ လက်ညှိုးထိုးပြီး ဟိုးကျွန်းက ဘာပါ။ ဘယ်လိုမျိုးပါ။ စသဖြင့် ရေပက်မဝင်အောင် ရှင်းပြပေးသလို၊ တစ်ခါတလေ အားမလိုအားမရ အတင်း ကြည့်ခိုင်းတတ်တယ်။ တစ်ခါတလေ သူပြောပြတာက ကျွန်းတစ်ခုအကြောင်း ကိုယ်မြင်နေတာက တခြားကျွန်းတစ်ခုနဲ့ နောက်မှ ဟိုကျွန်းလား ဒီကျွန်းလား ပြန်မေးပြီး ရယ်လိုက်ရတာ။

သူဌေးကျွန်းမှာ ဘာတွေရှိလဲ၊ ဘယ်တွေသွားရမလဲ?

ပင်လယ်ကြီးထဲက ရှုခင်းတွေကို ကြည့်ရင်း လတ်ဆတ်တဲ့လေကို တဝကြီးရှုရှိုက်ဖို့

ညက အိပ်မက်ထဲမှာတော့ ကျွန်တော်က ဆလုံကောင်လေး တစ်ယောက်ပေါ့ဗျာ။
မနက်စောစောလေး သံပတ်ပေးထားလို့ မနက် ၆ နာရီလောက်မှာ နိုးလာတယ်။ ဘေးက လိုက်ကာကြီးကို ဆွဲဖွင့်လိုက်တာနဲ့ မနက်ခင်းလေးမှာ လူကို လန်းဆန်းသွားအောင် မှန်ပြတင်းတံခါးတစ်ဘက်က ပင်လယ်ကြီးနဲ့ ခပ်ဝေးဝေးမှာ ရေးရေးမြင်ရတဲ့ ကျွန်းတွေက နှိုးဆွနေတယ်။ ဒီနေ့ မြိတ်ကျွန်းစုခရီးစဉ်မှာတော့ Regional Guide ကိုကျော်ကျော်ဟန်က တာဝန်ယူပို့ဆောင်ပေးမယ်ပြောပါတယ်။ မနက် ၇ နာရီခွဲလောက် ဟိုတယ်က စားသောက်ဆိုင်မှာ မနက်စာ စားရတယ်။ မနက်စာ နိုင်ငံတကာဘူဖေးက မဆိုးဘူး ပြောရမယ်။ အရမ်းကြီး နိုင်ငံစုံအစားအစာတွေ မရှိပေမယ့် ကျွန်တော်တို့ မြန်မာတွေ သဘောကျမယ့် ထမင်းဖြူ နဲ့ ဟင်း ၅ မျိုးလောက်၊ ဆန်ပြားကြော်၊ ဟင်းချို စတာတွေ ပါဝင်သလို၊ ဥရောပစတိုင်၊ အမေရိကန်စတိုင် မနက်စာတွေ စားဖို့လည်း တည်ခင်းပေးပါတယ်။ ကြက်ဥကြော်အတွက် စားဖိုမှူးတစ်ယောက် တာဝန်ယူပြင်ဆင်ပေးသလို၊ ဆန်ပြုတ် ဒါမှမဟုတ် ဂျပန်ခေါက်ဆွဲလိုဟာမျိုးလည်း ရှိသေးပြန်တယ်။ အသီးအနှံ စားချင်သူတွေအတွက်လည်း သစ်သီး ၃ မျိုးလောက် စိတ်ပေးထားသလို၊ နိုင်ငံတကာပုံစံ သီးရွက်သုပ်စားချင်ရင်လည်း ၃ မျိုးလောက်ကို sauce နဲ့ dressing ၃ မျိုးလောက်နဲ့ တည်ခင်းပေးပြန်ပါတယ်။ ကော်ဖီ၊ လက်ဖက်ရည်နဲ့ အအေးမျိုးစုံလည်း ရှိသေးပြန်တယ်။

ကော့သောင်းနဲ့ သူဌေးကျွန်းကို အလည်သွားမယ်

ကျွန်တော်က ခရီးသွားရင် Tour Agent တွေက သွားရင် စိတ်ညစ်တတ်တယ်။ အဓိကက သူတို့ရဲ့ အချိန်ဇယားတိုင်း သွားရတာကို မကြိုက်လို့။ တစ်ဘက်က ကြည့်ပြန်တော့လည်း Tour Agent တွေ ဆွဲသားပေးတဲ့ အစီအစဉ်တွေက ကိုယ့်အတွက် အချိန်မလင့်စေဘဲ၊ ဒေသတစ်ခုရဲ့ မသွားမဖြစ် ရောက်သင့်တဲ့နေရာအားလုံးကို စုံစုံလင်လင် ရောက်ရှိသွားစေတယ်။ သိသင့်သိထိုက်တဲ့ ဒေသန္တရဗဟုသုတလည်း ကိုယ်ရလိုက်တယ်ပေါ့။ ဒါကလည်း သူတို့စီစဉ်ပေးတာ ကောင်းဦးမှပါ။ အဆင်မချောတဲ့ Tour Agency တွေနဲ့လည်း သွားဖြစ်ခဲ့ဖူးပါတယ်။

ဒီတစ်ခါ အားလပ်ရက်နည်းနည်းလေး ရတာနဲ့ သွားချင်စိတ် တစ်ခါမှ မဖြစ်ဖူးခဲ့တဲ့ မြန်မာနိုင်ငံရဲ့ တောင်ဘက်အစွန်းဆုံး ကော့သောင်းမြို့နဲ့ သူဌေးကျွန်းဘက်ကို ထွက်လာဖြစ်ခဲ့တယ်။ ခရီးသွားဖို့ စိတ်ဝင်စားစရာတွေ ပြည့်နေတဲ့ နေရာတစ်ခုမှန်း သိလိုက်ရလို့လည်း သွားဖို့ စိတ်ဖြစ်ပေါ်လာတာပါ။ ကိုယ်မရောက်ဖူးတဲ့ ဒေသမို့ Tour Agency တွေကို အားကိုးရပြန်တယ်။ Tour Diamond ရဲ့ အစီအစဉ်နဲ့ မတ်လ (၃၁) ရက်နေ့ မနက်မှာ ခရီးစတယ်။ မနက် ၉ နာရီခွဲ ရန်ကုန် - ထားဝယ် - ကော့သောင်း MNA လေယာဉ်နဲ့ ဆိုပေမယ့် ထုံးစံအတိုင်း ဒီဘက်ခရီးစဉ်နောက်ကျပါတယ်။ ၁၀ နာရီခွဲမှ ထွက်နိုင်ပါတယ်။ ရန်ကုန်ကနေ ထားဝယ်ကို မိနစ် (၄၀) ပျံပြီး၊ ထားဝယ်ကနေ ကော့သောင်းကို (၄၅) မိနစ် ကြာပျံပါတယ်။ ထားဝယ်မှာ ခဏနားချိန် ၁၅ မိနစ်လောက်ကို ထည့်တွက်ရင် တစ်နာရီနဲ့ မိနစ် (၄၀) ကြာတဲ့ ခရီးပါ။

Samsung Galaxy S7 edge နဲ့ Galaxy S6 edge ဘာတွေကွာခြားသွားသလဲ?

ဖုန်းအသစ်ထွက်လာတိုင်း အားလုံးစိတ်ဝင်စားကြတဲ့ အချက်ပါ။ Samsung မှာက series တွေအလိုက် ဖုန်းတွေ ထွက်ပါတယ်။ အဲဒီထဲက S series ဖုန်းတွေက လူငယ်တွေအကြိုက် ဒီဇိုင်းခပ်သွက်သွက်နဲ့ ဆန်းသစ်တဲ့လုပ်ဆောင်ချက်တွေ စဦးတီထွင် ပါဝင်လာတတ်တယ်။ ဈေးလည်း မြင့်တယ်ပေါ့။ Note series ဖုန်းတွေကတော့ လူလတ်ပိုင်း လူကြီးပိုင်း လုပ်ငန်းခွင်ဝင်ရောက်နေသူတွေရဲ့ အကြိုက်။ S-pen လေးနဲ့ ဟိုခြစ် ဒီခြစ် လုပ်ချင်သူတိုင်းရဲ့ အသည်းကျော်ဆိုရမယ်။ သူ့မှာတော့ နှစ်အစမှာထွက်လာတဲ့ S series ထဲက လုပ်ဆောင်ချက်တွေကို နည်းနည်းမွမ်းမံတာလေးတွေနဲ့ S-pen သုံးရတဲ့ လုပ်ဆောင်ချက်တွေဦးစားပေး ပါဝင်လာတယ်။ ဈေးလည်း ပိုမြင့်တတ်ပြန်တယ်။

S series ကြိုက်တဲ့ လူငယ်တွေကလည်း S ကို series အလိုက် စွဲစွဲမြဲမြဲကိုင်ကြတယ်။ ဒီတော့ ကိုယ် အခုကိုင်ထားတဲ့ အရင်နှစ်ထွက် S series ဖုန်းနဲ့ အခု အသစ်ထွက်တဲ့ S series ဖုန်း ဘာတွေ ကွာလည်းဆိုတာ သိချင်လာပြန်တယ်။ သိပ်မကွာရင်လည်း မလဲသင့်ရင် မလဲသေးဘူးပေါ့။ နည်းပညာတွေ အရမ်းကွာသွားလို့ လဲချင်လာလည်း လဲမှာပေါ့လေ။ ဘာတွေကွာသွားလဲ ကြည့်ရအောင်။

ဘန်ကောက် ပတ္တရား ပေါ့ပေါ့ပါးပါးနဲ့ တစ်ယောက်တည်းသွားလည်း OK တယ်

ဘန်ကောက်ကနေ ပတ္တရားသွားတဲ့ လမ်းပေါ်မှာ ရှိနေတဲ့ Sriracha Tiger Zoo အဝင်ပါ။ ဓါတ်ပုံရိုက်ဖို့အရမ်းလှပါတယ်။ ကားကြီးနဲ့လာရင်တော့ ကားရပ်ဖို့ ခက်ခဲနိုင်ပါတယ်။

လူတွေမှာ ခရီးသွားတာနဲ့ ပတ်သက်လို့ ခံယူချက်သီးသီးသန့်သန့်လေးတွေရှိတယ်။ တချို့က ခရီးသွားရင် မိသားစုတစ်စုလုံးနဲ့ သွားရမှ လုံခြုံပျော်ရွှင်တယ်။ တချို့ကျတော့ သူငယ်ချင်းများများနဲ့ စည်စည်ကားကား ဆူဆူညံညံလေး သွားချင်တယ်။ တချို့ကတော့ ခရီးသွားအေဂျင်စီတွေက စီစဉ်ပေးတဲ့ ခရီးမျိုးကိုလိုက်ချင်ပြီး မိတ်ဆွေအသစ်တွေ တွေ့ရ ရှာရတာမျိုးကို သဘောကျကြတယ်။ တချို့ကတော့ တစ်ယောက်တည်း ခရီးသွားမှ ကိုယ့်သဘောနဲ့ကိုယ် စိတ်ကြိုက်သွားလာလှုပ်ရှားနိုင်တယ်လို့ထင်တယ်။ သူ့ခံယူချက်နဲ့သူမို့ ဘယ်သူကမှတော့ မမှားကြပါဘူး။ သို့ပေမယ့်လည်း ဒီခံယူချက်တိုင်းမှာ အားနည်းချက်၊ အားသာချက်လေးတွေတော့ ရှိသပေါ့လေ။

ကျွန်တော်ကတော့ ခရီးသွားရင် ဘယ်လိုသွားရ သွားရ ပျော်နေတတ်တာပါပဲ။ တစ်ယောက်တည်းလား၊ နှစ်ယောက်တွဲလား၊ အဖော်တသင်းနဲ့လား၊ မိသားစုနဲ့လား၊ ဘာလိုပဲဖြစ်ဖြစ် ခရီးသွားရတာကို သဘောကျနှစ်သက်နေမိပါတော့တယ်။ ဒီတစ်ခါ ကျွန်တော်သွားဖြစ်ခဲ့တာက ဘန်ကောက်၊ ပတ္တရားဘက်ပေါ့။ သြော် တစ်ခုတော့ ကျွန်တော် သိပ်မခိုက်တာရှိတယ်။ အဲဒါ ခရီးသွားအေဂျင်စီတွေရဲ့ အစီအစဉ်နဲ့ သွားရတာပဲ။ ကျွန်တော့အတွက် အပန်းမပြေဘဲ ပိုပင်ပန်းစေတယ်ထင်မိလို့ပါ။ သို့ပေမယ့်လည်း စောစောကပြောသလိုပေါ့ အားသာချက်လေးတော့ ရှိတယ်။ ခရီးမသွားခင်နဲ့ သွားနေတုန်း ကိုယ့်ဘက်က သိပ်ပူပန်စရာမရှိဘူး၊ ခရီးသွားလေ့လာသူတစ်ဦးအနေနဲ့ ရောက်သင့်ရောက်ထိုက်တဲ့နေရာတွေအကုန်ရောက်နိုင်သလို၊ သွားရောက်တဲ့နေရာတွေနဲ့ပတ်သက်တဲ့အချက်အလက်တွေလည်း တိတိကျကျ လွယ်လွယ်ကူကူ သိနိုင်တာပါပဲ။ ဒါပေမယ့်လည်း ကျွန်တော့အတွက်ကတော့ ခရီးသွားအေဂျင်စီတွေရဲ့ အစီအစဉ်နဲ့ သွားရတာဟာ ငယ်ငယ်က မူလတန်းကျောင်းတက်တုန်း ဆရာမတွေနဲ့ လေ့လာရေးခရီးသွားနေရတယ်လို့ ခံစားရနေရတာကြောင့်ပါပဲ။

ဆိုတော့ ကျွန်တော်က ဒီ ခရီးကို ကိုယ့်ဘာသာကိုယ် သွားပါတယ်။ အရင်ကလည်း အလုပ်ကိစ္စတွေနဲ့ ဘန်ကောက်က မကြာခဏ ရောက်ဖြစ်ပေမယ့် လည်ပတ်ဖို့ သိပ်မလုပ်ဖြစ်ခဲ့ဘူး။ ခုတစ်ခေါက်တော့ အလုပ်ကနေ ရက်ရှည်ခွင့်ယူပြီး ပတ္တရားဘက်ကို ဦးစားပေး ထွက်ဖြစ်ခဲ့တယ်။ ကျွန်တော်တို့ဆီမှာ အားနည်းနေသေးတဲ့ အချက်ပေါ့။ လေယာဉ်လက်မှတ်ခကို အသက်သာဆုံးဖြစ်အောင် အင်တာနက်ကနေ ကြိုတင် Booking လုပ်တာမျိုး၊ ခရီးစဉ်ကို ကြိုတင်ကြံစည်ပြီး လေယာဉ်လက်မှတ်ဝယ်ယူထားတာမျိုး အရမ်းရှားတယ်။ တကယ်က အဲလိုလုပ်နိုင်ရင် ကိုယ့်ရဲ့ ခရီးစဉ်ဟာ စားရိတ်အများကြီး ချုံ့နိုင်သွားစေပါတယ်။ ဒီ ထိုင်းခရီးစဉ်အတွက်လည်း ကျွန်တော်က Budget Airline Nok Air ကို ကြိုတင်ဝယ်ယူခဲ့တာမို့ အသွားအပြန် ၈၅ ဒေါ်လာလောက်ပဲ ပေးခဲ့ရပါတယ်။ ကီလို ၃၀ သယ်ဆောင်ခွင့်ပါပြီးသား၊ အခွန်ပါပြီးသားပါ။ ဒါတောင် ကျွန်တော် တွေဝေနေလို့ ဈေးတက်သွားတာ ပထမစတွေ့တုန်းကဆို ၆၀ ဒေါ်လာလောက်ပဲ ရှိတယ်။ မြန်မာငွေ ၈သောင်း ၉ သောင်း လောက်နဲ့ ဘန်ကောက် အသွားအပြန် လက်မှတ်ရနိုင်တာ မဆိုးဘူးပေါ့။

နေ့စဉ်လုပ်ဆောင်သင့်တဲ့ အစွမ်းထက် အသေးအဖွဲ့ အလေ့အကျင့် (၁၂) ရပ်

ကျွန်တော်တို့တွေရဲ့ နေ့စဉ်ဘဝမှာ စိတ်ညစ်စရာတွေ၊ စိတ်ပျက်စရာတွေ၊ ဝမ်းနည်းစရာတွေကလည်း တစ်မျိုးမဟုတ် တစ်မျိုး တွေ့ရတတ်တယ်မဟုတ်လား။ ဒါတွေ မထင်မှတ်ဘဲ များများတွေ့ဆုံရချိန်မျိုးဆို စိတ်ဓါတ်တွေပျက်ပြားလို့ ကိုယ့်အသက်ကိုယ်တောင် နှမြောရမှန်း မသိတော့တဲ့ အခြေအနေမျိုးတွေ ဖြစ်လာတတ်ကြပါတယ်။ ဒါလို စိတ်ပျက်စရာကောင်းတဲ့ အချိန်အခိုက်အတံ့လေးကို အောင်အောင်မြင်မြင် လွယ်လွယ်ကူကူ ကျော်လွှားသွားနိုင်ဖို့ ကျွန်တော် ဖတ်ဖြစ်ခဲ့တဲ့ Dean Bkhari ရဲ့ နည်းလမ်းကောင်းလေးတွေကို ပြန်ပြီး ဘာသာပြန်ဝေမျှပေးလိုက်ပါတယ်။

သံဖြူဇရပ်က သတင်းကြီးတဲ့ ဒေါ်ပု

ဒေါ်ပု ထမင်းဆိုင် က သံဖြူဇရပ်မြို့ ရဲ့ သံဖြုဇရပ်ကြီး ရှိတဲ့ အဝိုင်း နားလေးမှာ ရှိပါတယ်။

ကြုံတုန်းလေး ပြီးခဲ့တဲ့ အပတ် စနေ၊ တနင်္ဂနွေ အားလပ်ရက်လေး မော်လမြိုင်-သံဖြူဇရပ်-စက်စဲ-ကျိုက်ခမီ ဘက် သွားလည်တော့ စားခဲ့ရတဲ့ မြန်မာထမင်းဆိုင်လေး တစ်ခုကို ညွှန်းချင်ပါတယ်။ သိတဲ့အတိုင်း မြန်မာပြည်သားတွေလည်း ခုနှစ်ပိုင်းတွေမှာ ကိုယ့်မြန်မာပြည်ထဲ ကျယ်ကျယ်ပြန့်ပြန့် သွားလည်နေကြတော့ အကယ်၍များ အဲဒီဘက် ရောက်ခဲ့ ပေါက်ခဲ့ရင် စားနိုင်အောင်ပါ။

ကျွန်တော်တို့ ညကတည်းက ထွက်လာတာ မနက်စောစော ကျိုက်ခမီ ဘက်ရောက်တယ်။ ပြီးတော့ စက်စဲကမ်းခြေဝင် ရေဆော့ပြီး နေ့လည်စာကို သံဖြူဇရပ်မှာ ဝင်စားဖြစ်ကြတယ်။ သေမင်းတမန်ရထားလမ်းကို မဝင်လည်ခင်လေးပေါ့။ အဲဒီ သံဖြူဇရပ်မှာ သံဖြူဇရပ်မြို့ရဲ့ အထင်ကရ သံဖြူဇရပ်ကြီး ရှိတဲ့ အဝိုင်း တစ်ခုရှိတယ်။ အဲဒီနားလေးတင် ဒီ မြန်မာထမင်းဆိုင်ကို ရှာတွေ့နိုင်ပါတယ်။ ဆိုင်နာမည်က "ဒေါ်ပု ထမင်းဆိုင်" တဲ့။ လူလည်း အတော်ကျတယ်။ ရွေးချယ်စရာ မြန်မာဟင်းအစုံပေါ့ ဆီပြန်တွေ၊ အကြော်တွေ၊ အသုပ်တွေ အစုံပါပဲ။

ရန်ကုန်မှာ အိန္ဒိယအစားအစာ ကောင်းကောင်းစားမယ်ဆိုရင်...

ဆိုင်အပြင်အဆင်လေး.. အတွင်းဘက်ကနေ အပြင်ကို ရိုက်တာဆိုတော့ နည်းနည်းမှောင်သွားတယ်။

ဒီတလော ဝိတ်လျှော့နေပါတယ်ဆိုမှ သီဟလုလင် တစ်ယောက် စားဖို့သောက်ဖို့ ကျွေးမယ့်သူတွေ တော်တော်လေး ပေါများနေတယ်။ မနေ့ညကပဲ သူငယ်ချင်း ဟိန်းဇော်ညို ရဲ့ မွေးနေ့ညစာလေး စားခဲ့ရသေးတယ်။ ဟော.. ခုကြည့် ဒီနေ့ နေ့လည်ကို ကိုယ့်ရဲ့ ဆရာမ၊ အထက်လူကြီးဟောင်း တစ်ယောက်က လိုက်ကျွေးလို့ စားဖြစ်ရပြန်ပြီ။ ခါတိုင်းလည်း အစ်မနဲ့က ဟိုစား ဒီစား သွားနေကျပါ။ ဒီတစ်ခါတော့ ထူးထူးခြားခြားလေး အိန္ဒိယအစားအစာလေး သွားစားမယ်ဆိုလို့ စိတ်ဝင်စားသွားတယ်။ နာမည်ကိုလည်း ကြိုပြောတယ်။ "The Taj" တဲ့။

အဲဒါနေ့ နေ့လည် အဲ့ဒီအစ်မကို ဝင်ခေါ်ပြီး "The Taj" ရှိတဲ့ ရန်ကုန်၊ အောင်ဆန်းကွင်း၊ City Mart ဘေး၊ ပန်းဆိုးတန်းလမ်းဘက်ခြမ်း ကို ရောက်လာခဲ့ရတယ်။ ကားရပ်ဖို့ နေရာ မလုံလောက်ပေမယ့်လည်း လူတိုင်းက ဟိုလမ်းဘေး ဒီလမ်းဘေး ထိုးရပ်နေကြတော့ လုံလောက်သလိုလိုတော့ ဖြစ်နေပါတယ်။ ဆိုင်နာမည် ဆိုင်းဘုတ်ကတော့ ကုလားစာ လေးလိုလိုပဲ ရုတ်တရက်ကြည့်ရင်။

အားပေးလက်ခုပ်သံ

အချစ်တစ်ခုရင်းလို့
ပြုံးပြုံးလေးနဲ့ ရှုံးတတ်အောင်
ရင်ဘတ်က သင်တယ်။

ချစ်ခဲ့မိလို့သာ နောင်တရမိရင်
သေချာတယ် 
ငါ့ပါး ငါပြန်ရိုက်မယ်။

ကျေးဇူးပြုလို့...
ပြုံးနေတဲ့အရှုံးသမားအတွက်
အဆင်ပြေရင် လက်ခုပ်သံလေး ကြားချင်ပါတယ်။

သီဟလုလင်
၇ ဇန်နဝါရီလ ၂၀၁၄

လိုအပ်ခြင်း

ညတွေက ကျယ်လောင်လွန်းတယ်...
နေစရာ မတွေ့သေးဘူး။

ကြယ်တွေက လင်းလွန်းနေတယ်...
အိပ်ဖို့ ကြိုးစားလည်း မရနိုင်ဘူး။

လေညင်းလေးတွေက စပ်ဖျင်းဖျင်းနဲ့...
ဒါတော့ တစိတ်လွန်ပြီထင်တယ်။

နေစရာနေရာလေး တစ်ခုလောက်
ငါ့ကိုပေးပါ။
ရင်ခွင်မှာ ဟိုအရင်လို မှီတွယ်ရင်းပေါ့။
ချစ်သူ မရှိရင်...
အရာရာဟာ ခြောက်ခြားစရာချည်းပဲမို့ပါကွာ။


သီဟလုလင်
၁၂ ဇန်နဝါရီလ ၂၀၁၄